بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

ءۇرىمجى قالاسى «الپەشتەۋ ينجەنەرياسىن» اتقارىپ، وقۋ جاسىنا تولماعان بالالاردان 230 مىڭ بالاعا سيىر ءسۇتىن تەگىن تاراتتى

2020.06.01 16:25   كەلۋ قاينارى : حالىق تورابى



  شينحۋا اگەنتتىگى، 5 – ايدىڭ 1 – كۇنى، ءۇرىمجى (ءتىلشى: فۋ شياۋبو، جوۋ شىڭفۋ) «1 – ماۋسىم» بالالار مەرەكەسىنىڭ قارساڭىندا، قورەكتىك مولشەرى جوعارى قوراپتى سيىر ءسۇتى ءۇرىمجى قالاسىنداعى تۇرعىندارعا جەتكىزىلدى ... سيىر ءسۇتى قورابىنىڭ سىرتىنا جازىلعان «الپەشتەۋ ينجەنەرياسى» دەگەن ءسوزكوزگە وتتاي ىستىق باسىلادى، 10 قالتا قوسپاسىز ءسۇت ءبىر قوراپقا سالىنعان، 10 كۇندە ءبىر رەت جەتكىزىلەدى، وتباسىندا 0 – 6 جاس ارالىعىنداعى وقۋ جاسىنا تولماعان بالالار بار 200 مىڭنان استام وتباسى بالالاردىڭ ەرجەتۋىنە كۋا بولاتىن وسى ءبىر مەيىرگە تولى ساۋعانى ءدال ۋاعىندا تاپسىرىپ الادى.

  2 جىلدان بەرى، ءۇرىمجى قالاسى 193 ميلليون يۋان قارجى قوسىپ، بۇكىل قالاداعى وقۋ جاسىنا تولماعان بالالاردان 232 مىڭ بالاعا قورەكتىك قۇنى جوعارى سيىر ءسۇتىن تەگىن سيلادى. ءۇرىمجى قالالىق اۋىل شارۋاشىلىعى جانە مال شارۋاشىلىعى مەكەمەسى قوسىمشا ازىق – تۇلىكتەر مەن سۋ ونىمدەرى باسقارماسىنىڭ باستىعى جين شياڭدۇڭنىڭ ايتۋىنشا، 2018 – جىلى 4 – ايدا ءۇرىمجى قالاسى «الپەشتەۋ ينجەنەرياسىن» اتقارعان، اتاپ ايتقاندا، مىندەتتى وقۋ – اعارتۋ كەزەڭىندەگى بالالارعا سيىر ءسۇتىن تەگىن تاراتۋ نەگىزىندە، بۇكىل قالاداعى 0 – 6 جاسقا دەيىنگى وقۋ جاسىنا تولماعان بالالاردىڭ ءاربىرىن كۇنىنە 200 گرامدىق قوسپاسىز سيىر سۇتىمەن قامداپ وتىرادى.

  «بۇكىل قالاداعى 7 رايون مەن ءبىر اۋداندا بىردە – ءبىر وتباسى، بىردە – ءبىر بالا بۇل تيىمدىلىكتەن قاعىس قالعان جوق، وقۋ جاسىنا تولماعان بالالاردان قالادا تۇرعانىنا جارىم جىلدان اسقان بالالاردىڭ بارلىعى ‹الپەشتەۋ ينجەنەرياسىنىڭ› تيىمدىلىگىنەن يگىلىكتەنە الادى»، — دەيدى جين شياڭدۇڭ، قورەكتىك مولشەرى جوعارى سيىر ءسۇتىن وندىرۋدەن جەتكىزۋگە دەيىن، ءاربىر تۇيىنگە ارناۋلى ادام جاۋاپتى بولادى، بۇل ينجەنەريا بۇكىل قوعامنىڭ بالالارعا دەگەن مەيىر – ماحابباتىن شوعىرلاندىرعان.

  كەلۋ قاينارى: حالىق تورابى

【1】 【2】 【3】 【4】 
جاۋاپتى رەداكتورى : نۇرعيسا قۇرمانجان ۇلى

 سۋرەت