شينجياڭدا تيانشان تاۋىنىڭ سولتۇستىك بوكتەرىنەن ەرتەدەگى الەۋمەتتىك مونشانىڭ جۇرتى تابىلدى

2020.11.19 14:33   كەلۋ قاينارى : حالىق تورابى

　　شينحۋا اگەنتتىگىنىڭ ءتىلشىسى جاڭ شياۋلۇڭ 11 – ايدىڭ 18 – كۇنى ۇرىمجىدەن حابارلايدى. 3 جىل بويى قازۋ جۇمىستارىن جۇرگىزۋ ارقىلى، ارحەولوگتار تيانشان تاۋىنىڭ سولتۇستىك بوكتەرىندەگى شينجياڭ سانجى حۇيزۋ اۆتونوميالى وبلىسى شونجى اۋدانىنان ەدىقۇت ۇيعۇرلارى داۋىرىندەگى (شامامەن جاڭا ەرانىڭ 10 – عاسىرى) الەۋمەتتىك مونشا الاڭىنىڭ جۇرتىن بايقاعان.

　　مونشا جۇرتىن قازۋ قىزمەتىنە جاۋاپتى بولعان جۇڭگو حالىق داشۋەسى ارحەولوگيا جانە مادەنيەت فاكۋلتەتىنىڭ پروفەسسورى ۋەي جياننىڭ تانىستىرۋىنشا، جاڭادان بايقالعان مونشا الاڭىنىڭ جۇرتى شونجى اۋدانىنداعى تاڭ پاتشالىعى ءدوڭ بايىرعى قالاسىنىڭ شىعىس سولتۇستىك بولەگىندە، جالپى تۇلعالىق قۇرىلىمى ورتاڭعى بولىگىندەگى كەرپىشتەن قالانعان نەگىزگى قۇرىلىس پەن شىعىس جاعىنداعى ىرگەلەس سالىنعان توپىراق قۇرىلىس جانە سولتۇستىك جاق ورتالىعىنداعى وشاق ورنى، سونداي – اق، وڭ – سول ەكى جاعىنداعى قۇدىقتىڭ ورنى قاتارلى قاتىستى جۇرتتاردان قۇرالعان، مونشا الاڭىنىڭ جالپى كولەمى 400 شارشى مەتر، يقۋاتى بويىنشا اۋىز ءۇي، قىزمەت بولمەسى جانە جۋىنۋ ورنى سىندى 3 بولىككە بولىنگەن.

　　كەلۋ قاينارى: حالىق تورابى