بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

لاوستا تۇراتىن ەلشىلىك پەن كونسۋلدىق اۋىر قاتىناس شىرعالاڭى جونىندە شۇعىل قۇتقارۋ جۇمىسىن ۇيىمداستىردى

2019.08.20 15:02   كەلۋ قاينارى : حالىق تورابى



  شينحۋا اگەنتتىگى، 8 – ايدىڭ 20 – كۇنى، ۆەنتيان. جۇڭگو ساياحاتشىلارى 8 – ايدىڭ 19 – كۇنى لاوستا اۋىر قاتىناس شىرعالاڭىنا ۇشىراعان سوڭ، جۇڭگونىڭ لاوستا تۇراتىن ەلشىلىگى مەن كونسۋلدىعى شۇعىل قۇتقارۋ جۇمىسىن ۇيىمداستىردى.

  جەرگىلىكتى ۋاقىت بويىنشا 8 – ايدىڭ 19 – كۇنى ساعات 15تەن 30 مينۋت وتكەندە، جۇڭگولىق ساياحاتشىلار وتىرعان ساياحات اۆتوبۋزى لاوستىڭ سولتۇستىگىندەگى لۋاڭپاراباڭ قالاسىنان 40 كيلومەتر قاشىقتىقتاعى جەردە اۋىر قاتىناس شىرعالاڭىنا ۇشىراعان. مالىمەتتى تاپسىرىپ العان سوڭ، جۇڭگونىڭ لاوستاعى باس ەلشىلىگى مەن لۋاڭپاراباڭدا تۇراتىن باس كونسۋلدىعى شۇعىل جاعدايعا توتەپ بەرۋ مەحانيزمىن بىرگە ىسكە قوستى، جۇڭگونىڭ لۋاڭپاراباڭداعى باس كونسۋلى لي جىگۇڭ شۇعىل جاعدايعا توتەپ بەرۋ گرۋپپاسىن باستاپ، شىرعالاڭ تۋىلعان جەرگە اتتاندى ءارى سول كۇنى كەشكى ساعات 20 اينالاسىندا شىرعالاڭ تۋىلعان جەرگە جەتىپ، لاۆوس جاقتىڭ ارميا – ساقشىلارى جانە جەرگىلىكتى قۇتقارۋشى كۇشتەرىمەن سايكەسە وتىرىپ قىزمەت ورىستەتتى.

  قۇتقارۋ ناق مايدانىنان العان حابارعا قاراعاندا، اۆتوبۋزعا جيىنى 46 ادام وتىرعان، ولاردىڭ ىشىندە 44 ادام جۇڭگو ازاماتى، ەكى ادام لاۆوستىق. 8 – ايدىڭ 20 – كۇنى تاڭ سارىگە دەيىن، جۇڭگو ازاماتتارىنان 8 ادام قازا بولىپ، 29 ادام ەمحاناعا جەتكىزىلىپ ەمدەلگەن، ءبىر ادام دەرەكسىز كەتكەن، 6 ادام قامالىپ قالعان، قۇتقارۋ جۇمىسى ءالى شۇعىل جۇرگىزىلۋدە.

  لاوستا قازىر جاڭبىرلى ماۋسىم بولۋدا، تاۋ جولدارىنىڭ جاعدايى ءبىرشاما ناشار. جۇڭگونىڭ لاوستا تۇراتىن ەلشىلىگى مەن كونسۋلدىعى جۇڭگو ازاماتتارىنىڭ لاوسقا بارعاندا قاتىناس حاۋىپسىزدىگىنە كوڭىل ءبولۋىن، تاۋلى جەرلەردە اۆتوموكولىكپەن ءجۇرۋدى ازايتۋىن، جولعا شىعۋ الدىندا اۆتوكولىكتىڭ جاعدايىن ءسوزسىز تەكسەرۋىن جانە اۆتوكولىكتى ابايلاپ جۇرگىزۋىن ەسكەرتەدى.

  كەلۋ قاينارى: حالىق تورابى

【1】 【2】 【3】 
جاۋاپتى رەداكتورى : نۇرعيسا قۇرمانجان ۇلى

 سۋرەت