شينحۋا اگەنتتىگى، 1 – ايدىڭ 7 – كۇنى، بەيجيڭ (لي گولي، جاۋ جينلۇڭ) 1 – ايدىڭ 7 – كۇنى ساعات 23تەن 20 مينۋت وتكەندە، ەلىمىزدىڭ شيچاڭ جاساندى سەرىك ۇشىرۋ ورتالىعى ۇزاق جورىق – 3Bتاسىمال راكەتاسى ارقىلى حابارلاسۋ تەحنيكاسى 5 – ءنومىرلى تاجىريبەلىك جاساندى سەرىگىن عارىشقا ءساتتى ۇشىردى. جاساندى سەرىك مەجەلەنگەن وربيتاعا ءساتتى جەتىپ، مىندەت تابىسپەن ورىندالدى.
جۇڭگو عارىش سالاسى 2020 – جىلعى تۇڭعىش رەت ۇشىرۋ مىندەتىن ورىنداپ، 2020 – جىلدى تابىسپەن باستادى.
تانىستىرۋعا قاراعاندا، حابارلاسۋ تەحنيكاسى 5 – ءنومىرلى جاساندى سەرىگى نەگىزىنەن جاساندى سەرىك ارقىلى حابارلاسۋ، راديو – تەلەۆيزيا، دەرەك تاسىمالداۋ قاتارلى جۇمىستارعا پايدالانىلادى ءارى جوعارى اعىن تەحنيكاسىن سىناق بارىسىندا دالەلدەۋ جۇمىسىن ورىستەتەدى.
حابارلاسۋ تەحنيكاسىنىڭ 5 – ءنومىرلى سىناق جاساندى سەرىگى مەن ۇزاق جورىق – 3Bتاسىمال راكەتاسىن جەكە – جەكە جۇڭگو عارىش عىلىم – تەحنيكا توبى شەكتى سەرىكتەستىگىنىڭ قاراماعىنداعى شاڭحاي عارىش تەحنيكاسىن زەرتتەۋ مەكەمەسى مەن جۇڭگو تاسىمال راكەتاسى تەحنيكاسىن زەرتتەۋ مەكەمەسى زەرتتەپ جاساعان.
بۇل ۇزاق جورىق جەلىلەس تاسىمال راكەتالارىنىڭ 324 – رەت عارىشقا ۇشىرىلۋى.
كەلۋ قاينارى: حالىق تورابى