ۇستالار رۋحىن ساۋلەلەندىرىپ، ناقتى ەكونوميكا ءۇشىن كاسىپتىك – تەحنيكالىق دارىندىلاردى تاربيەلەدى (تاپسىرىقتى امالياتتا ايگىلەگە 10 جىل)
«حالىق گازەتىنىڭ» تىلشىلەرى ۋاڭ جينتاۋ، چۇي جىحان
2022.06.24 19:48 كەلۋ قاينارى : حالىق تورابى
دارىندىلاردى تاربيەلەپ، مەملەكەت ءۇشىن نەگىز قالادى. «وسى زامانعى كاسىپتىك وقۋ - اعارتۋ جۇيەسىن جەدەل ورناتىپ، اناعۇرلىم كوپ ساپالى تەحنيكالىق ونەر دارىندىلارىن، مايتالمان شەبەرلەردى، ءىرى ەل ۇستالارىن باۋلۋ» ءداۋىردىڭ قاجەتىنە ۇيلەسەتىن وقۋ - اعارتۋ رەفورماسى مازمۇندارىنىڭ بىرىنە اينالدى.
« كاسىپتىك وقۋ - اعارتۋدى دامىتۋدىڭ بولاشاعى كەڭ، بۇل جاعىندا ۇلكەن ىستەر تىندىرۋعا بولادى. ءار الۋان كاسىپتەر بار، ءار كاسىپتەن جۇلدەگەرلەر جارىققا شىعادى. سىزدەردىڭ تاڭداۋلى داستۇرگە مۇراگەرلىك ەتىپ، داۋىرمەن بىرگە العا باسىپ، مۇقيات ۇيرەنىپ، اناعۇرلىم كوپ قولدانىلمالى شەبەرلىكتى يگەرىپ، مەملەكەتكە جارامدى، مەملەكەتكە قاجەتتى دارىندى بولۋعا قۇلشىنۋلارىڭىزدى ءۇمىت ەتەمىن. مەن سىزدەردى قولدايمىن!» 2019 - جىلى 8 - ايدىڭ 20 - كۇنى باس شۋجي شي جينپيڭ گانسۋدىڭ شاندان پەيلي مەكتەبىندە قىزمەت تەكسەرگەندە، كاسىپتىك وقۋ - اعارتۋدىڭ ساپالى دامۋىن ىلگەرىلەتۋ جونىندە تاعى دا ماڭىزدى نۇسقاۋ بەردى.
كاسىپتىك وقۋ - اعارتۋ، ۇستالار رۋحى − باس شۋجي كوكەيىندە ساقتاعان ءىرى ىستەردىڭ ءبىرى. باس شۋجيدىڭ شاندان پەيلي مەكتەبىمەن ەرەكشە عايىپتىق قاتىناسى بار. فۋجياندا قىزمەت ىستەگەن كەزىندە ول كاسىپورىنداردىڭ وسى مەكتەپكە قارجىلاي كومەك بەرۋىن جەبەگەن بولاتىن. ورتالىق كوميتەتكە بارىپ قىزمەت ىستەگەننەن كەيىن دە ول مەكتەپتىڭ دامۋىنا كوڭىل ءبولىپ كەلەدى.
«باس شۋجيدىڭ تاپسىرىعىن ەستە بەرىك ساقتاعان ءبىز مەكتەپ باسقارۋ ۇستانىمىندا جاڭالىق اشتىق، تاياۋ جىلداردان بەرى ورتا دارەجەلى كاسىپتىك اعارتۋ، جوعارى دارەجەلى كاسىپتىك اعارتۋ، قولدانىلمالى تولىق كۋرس ۇشتاستىرىلعان باۋلۋ قىزمەتىن جاپپاي ىلگەرىلەتتىك». شاندان پەيلي مەكتەبىنىڭ مەڭگەرۋشىسى پىڭ دۇڭجۇن بىلاي دەدى: مەكتەپ ىلگەرىندى – كەيىندى ولكە ىشىندەگى 40 تان استام ورتا دارەجەلى كاسىپتىك مەكتەپپەن «بەس جىلدىق دايەكتى ءتۇزىم» بويىنشا بىرلەسىپ تاربيەلەۋ كەلىسىمىن جاساستى، وقۋشىلار كەزەڭ الماستىرۋ ەمتيحانى ارقىلى جوعارى دارەجەلى كاسىپتەرگە تۇسە الادى. 2020 - جىلى پەيلي كاسىپتىك شۋەيۋانى رەسمي وقۋشى قابىلدادى ءارى بەيجيڭ، گۋاڭدۇڭ سياقتى جەرلەردەگى كاسىپورىندارمەن جانە جوعارى مەكتەپتەرمەن سەلبەسىپ، «ورتا، جوعارى دارەجەلى كاسىپتىك اعارتۋ ءبىر تۇلعالاندىرىلعان، مەكتەپ، كاسىپورىن، زەرتتەۋ قۇرىلىمدارى سايكەسكەن» وقىتۋ جۇرگىزدى جۇزەگە اسىردى.
«باس شۋجيدىڭ شابىتتاندىرۋى سەنىمىمدى اناعۇرلىم بەكەمدەدى، جەكە ادامنىڭ ءوسىپ - جەتىلۋى مەن مەملەكەتتىڭ قاجەتىن ءوزارا ۇشتاستىرعاندا ءومىردىڭ تاماشا بولاتىنىنا كامىل سەنەمىن». پەيلي مەكتەبىنىڭ جاتتىعۋ عيماراتىندا ۋاڭ رۇيشيڭ لازەر تەحنيكاسى، ميكرو ەلەكترون تەحنيكاسى، كوميۋتەر تەحنيكاسى ءبىر تۇلعالاندىرىلعان جابدىقتىڭ الدىندا شەبەرلىكپەن جۇمىس جۇرگىزىپ، بولاشاق دامۋدى تىلگە تيەك ەتۋدە. كاسىپتىك وقۋ - اعارتۋ ۋاڭ رۇيشيڭ سياقتى اۋىل - قىستاق بالالارىنىڭ تاعدىرىن وزگەرتتى. شاندان پەيلي مەكتەبىندە اۋىل – قىستاق وقۋشىلارىنىڭ سالىستىرماسى %83.7 تى ۇستايدى، قازىر 10 مىڭنان استام وقۋشى تاۋ قويناۋىنان ۇزاپ شىعىپ، كەدەيلىكپەن قوشتاستى.
ۇزاق ۋاقىتتان بەرى باتىس سولتۇستىك رايون جاراتىلىستىق شارت - جاعدايدىڭ شەكتەۋىنە بايلانىستى، دامۋدا سالىستىرمالى تۇردە ارتتا قالىپ كەلدى. باس شۋجي شي جينپيڭ بىلاي دەپ دارىپتەدى: وڭىرلەر ارا دامۋ شارت - جاعدايىندا پارىق بولعانىمەن، وراي ادىلدىگىندە پارىق بولماۋى كەرەك. بۇل ماسەلەنى شەشۋدىڭ تەتىگى وقۋ - اعارتۋدى دامىتۋدا، اسىرەسە كاسىپتىك وقۋ - اعارتۋدى زور كۇشپەن دامىتۋدا.
كاسىپتىك وقۋ - اعارتۋ دارىندىلاردى باۋلۋدىڭ «ايقاسپالى كوپىرىن» سالدى. كەش كىرگەن شاق، جينچۋان توبى مىس كاسىبى شەكتى سەرىكتەستىگىنىڭ باعالى مەتال قورىتۋ بولىمشە زاۆودى تاجىريبەحاناسىنىڭ شىراعى جارقىراپ تۇر، مەملەكەتتىك ەڭبەك وزاتى، سۇرىپتاۋ توبىنىڭ باستىعى پان سۇڭميڭ قىزمەتكە ەندى عانا كىرىسكەن تەحنيك جۇمىسشىلارعا تاجىريبە جاساپ جەتەكشىلىك ەتۋدە. گانسۋدە كاسىپتىك وقۋ - اعارتۋ «مەكتەپ ىشىندەگى زاۆودتان» «زاۆود ىشىندەگى مەكتەپكە» قاراي كەڭەيدى، سيفرلى مەڭگەرگىش ستانوكتار گۇرىلدەپ جۇمىس ىستەۋدە، دانەكەرلەۋ تۇعىرلارىنان وت ۇشقىنى شار تاراپقا شاشىراۋدا ... كاسىپتىك وقىتۋ ساباقحانالارى ۇزدىكسىز كەڭەيىپ، وقۋشىلاردىڭ الۋاندىققا بەت العان تالعامى، الۋان جولمەن دارىندى بولىپ جەتىلۋ تىلەگى ءۇشىن ىركىلىسسىز «ايقاسپالى كوپىرلەر» سالىنىپ، وسى زامانعى كاسىپتىك وقۋ - اعارتۋ جۇيەسى جەدەل قۇرىلۋدا.
تاياۋدا گانسۋ ولكەسى «ونەرلى گانسۋ» قۇرىلىسىن جەدەلدەتۋدىڭ ءبىرقانشا شاراسىن شىعاردى، الدا 3 تە 5 كاسىپتىك تەحنيكالىق داشۋە قۇرىپ، ءبىر توپ كاسىپتىك جالپىلىق ورتا مەكتەپتى تۇيىندە سىناق ەتىپ قۇرماق بولدى ءارى ورتا دارەجەلى كاسىپتىك مەكتەپتەر مەن ادەتتەگى ورتا مەكتەپتەردىڭ، جوعارى دارەجەلى كاسىپتىك مەكتەپتەر مەن قولدانىلمالى داشۋەلەردىڭ ساباقتى ءوزارا تاڭداۋىن، وقۋ ءنومىرىن ءوزارا مويىنداۋىن ىلگەرىلەتپەك بولدى. گانسۋ ولكەلىك وقۋ - اعارتۋ مەڭگەرمەسىنىڭ باستىعى ۋاڭ حاييان بىلاي دەدى: 2025 - جىلعا بارعاندا بۇكىل ولكەدەگى تەحنيكالىق دارىندىلاردىڭ جالپى مولشەرى 2 ميلليون 400 مىڭعا جەتىپ، تەحنيكالىق قابىلەتى جوعارى دارىندىلاردىڭ جالپى مولشەرى 460 مىڭنان اسادى.
قازىر ەلىمىزدە دۇنيە جۇزىندەگى كولەمى ەڭ ۇلكەن كاسىپتىك وقۋ - اعارتۋ جۇيەسى قۇرىلدى، جيىنى 11 مىڭ 200 كاسىپتىك مەكتەپ بار، مەكتەپتەگى وقۋشى سانى 29 ميلليون 150 مىڭنان استى. كاسىپتىك وقۋ - اعارتۋ ساپالى دامۋدىڭ جاڭا كەزەڭىنە ءوتتى، ءتىپتى دە كوپ ادامنىڭ تاعدىرىن وزگەرتتى، ءتىپتى دە كوپ وتباسىنىڭ بەت - بەينەسىن وزگەرتتى، سونداي - اق ۇلتتىڭ گۇلدەنۋىنە دارىندىلار جانە تەحنيكا جاعىنان پارمەندى تىرەك ازىرلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
