مەركەل گەرمانيانىڭ 5G قۇرىلىسىندا ءمالىم وپەراتورلاردى شەتكە قاقپايتىنىن ءبىلدىردى

2019.11.11 13:17   كەلۋ قاينارى : حالىق تورابى

　　شينحۋا اگەنتتىگى، 11 – ايدىڭ 8 – كۇنى، بەرلين (ءتىلشى: رىن كى، جاڭ يۋان) گەرمانيانىڭ پرەمەر مينيسترى مەركەلدىڭ 11 – ايدىڭ 8 – كۇنى ايتۋىنشا، گەرمانيا 5G تورابى قۇرىلىسىنا قاتىناساتىن كاسىپورىندار ورتاعا قويعان حاۋىپسىزدىك تالابى مەن بۇل تالاپتاردى دالەلدەۋ مۇمكىندىگىنە ايرىقشا ءمان بەرەدى، الايدا، ءمالىم وپەراتورعا وقشاۋلاعان ارنايى ولشەم قويمايدى.

　　مەركەل سول كۇنى بەرليندەگى پرەمەر مينيستر سارايىندا گەرمانياعا ساپارلاي كەلگەن ەۆروپا وداعى كوميتەتىنىڭ جاڭادان سايلانعان ءتوراعاسى ۆون دەر لەينمەن كەزدەستى. كەزدەسۋدەن سوڭ ەكى جاق بىرلەسكەن تىلشىلەردى قابىلداۋ جيىنىن وتكىزگەندە، مەركەل تىلشىلەردىڭ «گەرمانيا ۇكىمەتىنىڭ ا ق ش – تىڭ قىسىمى سەبەپتى جۇڭگو كاسىپورنى حۋاۋەيدىڭ گەرمانيانىڭ 5G تورابى قۇرىلىسىنا قاتىناسۋىنا قايتالاي ساراپتاما جۇرگىزەتىن – جۇرگىزبەيتىنى» جونىندەگى سۇراۋىنا جاۋاپ بەردى.

　　ول مىنانى ءبىلدىردى: گەرمانيانىڭ 5G تورابىنىڭ حاۋىپسىزدىك ولشەمدەرىن جوعارىلاتاتىنى داۋسىز، جابدىقپەن قامدايتىن بارلىق وپەراتورلار، ءسوزسىز، جالپىعا بىردەي حاۋىپسىزدىك ولشەمىنە بويسۇنۋى كەرەك. حۋاۋەي جابدىقپەن قامداۋشى وپەراتور رەتىندە گەرمانيانىڭ 2G جانە 3G تورابى قۇرىلىسىنا قاتىناستى، گەرمانيا ءمالىم وپەراتورعا ەلدەن ەرەكشە ارنايى ولشەم شىعارمايدى. ول تاعى ەۆروپا وداعىن 5G تورابىنىڭ حاۋىپسىزدىگىنە ءبىرتۇتاس ولشەم بەلگىلەۋگە ۇندەدى.

　　كەلۋ قاينارى: حالىق تورابى