جاڭا كەزەكتى سيريا ماسەلەسى جونىندەگى استانا كەڭەسى قازاقستاندا وتكىزىلدى

2019.12.12 15:41   كەلۋ قاينارى : حالىق تورابى

　　حالىق تورابى، 12 – ايدىڭ 12 – كۇنى، بەيجيڭ. شينحۋا اگەنتتىگىنىڭ 12 - ايدىڭ 11 – كۇنى نۇر - سۇلتاننان بەرگەن حابارى (ءتىلشى جاڭ جيە). ەكى كۇنگە جالعاسقان سيريا ماسەلەسى جونىندەگى 14 ـ رەتكى استانا كەڭەسى 12 – ايدىڭ 11 – كۇنى قازاقستاننىڭ استاناسى نۇر - سۇلتان قالاسىندا اياقتادى. كەڭەس سيريا نەگىزگى زاڭ كوميتەتىنىڭ قىزمەتىن، يدىليب جاعدايىن، سيريا ادامگەرشىلىك ماسەلەسىن ۇزدىكسىز قولداۋ جونىندە تالقى ورىستەتتى.

　　رەسەي، يران، تۇركيا، سيريا ءتورت ەل ۇكىمەتىنىڭ ۋاكىلدەرى جانە كەيبىر قارسى توپ قارۋلى كۇشتەرىنىڭ ۋاكىلدەرى كەڭەسكە قاتىناستى. يوردان، يراق، ليۆان ءۇش ەل ۇكىمەتىنىڭ ۋاكىلدەرى جانە ب م ۇ ۋاكىلدەر ۇيىرمەسى بايقاۋشى سالاۋاتىمەن ماجىلىسكە قاتىناستى.

　　رەسەي پرەزدەنتى جىبەرگەن سيريا ماسەلەسىنىڭ ەرەكشە ەلشىسى الەكساندر رافلەنتيەۆ بىلاي دەدى: نەگىزگى زاڭ كوميتەتىنىڭ قىزمەتى سيريا بولاشاعىن بەلگىلەيدى، ءارقايسى جاق بايىپتىلىقپەن ويلانىپ – تولعانۋى كەرەك، نەگىزگى زاڭ كوميتەتىنىڭ قىزمەت اياق الىسىن ادەيى تەزدەتۋىنە نەمەسە كەشەۋىلدەتۋىنە بولمايدى.

　　سيرياداعى قارسى توپتىڭ ۋاكىلى احمەد تۋمەيحتىڭ ايتۋىنشا، استانا كەڭەسىندە ول ب م ۇ - نىڭ باس حاتشىسىنىڭ سيريا ماسەلەسى جونىندەگى ەرەكشە ەلشى پەترسونمەن كەزدەسكەنءارى نەگىزگى زاڭ كوميتەتىنىڭ قىزمەتى تۋرالى كەڭەس وتكىزگەن. ول بىلاي دەدى: نەگىزگى زاڭ كوميتەتىنىڭ قىزمەتىندە قات – قابات قيىنشىلىق بار، الايدا، قارسى توپتاعىلار بۇعان بايسالدى دا ءۇمىتتى پوزيتسيا ۇستانۋى كەرەك.

　　رەسەي، تۇركيا، يران كەڭەستەن كەيىن بىرلەسكەن مالىمدەمە جاريالاپ بىلاي دەدى: ءۇش ەل نەگىزگى زاڭ كوميتەتىنىڭ مۇشەلەرىمەن جانە بىرلەسكەن مەملەكەتتەر ۇيىمىنىڭ ەرەكشە ەلشىسىمەن بەلسەنە سايكەسىپ، نەگىزگى زاڭ كوميتەتىنىڭ سىرتقى كەدەرگىلەرگە ۇشىراماۋىنا ءارى قىزمەتتى ءۇرتىس، جوعارى ونىمدىلىكپەن ورىستەتۋىنە شىنايى كەپىلدىك ەتەدى. ءۇش ەل سيريانىڭ تەرريتوريا تۇتاستىعىن بۇلدىرەتىن، كورشى ەلدەردىڭ اماندىعىنا حاۋىپ توندىرەتىن بولشەكتەۋ قاسكۇنەمدىگىن باتىل تەجەپ، لاڭكەستىككە قارسى تۇرۋدى سىلتاۋ ەتىپ، زاڭسىز اۆتونوميا جۇرگىزەتىن ءارقانداي ارەكەتتەردەن باس تارتادى، سيريانىڭ مۇناي بايلىعىن زاڭسىز يەمدەنىپ الۋعا جانە ساتۋعا قارسى تۇرادى. ءۇش ەل يزرايلدىڭ سيرياعا قارۋلى شابۋىل جاساعانىن جازعىردى.

　　ماجىلىسكە قاتىناسقان تاراپتار كەلەسى كەزەكتى سيريا ماسەلەسى جونىندەگى استانا كەڭەسى كەلەر جىلى 3- ايدا وتكىزىلەدى دەپ اقىلداسىپ بەلگىلەدى.

　　سيريا ماسەلەسى جونىندەگى استانا كەڭەسىن رەسەي، تۇركيا، يران ءۇش ەل 2017 ـ جىلى 1 – ايدا باستاعان، مۇنداعى باستى ماقسات − سيريا جەرىندەگى ۇكىمەت ارمياسى مەن قارسى توپ قارۋلى كۇشتەرىنىڭ سوعىستى توقتاتۋىن ىلگەرىلەتۋ ءارى شەكارا ىشىندەگى لاڭكەستىك ۇيىمدارعا سەلبەسىپ سوققى بەرۋ، سيريا ىشىندەگى كەلەلى ساياسي ماسەلەلەر جونىندە ماقساتتى ورتاق تانىمعا كەلۋ، سيريا داعدارىسىن شەشۋ جوباسىن قاراستىرۋ. سيريا ۇكىمەتى، قارسى توپ جانە حالىقتىق قايراتكەرلەردىڭ ۋاكىلدەرىنەن ۇيىمداسقان سيريا نەگىزگى زاڭ كوميتەتى 10 – ايدىڭ 30 – كۇنى جەنەۆادا رەسمي جۇمىس باستاپ، نەگىزگى زاڭ رەفورماسى ىستەرى جونىندە قىزمەت ورىستەتتى.

　　كەلۋ قاينارى: حالىق تورابى