ا ق ش - تىڭ تەكساس شتاتىنداعى وق شىعارۋ دەلوسىندە 20 ادام قازا بولدى

2019.08.05 14:08   كەلۋ قاينارى : حالىق تورابى

　　شينحۋا اگەنتتىگى، 8 – ايدىڭ 3 – كۇنى، لوس – انجەلەس (ءتىلشى: حۋاڭ حىڭ، گاۋ لۋ) ا ق ش تەكساس شتاتىنىڭ باستىعى گرەگ اببوتتىڭ 8 – ايدىڭ 3 – كۇنى اقپار جاريالاۋ جيىنىندا راستاۋىنشا، سول كۇنى تەكساس شتاتىنىڭ باتىس بولەگىندەگى ەلپاسو قالاسىنداعى ۋالمارت ەرەنبازارىندا تۋىلعان وق شىعارۋ وقيعاسىندا 20 ادام قازا بولىپ، 20 نەشە ادام جارالانعان.

　　گرەگ اببوت بىلاي دەدى: بۇل ءبىر رەتكى «قانقۇيلى ءارى ءمانسىز زورلىقتى ارەكەت»، شتات ۇكىمەتى جەرگىلىكتى ۇكىمەت تاراۋلارىنا قولداۋ ءبىلدىرۋ ءۇشىن قىرۋار اسكەر مەن ساقشى كۇشىن ورنالاستىردى.

　　ا ق ش پرەزيدەنتى دونالد ترامپ 8 – ايدىڭ 3 – كۇنى الەۋمەتتىك جەلىدە بىلاي دەگەن: ەلپاسو قالاسىندا تۋىلعان وق شىعارۋ وقيعاسى — تراگەديا، «مەن ا ق ش – تاعى بارلىق اداممەن بىرگە مۇنداي وشپەندىلىك تۋدىراتىن ارەكەتتەردى جازعىرامىن».

　　ەلپاسو ساقشى مەكەمەسىنىڭ باستىعى گرەگ اللەن اقپار جاريالاۋ جيىنىندا بىلاي دەدى: ساقشى جاق جەرگىلىكتى ۋاقىت بويىنشا ساعات 10نان 39 مينۋت وتكەندە دەلو مالىمدەۋدى تاپسىرىپ العاننان كەيىن ناق مايدانعا جەتكەن، ناق مايدانداعى جاعدايى وتە ۇرەيلى بولعان، 26 ادام جارالانعان، ولاردىڭ كوبىنىڭ جاراقاتى اۋىر. اللەن بۇل دەلونى «وشپەندىلىك سەبەبىنەن قىلمىس وتكىزۋمەن قاتىسى بار» دەگەن، الايدا ناقتى جاعدايىن ەگجەي – تەگجەيلى ايتپاعان.

　　كەلۋ قاينارى: حالىق تورابى