فۋدان ۋنيۆەرسيتەتىنىڭ قاراماعىنداعى بالالار اۋرۋلارى ەمحاناسىنىڭ ينتەرنەتتەگى ەمحاناسى رەسمي ىسكە قوسىلدى

2020.05.14 16:20   كەلۋ قاينارى : حالىق تورابى

　　سۋرەتتە: 5 – ايدىڭ 13 – كۇنى فۋدان ۋنيۆەرسيتەتىنىڭ قاراماعىنداعى بالالار اۋرۋلارى ەمحاناسىنىڭ شيپاگەرى ينتەرنەت ەمحاناسى تەكشەسى ارقىلى ينتەرنەتتە دياگنوز قويۋدا.

　　سول كۇنى فۋدان ۋنيۆەرسيتەتىنىڭ قاراماعىنداعى بالالار اۋرۋلارى ەمحاناسىنىڭ ينتەرنەتتەگى ەمحاناسى ينتەرنەت ارقىلى دياگنوز قويۋ قىزمەتىن رەسمي باستادى، العاشقى توپتا اشىلعان بولىمدەر ىشكى سەكرەتسيا - تۇقىم قۋالاۋ - زات الماسۋ ءبولىمى، قان اۋرۋلارى ءبولىمى، بۇيرەك ءبولىمى سىندى ءۇش ءبولىم، كەلەسى قادامدا جاي ىشكى اۋرۋلار ءبولىمى، اس قورىتۋ اۋرۋلارى ءبولىمى، تىنىس جولى اۋرۋلارى ءبولىمى، جۇرەك ىشكى اۋرۋلارى ءبولىمى قاتارلىلار اشىلادى. ناۋقاستار بالالار ەمحاناسىنىڭ ينتەرنەتتەگى ەمحانا تەكشەسى ارقىلى الدىن الا تاپسىرىس بەرىپ، دياگنوز قويدىرا الادى، دياگنوز قوياتىن شيپاگەرمەن جازۋ، دىبىس، كەسكىن قاتارلى ءتۇرلى تاسىلدەر ارقىلى ىقپالداستىق جاساي الادى؛ ەمحانا ناۋقاستىڭ جاعدايىنا قاراي وتىرىپ، ينتەرنەتتە رەتسەپ جازادى؛ ءدارى – دارمەكتەر زات اينالىمى ارقىلى ناۋقاستىڭ ۇيىنە جەتكىزىلەدى.

　　تانىستىرۋعا قاراعاندا، فۋدان ۋنيۆەرسيتەتى بالالار ەمحاناسى 2020 – جىلى 4 – ايدىڭ 30 – كۇنى ينتەرنەتتىك ەمحانا تيجارات كۋالىگىنە رەسمي يە بولىپ، فۋدان ۋنيۆەرسيتەتى قاراماعىنداعى بالالار ەمحاناسىنىڭ ينتەرنەتتىك ەمحاناسى بولىپ قۇرىلدى. بالالار ەمحاناسىنىڭ ينتەرنەتتىك ەمحانا تەكشەسى ينتەرنەتتە دياگنوز قويىپ، ادەتتەگى اۋرۋلارعا، سوزىلمالى اۋرۋلارعا شالدىققان ناۋقاستار مەن سىرت جەردەگى ناۋقاستارعا تيىمدىلىك جاراتادى. شينحۋا اگەنتتىگىنىڭ ءتىلشىسى ليۋ يىڭ فوتوسى

　　كەلۋ قاينارى: حالىق تورابى