شى يافىڭ:
”اسپان جولىنداعى“ ”بايلانىسشى اسىلزات“
□ انار بۇلت \ شينجياڭ گازەتىنىڭ ءتىلشىسى فان چيۇڭيان
2022.06.23 17:23 كەلۋ قاينارى : شينجياڭ گازەتى
”قاعىلىقتان قابىلداپ تۇرمىن! شونجى اسۋىندا تەلەفوندا سويلەسۋ انىق ەستىلدى، بەينە ەكراندا كورىنىس انىق كورىندى، بارلىعى قالىپتى“. 6 - ايدىڭ 16 - كۇنى وسى سوزدەر ارتقى تەكشەدەن ەستىلگەندە، شى يافىڭعا بۇل ەڭ اسەرلى داۋىس بولىپ سەزىلدى.
شى يافىڭ جۇڭگو تەلەگراف جارنا شەكتى سەرىكتەستىگى شينجياڭ قاشقار قاعىلىق بولىمشە سەرىكتەستىگى ينتەرنەت ءبولىمىنىڭ تەحنيكالىق قىزمەتكەرى، ول ”اسپان جولى“ اتالعان شينجياڭ - شيزاڭ تاس جولىندا قىزمەت ىستەيدى، تەڭىز دەڭگەيىنەن 5170 مەتر بيىكتىكتەگى شونجى اسۋىنا بارىپ جول بويىنداعى بازالىق ستانسيانى جانە جابدىقتاردى قۇرۋعا، ىسكە قوسۋعا، كۇتىمدەۋگە، سونداي - اق ابونتتاردىڭ كەڭ جولاق ورناتۋى، ينتەرنەتتە تەكسەرۋ سياقتى قىزمەتتەرگە جاۋاپتى، ابونتتار ونى جاقىن تارتىپ ”بايلانىسشى اسىلزات“ دەپ اتايدى.
تەڭىز دەڭگەيىنەن 3150 مەتر، 4969 مەتر، 4750 مەتر بيىك، بۇل شى يافىڭنىڭ ءار جولى قاراقۇرىم تاۋ سىلەمىن ەندەي ءوتىپ، قىزمەت ورنىنا جەتكەنگە دەيىن اسىپ وتەتىن 3 اسۋدىڭ بيىكتىگى، جولدا تاعى جان تۇرشىگەرلىك اينالما جولدارمەن جۇرەدى. شىلىڭگىر ىستىق، بوران، جاۋىن - شاشىن، قار، بۇرشاق... ءار رەتكى شارلاۋدا ءتورت ماۋسىمدى باسىپ وتكەندەي بولادى.
2020 - جىلى 7 - ايدىڭ اشىق ءبىر كۇنى، شى يافىڭ 1 - رەت تاۋعا شىعادى، اپتاپتا قىزمەت ىستەپ ءبىراز ۋاقىت وتكەندە، بەتىندەگى قالىپسىزدىقتى سەزىنىپ، قولىمەن سيپاپ قالعاندا، بەتىنىڭ ءبىر بولەك تەرىسى سىلىنىپ ءتۇستى. شى يافىڭ بىلاي دەدى: سول كەزدە قاتتى قينالدىم! جاڭادان تاۋعا شىعىپ قىزمەت ىستەپ جۇرگەندىكتەن تاجىريبە جوق، ساقتانۋدى دا بىلمەپپىن، ۋلترا كۇلگىن ساۋلەسى بەت تەرىمدى كۇيدىرىپ تۇسىرگەن ەكەن.
سول جىلى قىستا نولدەن تومەن 30 سەلتسي گرادۋستىق تەمپەراتۋرادا، شى يافىڭ تەڭىز دەڭگەيىنەن 4969 مەتر بيىكتىكتەگى سەيلىيارقىر اسۋىنداعى حابارلاسۋ مۇناراسىنا كەلەدى، ول قولقابىن شەشىپ، قوينىنان سيگنال تەكسەرۋ جابدىعىن الىپ جاتقاندا وتتەگى جەتىسپەۋدەن دەنەسى تەپە - تەڭدىكتەن ايرىلىپ، قۇلاپ بارا جاتقاندا شاپ بەرىپ مۇنارا تەمىرىنەن ۇستاي الادى، ناتيجەدە الاقانىنىڭ ءبىر قابات تەرىسى تەمىرگە جابىسىپ قالادى.
قاعىلىق اۋدانىنا قايتىپ كەلگەننەن كەيىن، ول كورپەسىنە كىرىپ الىپ ءۇنسىز جىلايدى، ءتىپتى وسى ارادا جالعاستى قالىپ قىزمەت ىستەۋ جونىندە ەكى ويلى بولادى. الايدا تاعى دا جولعا اتتانىپ، ۇشى - قيىرسىز يەن دالاداعى قارلى تاۋ قويناۋىنداعى بولەك - بولەك بوي سوزىپ تۇرعان حابارلاسۋ مۇنارالارىن كورگەندە، كوكەيىن شەكسىز ماقتانىش سەزىمى كەرنەيدى، سونىمەن ىشتەي: جاقسى ىستەپ، ءوزىم جاۋاپتى بولعان حابارلاسۋ سيگنالىنىڭ قاي - قاشان دا ىركىلىسسىز بولۋىنا شىنايى كەپىلدىك ەتۋىم كەرەك، - دەگەن بەكىمگە كەلەدى.
تەڭىز دەڭگەيىنەن 5170 مەتر بيىكتىكتەگى شونجى اسۋىندا اۋاداعى وتتەگى مولشەرى جازىق وڭىرلەردىڭ تورتتەن بىرىندەي عانا بولاتىندىقتان، بۇل ارادا كۇشتى ۇستىرتتىك اسەر تۋىلادى. شى يافىڭ 25 مەترلىك حابارلاسۋ مۇناراسىنا ورمەلەپ شىققاندا، ءبىر قىزمەتتەسى تومەندە ونىڭ حاۋىپسىزدىگىنە قامتاماسىزدىق ەتەدى. ونىڭ باس بارماعىن تومەنگە قاراتىپ ”بولمادى، وتتەگى جەتىسپەي تۇر“ دەگەن يشاراسىن ۇققاننان كەيىن قىزمەتتەسى دەرەۋ ونىڭ تومەنگە تۇسۋىنە جاردەمدەستى ءارى وتتەگى قۇمىراسىن ۇسىندى، ول جەرگە وتىرا كەتىپ وتتەگىن ءسىمىرىپ، جاعدايى جاقسارىپ قالعانداي بولعان سوڭ، قايتادان مۇناراعا ورمەلەدى، سودان ارتقى تەكشەمەن حابارلاسىپ، سيگنالدىڭ قالىپتى، تۇراقتى ەكەندىگىنە كەپىلدىك ەتىلگەننەن كەيىن عانا جۇمىسى اياقتايدى.
”بۇقارانىڭ تۇرمىسى، ءار سالا، ءار كاسىپتىڭ دامۋى حابارلاسۋدان ايرىلا المايدى، مەن ءوز قىزمەت ورنىما تابان تىرەپ، باتىلدىقپەن جاۋاپكەرشىلىك ارقالاپ، شينجياڭ - شيزاڭ جەلىسى بويىنداعى ’بايلانىسشى اسىلزات‘ بولىپ، شينجياڭنىڭ حابارلاسۋ ىستەرىنە جاستىق ورالىمنىڭ كۇش - قۋاتىن ارنايمىن“، - دەدى شى يافىڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
