بۇل جولدا 6 - ايدىڭ 25 - كۇنىنەن باستاپ قاتىناس قالپىنا كەلتىرىلەدى
2022.06.24 17:42 كەلۋ قاينارى : حالىق تورابى
 |
ماتەريالدىق سۋرەت
|
بەكىتىلگەنىنە 9 اي بولعان ولكەلىك S237 تاس جولىنىڭ قۇلجادان موڭعۇلكۇرەگە باراتىن جول بولىگىندە 6 - ايدىڭ 25 - كۇنى قاتىناس قالپىىنا كەلتىرىلەدى.
ءتىلشىنىڭ 6 - ايدىڭ 22 - كۇنى شينجياڭ ۇيعۇر اۆتونوميالى رايوندىق قاتىناس - تاسىمال مەڭگەرمەسى جول تورابىن باقىلاۋ - تەكسەرۋ جانە شۇعىل جاعدايلاردى ءبىرجاقتى ەتۋ ورتالىعىنان ۇعىسۋىنشا، قۇلجا - موڭعۇلكۇرە تاس جولى S237 جەلىسى K47-K83 (نۇراحۇن - موڭعۇلكۇرە) جول بولەگىندە قىس مەزگىلىندە قار قالىڭ جاۋادى، كوشكىن تۇسەتىن، بۇرقاسىندى جول بولەگى ءبىرشاما كوپ، ونىڭ ۇستىنە، جول بويى اينالمالار كوپ بولعاندىقتان، قىس مەزگىلىندە اۆتوموبيلدەردىڭ قالىپتى قاتىناۋىنا كەپىلدىك ەتۋ قيىن. بىلتىر 10 - ايدا جەرگىلىكتى ورىنداعى قاتىناس تاراۋى ۇقتىرۋ شىعارىپ، قاتىناستى تەجەگەن بولاتىن.
وسىنىڭ الدىندا، ىلە تاس جول باسقارۋ مەكەمەسى قىزمەتكەرلەردى جىبەرىپ، بۇكىل جەلى بويىنشا جولداعى كومەسكى حاۋىپ - قاتەرلەردى تەكسەرىپ، جول بويىنداعى ۇساق تاستاردى، قۇلاعان زاتتاردى تازالاۋ قاتارلى جۇمىستاردى ىستەگەن، سونىمەن بىرگە، باسقارۋشى - قورعاۋشى قىزمەتكەرلەردى ونەرىن جەتىلدىرۋ كۋرسىنا قاتىناستىرىپ، شۇعىل جاعدايعا توتەپ بەرۋ جونىندە جاتتىعۋ جاساپ، جولدىڭ حاۋىپسىز، ىركىلىسسىز بولۋىنا كەپىلدىك ەتۋگە كۇش سالعان. قازىر بۇل جولدا قاتىناستى قالپىنا كەلتىرۋ شارت – جاعدايى ازىرلەنىپ بولعان.
S237 جول جەلىسى سولتۇستىكتە موڭعۇلكۇرە اۋدانىنان باستالىپ، وڭتۇستىكتە ونسۋ اۋدانىنا دەيىن بارادى، مۇندا قۇلجا - موڭعۇلكۇرە تاس جول بولەگىنىڭ اتى ەلگە ەڭ تانىس. قۇلجا - موڭعۇلكۇرە تاس جولىنىڭ بويىنداعى كورىنىستەر بەينە سۋرەتتەي كوركەم، «ءبىر كۇندە ءتورت ماۋسىمدى ساياحاتتاپ، ون شاقىرىمداي ارالىقتا اۋا رايىنىڭ قۇبىلعانىن كورۋگە بولادى» دەپ سۋرەتتەلگەندەي كورىكتى كورىنىستەردى تاماشالاۋعا بولادى، شينجياڭداعى ەڭ كوركەم تاس جولداردىڭ ءبىرى دەگەن اتاعى بار، ءوزى اۆتوموبيل جۇرگىزىپ ساياحاتتايتىن اۋەسكەرلەردىڭ ءسوزسىز تاڭدايتىن جولدارىنىڭ ءبىرى.
اۆتونوميالى رايوندىق قاتىناس - تاسىمال مەڭگەرمەسى تاس جول تورابىن باقىلاۋ - تەكسەرۋ جانە شۇعىل جاعدايلاردى ءبىرجاقتى ەتۋ ورتالىعى بارشا شوفەرلەرگە مىنانى ەسكەرتەدى: قاتىناس قالپىنا كەلتىرىلگەننەن كەيىن، قۇلجا - موڭعۇلكۇرە تاس جولىندا 7 ورىندىقتىدان (7 ورىندىقتىنى قامتىمايدى) جوعارى ءتۇرلى اۆتوموبيلدەر، 5 ورىندىقتىقتان جوعارى (5 ورىندىقتىنى قامتيدى) تيجارات سيپاتىنداعى اۆتوموبيلدەر، ءىرى تۇرپاتتى اۆتوموبيلدەر جارتىلاي تىركەمەلى سۇيرەۋشى اۆتوموبيلدەر، تىركەمەلى اۆتوموبيلدەر، حاۋىپتى حيميالىق زاتتاردى تاسىمالدايتىن اۆتوموبيلدەر، ءىرى، ورتاشا تۇرپاتتى ينجەنەريالىق ماشينالار، اۋىل شارۋاشىلىعى تراكتورلارى قاتارلى اۆتوموبيلدەردىڭ قاتىناۋىنا تيىم سالىنادى. تۇنگى ساعات 22 دەن كەلەسى كۇنى ساعات 9 عا دەيىن، بارلىق اۆتوموبيلدەردىڭ قاتىناۋىنا تيىم سالىنادى.
كەلۋ قاينارى: حالىق تورابى
 |
ماتەريالدىق سۋرەت
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
