جىلقى يەسى ءتۇن ىشىندە قوراعا تۇسكەن ادامدى ولەردەي ساباعاندىقتان، وعان قورعانۋ ارەكەتى شەكتەن اسىپ كەتۋ اعاتتىعىن وتكىزگەن دەگەن ۇكىم شىعارىلعان
2022.06.23 17:11 كەلۋ قاينارى : حالىق تورابى
بەيجيڭ قالالىق 3 - ورتا دارەجەلى سوتى: قورعانۋ ارەكەتى قاجەتتى شەكتەن اسىپ كەتسە، ۇيلەسىمدى مولشەردە تولەم بەرۋ جاۋاپكەرشىلىگىن ارقالايدى
حالىق سوتى گازەتىنىڭ حابارى. جۋىردا بەيجيڭ قالالىق 3 - ورتا دارەجەلى حالىق سوتى قورعانۋ ارەكەتى شەكتەن اسىپ كەتۋ اعاتتىعىن وتكىزۋ سەبەبىنەن تۋىنداعان ۇقىققا قول سۇعۋ دەلوسى جونىندە تەرگەۋ جۇرگىزگەن.
2020 - جىلى 4 - ايدا، ءبىر كۇنى كەشكى ساعات 12 مولشەرىندە، جاڭ X كورشىلەس قىستاقتاعى تۋىسىنىڭ ۇيىنە بارىپ اراق ىشكەن سوڭ، ەلەكترلى ۆەلوسيپەتىمەن ۇيىنە قايتادى. جول ۇستىندە ەلەكترولى ۆەلوسيپەتىن توقتاتىپ دارەت سىندىرعان كەزدە، ماڭايدان ۇرگەن ءيتتىڭ داۋىسىن ەستىپ، ءيتتىڭ داۋىسى ەستىلگەن جاققا قاراي ءجۇرىپ، ياڭ X تىڭ جىلقى قوراسىنا كىرەدى. ياڭ X جىلقى قورادان شىققان داۋىستى ەستي سالا، جاڭ X كە ايقايلاپ: «توقتا! سەنى ۇستاي الماي جۇرگەلى كوپ بولىپ ەدى!» — دەيدى دە، ياڭ X جاڭ X تى شاپ بەرىپ ۇستاپ، جەرگە جىعىپ الىپ، قولىنداعى الدەقاشان دايىنداپ العان بولات شىبىقپەن توپەشتەي باستايدى، وسىلاي ون نەشە رەت ۇرعاننان كەيىن ارەڭ توقتايدى. جاڭ X جىلقى قورادان قاشا جونەلگەندە، ياڭ X سوڭىنان قۋالاي شىعىپ، بولات شىبىقپەن جاڭ X تىڭ ارقاسىنا ۇرادى. جاڭ X جەرگە جىعىلىپ تۇسكەن سوڭ، ەكەۋى ارپاق - تۇرپاق الىسا كەتەدى، سوڭىنان ماڭايداعى تۇرعىندار ۇرىس - كەرىستى ەستىپ، ساقشىعا مالىمدەيدى. جاڭ X ەمحاناعا جەتكىزىلىپ، ەمدەلۋگە ءبىرتالاي قاراجات جۇمسايدى. ەمحانادان شىققان سوڭ، جاڭ X ياڭ X تىڭ ۇستىنەن سوتقا ارىزدانىپ، ياڭ X %80 تىك جاۋاپكەرشىلىك سالىستىرماسى بويىنشا ەمدەلۋ قاراجاتى، ەمحانادا تاماقتانۋ قوسىمشا كومەك قاراجاتى، قاتىناس قاراجاتى، كۇتىمدەۋ قاراجاتى، جۇمىستى اقساتۋ قاراجاتى قاتارلى قاتىستى قاراجاتتاردى تولەپ بەرۋى كەرەك دەپ تالاپ ەتەدى.
ساراپتاۋ بارىسىندا، جاڭ X تىڭ دەنەسىنە تۇسكەن جاراقات دارەجەسى 1 - دارەجەلى جەڭىل جاراقات بولىپ تۇراقتاندىرىلادى.
سوتتا جۇرگىزىلگەن تەرگەۋ بارىسىندا، ياڭ X ءوزىنىڭ بۇرىن ءبىر رەت جىلقى ۇرلاتقانىن، وسى جولى قوراعا كىرگەن جاڭ X تى جىلقى ۇرلاۋعا كەلگەن ۇرى ەكەن دەپ قالعانىن ايتىپ، وزىندە قاتەلىك جوق، بۇل ارەكەتى ورىندى قورعانۋعا جاتادى دەپ اقتالعان.
بەيجيڭ قالالىق 3 - ورتا دارەجەلى سوت تەرگەۋ جۇرگىزگەن سوڭ بىلاي دەپ قاراعان: جاڭ X ءتۇن ىشىندە ياڭ X تۇراتىن باعىمشىلىق الاڭىنا بارعان ءارى ياڭ X تىڭ جىلقى قوراسىنا كىرگەن، ياڭ X تىڭ جەكەلىك تۇرمىسىنىڭ تىنىشتىعى مەن جەكە باسىنىڭ جانە مال - مۇلكىنىڭ حاۋىپسىزدىگىنە بەلگىلى دەڭگەيدە زيان جەتكىزگەن، ونىڭ ۇستىنە، ياڭ X تاپسىرعان، ۋاقيعا تۋىلعان كەشتەگى كامەراعا تۇسكەن جاعدايعا قاراعاندا، جاڭ X تىڭ جىلقى قوراعا كىرگەن سوڭ، جىلقىعا قاراي قولىن سوزعان ارەكەتىن كورۋگە بولادى، ءىس تۋىلعان ۋاقىتپەن جانە ورتامەن ۇشتاستىرىپ قاراعاندا، ياڭ X جىلقىسىنىڭ ۇرلانۋىنان ساقتانىپ، ءوزىنىڭ جەكە باسى مەن مال - مۇلكىنىڭ حاۋىپسىزدىگىن قورعاۋ ماقساتىندا جاڭ X پەن قاقتىعىسىپ قالعان، ونىڭ بۇل ارەكەتىن زاڭدى قورعانۋ ماقساتىنداعى، بەلگىلى دەڭگەيدەگى رەال شۇعىل جاعدايداعى ارەكەت دەپ قاراۋعا بولادى. سوندىقتان، ياڭ X تىڭ ارەكەتى ورىندى قورعانۋ ارەكەتى بولىپ سانالادى.
الايدا، قولىندا تەمىردىڭ سىنىعى دا جوق جاڭ X پەن قولىنا بولات شىبىق ۇستاعان ياڭ X اراسىندا تۋىلعان قاقتىعىستا، جاڭ X ءبىرشاما ءالسىز جاق بولىپ سانالادى، ياڭ X جاڭ X تى باستاپقى قادامدا تەجەگەن سوڭ، دەرەۋ ساقشىعا مالىمدەپ ءبىرجاقتى ەتپەگەن، جاڭ X جىلقى قورادان قاشىپ شىققان سوڭ، تەمىر شىبىقپەن جاڭ X تى تاعى دا ۇرعان، دەمەك، ياڭ X تىڭ قورعانۋ ءتاسىلى، قورعانۋ دارەجەسى، سونداي - اق، جاڭ X كە كەلتىرگەن زيانى مەن سالدارى ونىڭ ءوزى مەن جىلقىسىن قورعاۋىنا قاجەتتى شەكتەن اسىپ كەتكەنى انىق، قورعانۋ ارەكەتى شەكتەن اسىپ كەتۋگە جاتادى. سوت مەكەمەسى بۇل دەلوعا ۇكىم شىعارعاندا، جاعدايعا قاراي وتىرىپ، ياڭ X جاڭ X تىڭ زيانىنا %50 تىك تولەم بەرۋ جاۋاپكەرشىلىگىن ارقالايدى دەپ ۇكىم شىعارعان، جيىنى 50 مىڭ يۋاننان استام تولەم بەرەتىن بولعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
