تاۋ قويناۋىن كوكتەي وتكەن «كۇمىس جەلى» كەدەيلىكتەن ارىلتۋعا كۇش – قۋات قوستى

2019.11.29 14:49   كەلۋ قاينارى : حالىق تورابى

　　سۋرەتتە: شينجياڭ تاسقورعان تاجىك اۆتونوميالى اۋدانىنداعى تاۋ قويناۋىندا ەلەكتر جۇمىسشىسى ليۋ جيانگو (تومەندە) مەن ونىڭ كاسىپتەسى ياڭ شيانحۇي تەمىر مۇناراعا زاپشاستاردى ورناتۋدا (11 – ايدىڭ 24 – كۇنى ۇشقىشسىز ۇشاقپەن تۇسىرىلگەن سۋرەت).

　　شينجياڭ تاسقورعان تاجىك اۆتونوميالى اۋدانى مارياڭ اۋىلى مەن داتۇڭ اۋىلى پامير ۇستىرتىنىڭ قويناۋىنا، اسقار تاۋدىڭ تەرەڭ شاتقالىنا، اۋدان قالاشىعىنان جىراققا ورنالاسقان. ۇزاق ۋاقىتتان بەرى، جەر جاعدايى سەبەبىنەن ەلەكتر قۋاتى قاتارلى نەگىزدىك قۇرىلعىلاردى دامىتۋ باياۋ بولىپ، جەرگىلىكتى ورىننىڭ كەدەيلىكتەن ارىلۋىنداعى نەگىزگى كەدەرگىگە اينالعان. ۇكىمەت ورنالاستىرعان فوتوۆولتتىق تاقتا تەك ەكى اۋىلداعى تۇرعىنداردىڭ نەگىزدىك جارىقتاندىرۋ قاجەتىن عانا قاناعاتتاندىرا الاتىن. ەلەكترمەن قامداۋداعى قيىن ماسەلەنى شەشىم ەتۋ ءۇشىن شينجياڭ قوسىلىمدى ارتتىرىپ، فوتوۆولتتىق ەلەكترمەن قامدايتىن قىستاقتاردىڭ ەلەكتر تورابىن ۇزارتۋ ينجەنەرياسىن اتقاردى، بۇل ينجەنەريا اياقتاعان سوڭ، شالعايداعى قىستاقتاردى يگىلىككە كەنەلتەدى.

　　قازىر جەر – جەردەن نەشە ءجۇز ەلەكتر جۇمىسشىسى كەلىپ، تەڭىز دەڭگەيىنەن اسا بيىك بولۋ، تەمپەراتۋراسى تومەن بولۋ سىندى قيىنشىلىقتاردى جەڭىپ، اسقار تاۋ، قيا بەتكەيلەردە قۇرىلىستى تىڭعىلىقتى جۇرگىزۋدە. جوسپار بويىنشا، مارياڭ اۋىلى مەن داتۇڭ اۋىلىنىڭ ەلەكتر تورابىن ۇزارتۋ ينجەنەرياسى كەلەسى جىلى 6 – ايدىڭ سوڭىندا اياقتايدى. شينحۋا اگەنتتىگىنىڭ ءتىلشىسى حۋ حۋحۋ فوتوسى

　　كەلۋ قاينارى: حالىق تورابى