قوعام حاۋىپسىزدىگى مينيسترلىگىنىڭ ەسكەرتۋى: جازدا باس قوسقاندا اراق ىشەتىن جاعداي ۇنەمى كەزدەسەدى، اراق ىشكەننەن كەيىن اۆتوموبيل جۇرگىزۋگە بولمايدى
2022.06.23 17:07 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى رىن چينچين 6 - ايدىڭ 22 - كۇنى بەيجيڭنەن حابارلايدى. جۋىردا، ىشكى موڭعۇل مەن شاندۇڭدا اراق ىشكەن سوڭ اۆتوموبيل جۇرگىزىپ، كوپ ادامدى ولىمگە دۋشار ەتكەن تاس جولداعى قاتىناس شىرعالاڭى تۋىلدى. قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسى 6 - ايدىڭ 22 - كۇنى مىناداي ەسكەرتۋ جاريالادى: قازىر جاز مەزگىلى، جۇرتشىلىقتىڭ باس قوسىپ اراق ءىشۋى، شاراپحانالاردىڭ ءتۇرلى قيمىل وتكىزۋى كوبەيەتىن مەزگىل، اۆتوموبيل جۇرگىزەتىن بارشا شوفەرلەر حاۋىپسىزدىك قىزىل سىزىعىن ەستە بەرىك ساقتاپ، شەكتەن اسپاۋى، اراق ىشكەن سوڭ اۆتوموبيل جۇرگىزبەۋدى، اۆتوموبيل جۇرگىزگەندە اراق ىشپەۋدى سانالىلىقپەن ورىنداۋى كەرەك؛ تۋىس - تۋعان، دوس - جاراندار ءبىر - بىرىنە ەسكەرتۋ جاساۋى، اراق ىشكەن سوڭ اۆتوموبيل جۇرگىزگەندەرگە، ماس بولىپ اۆتوموبيل جۇرگىزگەندەرگە ءناسيحات ايتۋى ءارى ولاردىڭ بۇل ارەكەتىنە تيىم سالۋى كەرەك.
6 - ايدىڭ 12 - كۇنى ساعات 22 دەن 58 مينۋت وتكەندە، ىشكى موڭعۇلدىڭ ۇلانچاب قالاسىندا شاعىن تيپتى دالالىق اۆتوموبيل جول شەتىنە توقتاتىلعان ءىرى تيپتى تىركەمەلى اۆتوموبيلگە ارتقى جاعىنان كەلىپ سوعىلىپ، شاعىن تيپتەگى دالالىق اۆتوموبيلدە وتىرعان 4 ادام تۇگەل قازا بولعان. العاشقى قادامداعى تەكسەرۋ ناتيجەسىنە قاراعاندا، اۆتوموبيل شوفەرى سۋ X ماس بولىپ اۆتوموبيل جۇرگىزگەن ءارى اۆتوموبيلدىڭ قارقىنى جىلدامدىق ولشەمىنەن اسىپ كەتكەن، بۇل وسى رەتكى شىرعالاڭنىڭ تۋىلۋىنىڭ تىكەلەي سەبەبى. سول كۇنى كەشتە، سۋ X قاتارلى 4 ادام باسقا 5 قىزمەتتەسىمەن بىرگە باس قوسقان، باس قوسۋ بارىسىندا ولار ءبىر بوتەلكە اق اراق، 39 بوتەلكە سىرا ىشكەن، باسقا قىزمەتتەستەرى كەتكەن سوڭ، تورتەۋى تاعى 10 بوتەلكە سىرا ىشكەن. ساراپتاۋ ناتيجەسىنە قاراعاندا، سۋ X تىڭ قانىنىڭ قۇرامىنداعى سپيرتتىڭ مولشەرى 100 ميلليليترىنە 120 ميلليگرام بولعان.
6 - ايدىڭ 18 - كۇنى ساعات 2 دەن 45 مينۋت وتكەندە، شاندۇڭ ولكەسى تاي - ان قالاسىندا ءبىر جەڭىل اۆتوموبيل مەملەكەتتىك 342 - تاس جول مەن ولكەلىك 237 - تاس جولدىڭ تۇيىلىسكەن تۇسىندا جۇك تيەلمەگەن اۋىر تۇرپاتتى مۇناي تاسىمالدايتىن كۇبىلى اۆتوموبيلمەن سوعىلىسىپ، جەڭىل اۆتوموبيلدەگى 3 ادام تۇگەلدەي قازا بولعان. العاشقى تەكسەرۋ ناتيجەسىنە قاراعاندا، جەڭىل اۆتوموبيلدىڭ شوفەرى شى X ماس بولىپ اۆتوموبيل جۇرگىزگەن، بۇل وسى رەتكى شىرعالاڭنىڭ تۋىلۋىنداعى باستى سەبەپ. شىرعالاڭ تۋىلاردان بۇرىن، شى X قاتارلى 3 ادام قاقتاعان تاعامدار اسپۇزىلىندە باس قوسقان، وسى بارىستا ولار جيىنى ءبىر بوتەلكە اق اراق، ءبىر تۇڭ قۇيما سىرا، 7 بوتەلكە جاي سىرا ىشكەن، سوڭىنان KTV عا بارىپ ءان ايتقان كەزدە 30 بوتەلكە سىرا ىشكەن. ساراپتاۋ ناتيجەسىنە قاراعاندا، شى X تىڭ قان قۇرامىنداعى سپيرتتىڭ مولشەرى 100 ميلليليترىنە 191.6 ميلليگرام بولعان.
اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ — زاڭعا قايشى قىلمىستىق ارەكەت، مۇنداي جاعدايدا اۋىر دارەجەدەگى قاتىناس شىرعالاڭى وتە وڭاي تۋىلادى، شوفەردىڭ ءوز باسى مەن باسقالاردىڭ حاۋىپسىزدىگىنە اۋىر دارەجەدە زيان سالادى. قوعام حاۋىپسىزدىگى قاتىناستى باسقارۋ تاراۋلارى قاتاڭ باسقارۋدىڭ جوعارى قىسىمدى كۇيىن باستان - اياق ساقتاپ، اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ سىندى زاڭعا قايشى قىلمىستىق ارەكەتتەردى قاتاڭ جازالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
