حالىق تورابى، 4 – ايدىڭ 10 – كۇنى، بەيجيڭ. تيانشان تورابىنىڭ حابارىنا قاراعاندا، قازاقستان ۇكىمەتىنىڭ ۇسىنىسىمەن 4 – ايدىڭ 9 - كۇنى جۇڭگو ۇكىمەتىنىڭ قازاقستانعا بارىپ ىندەتكە توتەپ بەرەتىن ەمدەۋ ماماندار گرۋپپاسى ۇرىمجىدەن اتتاندى، ولار قازاقستانعا بارىپ ىندەتتەن ساقتانۋ جانە ونى ەمدەۋ قىزمەتىن ورىستەتەدى. ماماندار گرۋپپاسىن مەملەكەتتىك دەنساۋلىق ساقتاۋ، سالاماتتىق كوميتەتى ۇيىمداستىرادى، شينجياڭ ۇيعۇر اۆتونوميالى رايونى تاڭداپ جىبەردى.
ماماندار گرۋپپاسى 10 ادامنان قۇرالعان، ولار جەكە ـ جەكە شينجياڭ ۇيعۇر اۆتونوميالى رايوندىق حالىق شيپاحاناسىنان، شينجياڭ مەديتسينا ۋنيۆەرسيتەتىنە قاراستى 1 ـ شيپاحانادان، شينجياڭ ۇيعۇر اۆتونوميالى رايوندىق جۇڭگوشا شيپاگەرلىك شيپاحاناسىنان، ىلە قازاق اۆتونوميالى وبلىستىق دوستىق شيپاحاناسىنان، ىلە قازاق اۆتونوميالى وبلىستىق اۋرۋدان ساقتانۋ جانە ونى تىزگىندەۋ ورتالىعىنان كەلگەن، كاسىپتىك سالا بويىنشا تىنىس الۋ، سالماقتى اۋرۋ، ينفەكسيالانۋ، جۇڭگوشا ەمدەۋ، كۇتىمدەۋ، الەۋمەتتىك دەنساۋلىق ساقتاۋ، ت . ب. قامتىعان. ماماندار گرۋپپاسىنىڭ باستى مىندەتى جەرگىلىكتى ەمدەۋ قۇرىلىمدارىمەن جانە ماماندارمەن تاجىريبە الماستىرىپ، جۇڭگونىڭ ىندەتكە توتەپ بەرۋ تاجىريبەسىن تانىستىرىپ، قازاقستاننىڭ ىندەتتەن ساقتانۋ شارالارى جانە ەمدەۋ بارىسىمەن ۇشتاستىرىپ، قازاقستاننىڭ ىندەتتى تەكسەرۋ، جۇقپالى اۋرۋلاردان ساقتانۋ جانە ونى ەمدەۋ، كلينيكالىق ەمدەۋ، الەۋمەتتىك اۋماقتىڭ دەنساۋلىعىن باسقارۋ جانە تاجىريبەحانا سياقتى قىزمەتتەرگە جەتەكشىلىك ەتىپ جانە كەڭەس بەرىپ، قازاقستان ەمدەۋ قىزمەتكەرلەرىن، الەۋمەتتىك دەنساۋلىق ساقتاۋ قىزمەتكەرلەرىن، تاجىريبەحانالاردى، الەۋمەتتىك اۋماقتىڭ الدىن الۋ، تىزگىندەۋ قىزمەتكەرلەرىن تاربيەلەيدى جانە ولارعا جەتەكشىلىك ەتەدى.
ماماندار گرۋپپاسى شينجياڭ ۇيعۇر اۆتونوميالى رايونى اتاعان 49600 دانا ٴبىر رەت پايدالانىلاتىن مەديتسينالىق ماسكا، 4800 دانا مەديتسينادا ىستەتىلەتىن N95 ماسكىسى، 2000 دانا مەديتسينالىق قورعانۋ كيىمى، 2 دانا ەشقانداي جالعاۋسىز تىنىس الۋ ماشيناسى سياقتى ىندەتكە توتەپ بەرۋ ەمدەۋ بۇيىمدارىن جانە ٴبىر توپ ەمدەۋ دارىلەرىن الىپ بارادى.
كەلۋ قاينارى: حالىق تورابى