«ماندارين ساتۋشى» ستۋدەنت تىكەلەي تاراتىلىمدا اۋىلداستارعا كومەكتەستى

2020.04.26 15:07   كەلۋ قاينارى : حالىق تورابى

　　سۋرەتتە: 4 – ايدىڭ 25 – كۇنى شياۋ چينرىن (وڭدا) مەن دوستارى چىڭدۋ قالاسى جينتاڭ اۋدانى جاۋجيا قالاشىعى ياڭحى جولى الەۋمەتتىك اۋماعىنداعى جەمىس باعىندا تىكەلەي تاراتىلىم وتكىزۋدە. شينحۋا اگەنتتىگىنىڭ ءتىلشىسى لي مىڭشين فوتوسى

　　سىچۋان ولكەسى چىڭدۋ قالاسى جينتاڭ اۋدانى جاۋجيا قالاشىعى ياڭحى جولى الەۋمەتتىك اۋماعىنداعى شياۋ چينرىن شيحۋا ۋنيۆەرسيتەتى دەنە تاربيە ينستيتۋتىنىڭ ءتورتىنشى جىلدىق ستۋدەنتى. جۋىردا ىندەتتىڭ ىقپالىنا ۇشىراعاندىقتان، شياۋ چينرىننىڭ اۋىلداستارى ەككەن ماندارين كوپ مولشەردە ساتىلماي قالادى، ول تىكە تاراتىلىم تەكشەسى ارقىلى زات ساتۋعا كومەكتەسىپ، ساتىلىم ارناسىن كەڭەيتۋگە بەكىندى.

　　4 – ايدىڭ 13 – كۇنى ول ەكى دوسىمەن بىرگە تىكەلەي تاراتىلىم تەكشەسىنە شىقتى، ولاردىڭ تىكەلەي تارتىلىمى قىزىقتى دا تارتىمدى، توردوستارمەن ۇدايى پىكىر الماستىرىپ تۇراتىندىقتان، كوپشىلىك ولاردىڭ تىكە تاراتىلىمىن وتە ۇناتىپ تاماشالايدى، ولار قىسقا عانا ون نەشە كۇن ىشىندە 18000 جىڭنان استام مانداريندى ساتىپ بولدى، ەڭ كوپ بولعاندا ءبىر كۇندە 1300 نەشە رەت زات ساتقان. شياۋ چينرىندى توردوستار جاقىن تارتىپ «ماندارين ساتۋشى اعاي» دەپ اتادى.

　　كەلۋ قاينارى: حالىق تورابى