شينجياڭ قاشقار: اق كەپتەر كەدەيلىكتەن ارىلۋعا جول اشتى

2019.08.23 13:32   كەلۋ قاينارى : حالىق تورابى

　　سۋرەتتە: پاتىگۇل ياسىن ءوز ءۇيىنىڭ كەپتەر كاتەگىندە كەپتەرلەردىڭ جاعدايىن تەكسەرۋدە (8 – ايدىڭ 14 – كۇنى تۇسىرىلگەن)

　　اپپاق قاۋىرسىندى كەپتەرلەر شينجياڭ قاشقار قالاسى جاڭا وستەڭ اۋىلى عالامباق قىستاعىنىڭ ديقانى پاتىگۇل ياسىننىڭ وتباسىن كەدەيلىكتەن ارىلىپ، اۋقاتتانۋ جولىنا تۇسۋگە باستادى. پاتىگۇل بيىل 36 جاستا، قىزى اۋىر ناۋقاسقا شالدىققاندىقتان، ونىڭ وتباسى ارحيۆ تۇرعىزىپ، كارتۋچكا بىتىرگەن كەدەي وتباسى تىزىمدىگىنە كىرگىزىلگەن. پاتىگۇل مەن جۇبايى ءبىر جاعىنان، كۇندىك جۇمىس ىستەسە، ءبىر جاعىنان، ءۇش ءسابيدى باعىپ – قاعاتىن، تۇرمىستارى وتە مۇشكىل بولاتىن. 2017 – جىلى شينجياڭ قارجىلاندىرۋ – دامىتۋ (توبى) شەكتى جاۋاپكەرشىلىك سەرىكتەستىگىنىڭ «ۇعىسۋ، تيىمدىلىك جاساۋ، توعىستىرۋ» قىزمەتى بويىنشا قىستاققا تۇرۋ قىزمەت اترەتى وزدەرى تۇرعان جەردەگى 6 قىستاقتا «ءوز جەرىندە كۋرسقا قاتىناستىرۋ، كەپتەر تاراتۋ، قارجىلىق جاقتان كومەكتەسۋ، دەرت – دەربەزدەن ساقتانۋعا كەپىلدىك ەتۋ، ءبىرتۇتاس ساتىپ الۋ» سىندى كەپتەر باعىمشىلىعى فورماسىن قولدانىپ، 617 كەدەي وتباسىنا كەپتەر باعۋ تەحنيكاسىنا تاربيەلەۋ كۋرسىن اشىپ، ولاردىڭ كاسىپ ارقىلى كەدەيلىكتەن ارىلۋىنا كومەكتەستى. پاتىگۇل وسى كۋرسقا قاتىناستى.

　　كۋرسقا قاتىناسقان سوڭ، پاتىگۇل قاشقار شينتوۋ كەپتەر باعىمشىلىعى شەكتى جاۋاپكەرشىلىك سەرىكتەستىگىنە جۇمىسقا شىعادى، تەحنيكانى مەڭگەرگەن سوڭ، كەدەيلەردى سۇيەمەلدەۋگە بەرىلگەن 24 جۇپ كەپتەردى الىپ، ءوزىنىڭ كەپتەر باعىمشىلىعى جۇمىسىن باستايدى. بۇگىنگى تاڭدا، پاتىگۇل مەن جۇبايى قاشقار شينتوۋ كەپتەر باعىمشىلىعى شەكتى جاۋاپكەرشىلىك سەرىكتەستىگىندە قىزمەت ىستەيدى، اقىلدى دا ىسكەر ۇلكەن قىزى دا قىسقى دەمالىستا كەپتەر باعىمشىلىعى سەرىكتەستىگىندە جۇمىس ىستەپ، وقۋ قاراجاتىن تابادى، ونىڭ ۇستىنە، ولار ءوز ۇيىندە دە ەتتى كەپتەر باعىمشىلىعىمەن شۇعىلدانادى، بيىل 8 – ايدا پاتىگۇل وتباسىنىڭ كىرىسى 6 – 7 مىڭ يۋانعا جەتتى. پاتىگۇل: كەپتەر باعۋ ارقىلى كوپ اقشا تابۋعا بولادى دەپ ويلاماعان ەكەنمىن، بۇدان بىلاي ۇيدە تاعى دا كوبىرەك ەتتى كەپتەر باعىپ، تۇرمىسىمىزدى ونان ارى جاقسارتۋدى كوزدەپ وتىرمىز، — دەيدى.

　　كەلۋ قاينارى: حالىق تورابى