مەملەكەتتىك حالىق قۇرىلتايى ۋاكىلى سۇي جيۋشيۋ: اۋىل – قىستاقتىڭ گۇلدەنۋى اۋىلداستاردى ۇمىتكە بولەدى

2020.05.08 15:02   كەلۋ قاينارى : حالىق تورابى

　　سۋرەتتە: قاشقار كونە ءشار اۋدانى اسىل تۇقىم جەتىلدىرۋ فەرماسىندا سۇي جيۋشيۋ كەڭسەسىندە جۋىردا ىستەيتىن قىزمەتتەرىنىڭ تىزىمدىگىن رەتتەۋدە (3 – ايدىڭ 28 – كۇنى تۇسىرىلگەن).

　　مەملەكەتتىك حالىق قۇرىلتايىنىڭ 27 جاستاعى ۋاكىلى سۇي جيۋشيۋ شينجياڭ قاشقار ايماعى كونە ءشار اۋدانى اسىل تۇقىم جەتىلدىرۋ فەرماسى پارتيا ياچەيكاسىنىڭ شۋجيى، فەرما باستىعى. 2014 – جىلى ۋنيۆەرسيتەتتەن وقۋ تاۋىسقان سوڭ، شاندۇڭنان كەلگەن سۇي جيۋشيۋ «باتىس بولەككە بارۋ، وتاننىڭ ەڭ قاجەت ەتكەن جەرىنە بارۋ» بەكىمىنە كەلىپ، وڭتۇستىك شينجياڭدعى قاشقارعا قادام تاستاپ، جاڭا داۋىردە شەكارا وڭىرگە كومەك بەرۋ تۇرمىسىن باستادى.

　　قاشقار ايماعى كونە ءشار اۋدانى سايباق الەۋمەتتىك اۋماعى پارتيا ياچەيكاسىنىڭ شۋجيى جانە كونە ءشار اۋداندىق اسىل تۇقىم جەتىلدىرۋ فەرماسىنىڭ پارتيا ياچەيكا شۋجيى، فەرما باستىعى مىندەتتەرىن وتەگەن مەزگىلدە، سۇي جيۋشيۋدىڭ قىزمەتتى شىن پەيىلىمەن تاباندى ىستەيتىن قاسيەتى اۋىلداستاردىڭ سەنىمىنە يە بولىپ، اۋىلداستار ونى جاقىن تارتىپ، «شياۋسۇيگۇل» دەپ اتايتىن بولعان.

　　2019 – جىلى قاشقار كونە ءشار اۋدانى كەدەيلىك قالپاعىن الىپ تاستادى. سۇي جيۋشيۋ بىلاي دەدى: اۋىل – قىستاقتى كوركەيتۋ ءۇشىن ۇزدىكسىز ۇلەس قوسىپ، قىستاق تۇرعىندارىنىڭ اۋقاتتانۋ ارناسىن كەڭەيتۋگە، كىرىستەرىن ارتتىرىپ، كاسىپتەنۋىنە كومەكتەسەمىن. الەۋمەتتىك اۋماقتا، سۇي جيۋشيۋ قاراماعىنداعى وڭىردەگى جۇمىستان بوساعان ايەلدەردىڭ تىگىنشىلىك كۋرسىن، كيىم – كەشەك تىگۋ كوپەراتيۆىن قۇرۋىنا كومەكتەسىپ، كوپشىلىكتىڭ الەۋمەتتىك اۋماقتى كوركەيتۋگە قاتىناسۋىنا، كاسىپتەنۋ ءۇشىن ونەر ۇيرەنۋىنە، كاسىپتەنۋ جاعىنداعى باسەكەلىك قۋاتىن ارتتىرۋىنا وراي جاراتتى. اسىل تۇقىم جەتىلدىرۋ فەرماسىندا سۇي جيۋشيۋ جۇرتشىلىقتى باستاپ، مىڭ مۋلىق جەردى قامتىعان كۇن نۇرىندىق جىلىجاي كاسىپ سالاسىن دامىتىپ، ىندەت مەزگىلىندە ساقتانۋ – تىزگىندەۋ شارالارىن ويداعىداي ىستەۋدى العى شارت ەتە وتىرىپ، جۇمىستى، ءوندىرىستى توقتاتپاي، بۇكىل اۋداندى كوكتەمدىك ەرتە ەگىلەتىن كوكونىس مايساسىمەن قامداۋ مىندەتىن دەر كەزىندە تابىسپەن ورىنداۋعا كەپىلدىك ەتتى.

　　ول تاعى ديقانداردىڭ كاسىپتىك كوپەراتيۆى مەن قۇرىلىس اترەتىن قۇرىپ، جۇرتشىلىقتى كىرىستەرىن ارتتىراتىن اۋلالىق ەگىمشىلىگى مەن باعىمشىلىعى، كيىم – كەشەك تىگىنشىلىگى قاتارلى نىسانداردى دامىتۋعا جەتەلەدى. قىسقا عانا ءبىر جىل ىشىندە، اسىل تۇقىم جەتىلدىرۋ فەرماسىندا جەر مەن كوكتەي وزگەرىستەر تۋىلىپ، بۇكىل فەرماداعى 111 ەڭبەككۇش تۇگەل كاسىپتەندى.

　　«التى جىلدان بەرى، ءبىز شينجياڭنىڭ كۇننەن – كۇنگە دامىعانىنا كۋا بولدىق. شينجياڭعا كەلگەن ادامنىڭ كەتكىسى كەلمەيدى، كەتكەندەر قايتا كەلۋدى اڭسايدى،شينجياڭ باۋراۋ قۋاتى كۇشتى، ورايعا جانە ارمانعا تولى جەر»، — دەيدى سۇي جيۋشيۋ بولاشاق جايلى نىق سەنىم ءبىلدىرىپ: «بىلەك سىبانا، قايراتتانا ىسكە كىرىسىپ، دوڭگەلەك داۋلەتكە بىرگە ۇمتىلىپ، باقىتتى تۇرمىسقا قول جەتكىزەمىز»، — دەيدى. شينحۋا اگەنتتىگىنىڭ ءتىلشىسى ديڭ لەي فوتوسى

　　كەلۋ قاينارى: حالىق تورابى