گانسۋ ولكەسى حۇيشيان اۋدانى: جىل سوڭىندا تابىس ءبولىندى!

2020.01.08 13:32   كەلۋ قاينارى : حالىق تورابى

　　سۋرەتتە: 1 – ايدىڭ 7 – كۇنى داۋپيڭ قىستاعى پارتيا ياچەيكاسىنىڭ شۋجيى ي شوۋميڭ تابىس ءبولۋ جينالىسىندا قىستاق كوللەكتيۆى تاراتقان تابىس ءبولىسىن الۋدا.

　　سول كۇنى گانسۋ ولكەسى لۇڭنان قالاسى حۇيشيان اۋدانى جياليڭ قالاشىعى داۋپيڭ قىستاعى تابىس ءبولۋ كۇنىن قارسى الدى. 79 قىستاق تۇرعىنى جارنا قوسقان جارنالىق سەلبەستىك كوپەراتيۆىنىڭ 2019 – جىلعى كىرىسى 870 مىڭ يۋانعا جۋىقتاعان، ءتۇرلى شىعىمداردى شىعارىپ تاستاعاندا، ناق مايداندا جيىنى 785 مىڭ يۋاننان استام اقشا جەكەلەر مەن كوللەكتيۆكە تابىس رەتىندە ءبولىپ بەرىلدى.

　　داۋپيڭ قىستاعى كەزىندە گانسۋ ولكەسىندەگى ەرەكشە كەدەي قىستاق بولاتىن، 2018 – جىلدان بەرى، داۋپيڭ قىستاعى كاسىپتىك سەلبەستىك كوپەراتيۆىن قۇرىپ، جەر جاعدايىنا بىرلەستىرە وتىرىپ، بايىرعى قىستاقتى كوركەيتىپ، ساياحات كاسىبىن، ەرەكشەلىككە يە باعىمشىلىق كاسىبىن جانە اۋىل – قىستاق ەلەكتروندىق ساۋدا كاسىبىن دامىتىپ، 2019 – جىلدىڭ باسىندا تۇڭعىش رەت تابىس ءبولىسىن جۇرگىزگەن بولاتىن. قازىر داۋپيڭ قىستاعى كورىكتى اۋىل – قىستاق قۇرىلىسىن كۇش سالا ىلگەرىلەتىپ، قىستاق دارەجەلى كوللەكتيۆ ەكونوميكاسى ۇزدىكسىز دامىپ، ۇلعايدى، قىستاق تۇرعىندارى ءوز اۋىلدارىندا كىرىستەرىن ارتتىرىپ، اۋقاتتانىپ، دوڭگەلەك داۋلەتتىلىككە قادام تاستاۋدا. شينحۋا اگەنتتىگىنىڭ ءتىلشىسى چىن بين فوتوسى

　　كەلۋ قاينارى: حالىق تورابى