از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسىنىڭ ۇلتتىق بىرلەسپە ساۋىق قيمىلى جىڭجوۋدا وتكىزىلدى

2019.09.17 13:24   كەلۋ قاينارى : حالىق تورابى

　　حالىق تورابى، 9 - ايدىڭ 13 - كۇنى، جىڭجوۋ (مانەپ ەربول ۇلى). از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسىنىڭ ۇلتتىق بىرلەسپە ساۋىق قيمىلى 9 -ايدىڭ 13 - كۇنى حىنان ولكەسى جىڭجوۋ قالاسىنىڭ يانحۋاڭ الاڭىندا وتكىزىلدى، ەلىمىزدىڭ جەر - جەرىنەن كەلگەن 56 ۇلت ۋاكىلدەرى، 10 مىڭعا تارتا سپورتشى جانە قوناقتار حۋاڭحىنىڭ جاعاسىنا جينالىپ، بىرلىكتە دۋماندى توي وتكىزدى. مەملەكەتتىك ۇلتتىق ىستەر كوميتەتى پارتگرۋپپاسىنىڭ مۇشەسى، مەڭگەرۋشىسىنىڭ ورىنباسارى، از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسى ۇيىمداستىرۋ كوميتەتى ءتوراعاسىنىڭ ورىنباسارى گو ۋەيپيڭ ۇلتتىق بىرلەسپە ساۋىق قيمىلى باستالعاندىعىن جاريالادى، حىنان ولكەلىك پارتكومنىڭ تۇراقتى مۇشەسى، ولكەلىك پارتكوم شۋجيىنىڭ ورىنباسارى، ساياسي - زاڭ كوميتەتىنىڭ شۋجيى، جارىس ۇيىمداستىرۋ كوميتەتىنىڭ اتقارۋشى ءتوراعاسى ۇي حۇڭچيۋ قۇتتىقتاۋ ءسوزىن سويلەدى. حىنان ولكەلىك پارتكومنىڭ تۇراقتى مۇشەسى، جىڭحوۋ قالالىق پارتكومنىڭ شۋجيى، جارىس ۇيىمداستىرۋ كوميتەتى ءتوراعاسىنىڭ ورىنباسارى شۇي لي - ي اشىلۋ سالتىن باسقاردى.

　　از ۇلتتاردىڭ مەملەكەتتىك ءداستۇرلى سپورت جارىسى ماڭىزدى قيمىلىنىڭ ءبىرى بولعان كەزەكتى سپورت جارىسىنىڭ ۇلتتىق بىرلەسپە ساۋىق قيمىلى جۇڭحۋا ۇلتىنىڭ ورتاق تۇلعا تانىمى سىندى جاڭا تاقىرىپتا بولىپ، بۇكىل ەلىمىزدىڭ ٵر ۇلت باۋىرلاستارىنىڭ ورتا جازىقتا بىرلىكتە ءان سالىپ، بۇرالا بيگە باسىپ، شاتتىققا شومۋىنا كۋا بولدى.

　　كەلۋ قاينارى: حالىق تورابى