از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسىنىڭ اشىلۋ سالتى وتكىزىلدى

2019.09.09 10:28   كەلۋ قاينارى : حالىق تورابى

　　

　　مەملەكەتتىك ۇلتتىق ىستەر كوميتەتى، مەملەكەتتىك دەنە تاربيە باس مەكەمەسى باس بولىپ، حىنان ولكەلىك حالىق ۇكىمەتى ۇيىمداستىرعان جۇڭحۋا حالىق رەسپۋبليكاسى 11 - كەزەكتى از ۇلتتار ءداستۇرلى سپورت جارىسىنىڭ اشىلۋ سالتى 9 - ايدىڭ 8 - كۇنى كەشتە جىڭجوۋ قالاسىندا سالتاناتپەن وتكىزىلدى. وتانىمىزدىڭ جەر - جەرىنەن كەلگەن 56 ۇلتتىڭ ۇل – قىزدارى ءبىر اراعا باس قوسىپ، ءتورت جىلدا ءبىر وتكىزىلەتىن تورقالى تويدىڭ دۋمانىن اسىرىپ، بۇرالا بيگە باسىپ، اساقتاتا ءان سالدى.

　　از ۇلتتاردىڭ 11 - كەزەكتى ءداستۇرلى سپورت جارىسى 2019 - جىلى 9 - ايدىڭ 8 - كۇنىنەن 16 - كۇنىنە دەيىن حىنان ولكەسىنىڭ جىڭجوۋ قالاسىندا وتكىزىلەدى. الداعى كۇندەردە جينالىستىڭ كۇنتارتىبى بويىنشا ەلىمىزدەگى ءارقايسى ولكە، توتە قاراستى قالا، اۆتونوميالى رايونداردان كەلگەن ءار ۇلت سپورتشىلارى ءتۇرلى جارىس تۇرلەرى بويىنشا باسەكەگە تۇسەدى. بۇل رەتكى جينالىستاعى ات ءۇستى باسەكە ءتۇرى 2019 - جىلى 7 - ايدىڭ 12 - كۇنىنەن 17 - كۇنىنە دەيىن ىشكى موڭعۇل اۆتونوميالى رايونىنىڭ حوححوت قالاسىندا وتكىزىلگەن.

　　ۇلى وتانىمىزدىڭ 70 جىلدىق مەرەي تويى قارساڭىندا وتكىزىلىپ وتىرعان بۇل جارىس جۇڭگوشا ەرەكشەلىككە يە جاڭا داۋىردەگى ۇلتتاردىڭ بەرەكەسى مەن بىرلىگىنىڭ ايعاعى بولىپ قانا قالماستان، «جاڭا ءداۋىردى جىرلاپ، ورتا جازىقتىڭ كەرەمەتىن ايگىلەيتىن» بۇقارالىق ءتۇس العان سالتاناتتى باس قوسۋ ەسەپتەلەدى. اتالعان قيمىلدىڭ كۇندەلىكتى جاڭالىقتارى تورابىمىزدا ۇزبەي جاريالانىپ وتىرادى. كەسكىن مەن فوتو سۋرەتتەردە اشىلۋ سالتىنان كورىنىس

　　فوتو سۋرەتتەردى تۇسىرگەن: مانەپ ەربول ۇلى، رىن يىڭىحۋا، حو ياپيڭ

　　كەلۋ قاينارى: حالىق تورابى