بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ساياحات ارناۋلى پويەزى قاشقار ساياحاتىن جانداندىردى

2022.06.23 17:21     كەلۋ قاينارى : شينجياڭ گازەتى

  انار بۇلت \ شينجياڭ گازەتىنىڭ ءتىلشىسى ءابيبا 6 - ايدىڭ 21 - كۇنى ۇرىمجىدەن حابارلايدى. ”كورىكتى قاشقار، ءبىز كەلدىك!“ 6 - ايدىڭ 20 - كۇنى ساياحاتشىلاردىڭ الاقايلاعان ءۇنى ىشىندە 2 - توپتاعى 2022 ”10 مىڭ ادامنىڭ قاشقاردى ساياحاتتاۋ“ ارناۋلى پويەزىمەن 132 ساياحاتشى قاشقارعا جەتىپ، 3 كۇن، 2 ءتۇن ۋاقىتپەن قاشقار ايماعىن جالپى وڭىرلىك ساياحاتتاۋدى باستادى.

  ”قاشقار ساياحاتى بيىل ەرەكشە جانداندى، 6 - ايدىڭ 19 - كۇنى ءبىز تۇڭعىش توپتاعى ’10 مىڭ ادامنىڭ قاشقاردى ساياحاتتاۋ‘ ارناۋلى پويەزىمەن كەلگەن 923 ساياحاتشىنى قابىلداعانبىز ءارى ولارعا 2 كۇن، ءبىر تۇندىك ساپار بەلگىلەپ بەرگەنبىز“، - دەدى قاشقار باتىس ءوڭىر كلاسسيك ساياحات سەرىكتەستىگىنىڭ جاۋاپتىسى باي ينفىڭ. ”شينجياڭ جاقسى جەر، قاشقارعا بارمايىنشا شينجياڭعا باردىم دەمە“ ماركاسىنىڭ اتاعىن اسپانداتۋ ءۇشىن، قاشقار ايماعى كوپ شارالارمەن ”ساياحاتشىلاردى قاشقارعا باستادى“، بيىل الدىڭعى 5 ايدا قاشقار ايماعى 6 ميلليون 276 مىڭ 500 ادام - رەت ساياحاتشى قابىلدادى.

  بيىل 5 - ايدا باي يىنفىڭ بازارعا تەكسەرۋ جۇرگىزۋ ارقىلى وسى 2 جىلدا قاشقار قالاسىنداعى 40 نەشە ساياحات سەرىكتەستىگىنىڭ شينجياڭ سىرتىنان كەلگەن ساياحاتشىلاردى قابىلداۋ مولشەرى ەسەلەپ ارتقانىن، شينجياڭ ىشىندەگى ساياحاتشىلاردى قابىلداۋ مولشەرى قاۋىرت ارتۋ ۇلگىسىمەن ارتقانىن، ساياحات ارناۋلى لەنياسى ءوزىنىڭ وزگەشە باۋراۋ قۋاتىمەن ساياحاتشىلاردىڭ قىزىعۋىنا يە بولعانىن بايقاعان. ”وسى ايدا ءبىز ارناۋلى پويەزبەن كەلگەن 1500گە جۋىق ساياحاتشىنى قابىلدادىق، اي سوڭىندا تاعى بىرنەشە ارناۋلى پويەزبەن جيىنى2000نان استام ادام كەلمەكشى. قاشقار ساياحاتتىڭ ەڭ جاقسى كەزەڭىن قارسى الۋدا، ءبىز قاربالاستانعان سايىن قۋانامىز“، - دەدى باي يىنفىڭ.

  ”ءبىز ءارقايسى ساياحات كاسىپورىندارىن ساياحاتتىڭ قاۋىرت كەزەڭىن مىقتاپ يگەرىپ، نەگىزگى ساياحاتشى قاينارى بازارىمەن ۇشتاسۋدى كۇشەيتۋگە جۇمىلدىرىپ، ساياحات جالداما ۇشاعى، ارناۋلى پويەز سياقتى تاسىلدەرمەن ’ساياحاتشىلاردى قاشقارعا باستاۋ‘ اياق الىسىن جەدەلدەتىپ، قاشقار ساياحاتىن تاعى جانداندىرۋعا مۇمكىندىك جاسادىق“، - دەدى قاشقار ايماقتىق مادەنيەت، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى ليۋ حۇي.

  ليۋ حۇي بىلاي دەپ تانىستىردى: قاشقار ايماعى 2022 - جىلى 20 ميلليون ادام - رەت ساياحاتشى قابىلداۋعا، ساياحات كىرىسىن 15 ميلليارد يۋانعا جەتكىزۋگە كۇش سالۋدا. ساياحات كاسىبىنىڭ قاۋىرت دامۋىنا ىلەسىپ، قاشقار ايماعى دا ساياحات نەگىزدىك قۇرىلعىلار قۇرىلىسىن ونان ارى كۇشەيتىپ، كورىنىس ءوڭىرىنىڭ ساپاسىن جوعارىلاتىپ، ونىمدىلىگىن ارتتىرۋدى جەبەپ، ساياحات كاسىپ سالاسى تىزبەگىن ۇزارتىپ، ءتىپتى كوپ ساياحات جاڭا كاسىپ كۇيىن اشتى. ”تاياۋدا ءبىز تاعى شىنجىن، شاڭحاي، شاندۇڭ سياقتى جەرلەرگە بارىپ، ساياحات تانىستىرۋ ءماجىلىسىن وتكىزىپ، قاشقار ساياحاتىن بۇكىل ەلگە اتى ايگىلى ساياحات ماركاسىنا اينالدىرامىز“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار