بەيجيڭ – شيۇڭ – ان قالا ارالىق پويەز جولىنىڭ بەيجيڭ باتىس ۆوگزالىنان داشيڭ اۋەجايىنا دەيىنگى بولەگىندە پويەز قاتىنادى

2019.09.27 14:36   كەلۋ قاينارى : حالىق تورابى

　　شينحۋا اگەنتتىگى، 9 – ايدىڭ 26 – كۇنى، بەيجيڭ (ءتىلشى: ديڭ جيڭ، فان شي) 9 – ايدىڭ 26 – كۇنى ساعات 6دەن 56 مينۋت وتكەندە، تۇڭعىش رەتكى C2701 پويەزىنىڭ بەيجيڭ باتىس ۆوگزالىنان جولعا شىعۋىمەن، بەيجيڭ – شيۇڭ – ان قالا ارالىق تەمىر جولىنىڭ بەيجيڭ باتىس بەكەتىنەن داشيڭ اۋەجايىنا دەيىنگى بولەگى رەسمي ىسكە قوسىلدى. مىڭ جىلدىق استانا بەيجيڭ مەن بولاشاقتاعى «مىڭ جىلدىقتىڭ قالاسى» شيۇڭ – ان اراسىن جالعاستىرتىن جوعارى قارقىندى تەمىر جول — بەيجيڭ – شيۇڭ – ان قالا ارالىق تەمىر جولى ەلىمىزدىڭ زەردەلى جۇردەك پويەز جولىنىڭ جاڭا ۇلگىسىن جاراتۋعا كۇش سالادى.

　　بەيجيڭ – شيۇڭ – ان قالا ارالىق تەمىر جولى بەيجيڭ باتىس ۆوگزالىنان باستالىپ، بۇرىن ىسكە قوسىلعان بەيجيڭ – جيۋلۇڭ تەمىر جولىنىڭ لييىڭ بەكەتىنە دەيىن بارىپ، جاڭا سالىنعان جۇردەك پويەز جولىنا جالعاسادى، جاڭا سالىنعان جولدىڭ ۇزىندىعى 92.03 كيلومەتر. مۇندا لييىڭنان داشيڭ اۋەجايىنا دەيىنگى بولەگى 33.97 كيلومەتر، جوبالانعان جىلدامدىعى ساعاتىنا 250 كيلومەتر. جولاۋشىلار بەيجيڭ باتىس بەكەتىنەن شىعىپ، بەيجيڭ داشيڭ حالىقارالىق اۋەجايىنا بارعانشا ەڭ تەز بولعاندا 28 مينۋت ۋاقىت قانا كەتەدى.

　　كەلۋ قاينارى: حالىق تورابى