وسى رەتكى ىستىق اعىس قاشان اياقتايدى؟ مەجەمەن سولتۇستىك شينجياڭدا 6 - ايدىڭ 30 - كۇنى، وڭتۇستىك شينجياڭ مەن شىعىس شينجياڭدا 7 - ايدىڭ 2 - كۇنى اقىرلاسادى
2022.06.27 13:44 كەلۋ قاينارى : حالىق تورابى
انار بۇلتى - شينجياڭ گازەتىنىڭ حابارى (ءتىلشى يۇي مىڭفان حابارلايدى). جاڭا ءبىر اپتا باستالدى، جاڭا كەزەكتى جوعارى تەمپەراتۋرالى اۋا رايى دا شينجياڭعا كەلدى. شينجياڭ اۋا رايى ستانسياسىنىڭ مەجەلەۋىنشە، وسى رەتكى جوعارى تەمپەراتۋرالى اۋا رايى سولتۇستىك شينجياڭدا 6 - ايدىڭ 30 - كۇنىنە دەيىن ، وڭتۇستىك شينجياڭ مەن شىعىس شينجياڭدا مەجەمەن 7 - ايدىڭ 2 - كۇنىنە دەيىن جالعاسادى، بۇكىل شينجياڭنىڭ باسىم كوپ ساندى رايوندارىندا تەمپەراتۋرا ءبىرشاما جوعارى بولادى، ءورت اپاتى تۋىلۋ قاتەرى ءبىرشاما جوعارى، ىستىقتان ساقتانىپ، تەمپەراتۋرانى تومەندەتۋ مەن وت ىستەتۋ حاۋىپسىزدىگىنە كوڭىل ءبولۋ كەرەك.
بۇگىن ىلە قازاق اۆتونوميالى وبلىسىنىڭ تاۋلى رايونى، تيانشان تاۋلى رايونى، وڭتۇستىك شينجياڭنىڭ باتىس بولەگىندەگى تاۋلى رايون، كۇنلۇن تاۋىنىڭ سولتۇستىك بەتكەيى، قۇمىل قالاسىنىڭ سولتۇستىك بولەگى سياقتى جەرلەردىڭ ءىشىنارا وڭىرلەرىندە سەبەزگىلەگەن جاڭبىر جاۋادى، تاۋلى وڭىرلەردىڭ ءىشىنارا وڭىرلەرىندە ورتاشادان كوپ مولشەرگە دەيىن جاڭبىر جاۋادى. بۇكىل شينجياڭداعى باسىم كوپ ساندى رايونداردا تەمپەراتۋرا 35 سەلتسي گرداۋستان جوعارى بولادى، مۇنىڭ ىشىندە تيانشان تاۋىنىڭ سولتۇستىك بەتكەيى، وڭتۇستىك شينجياڭ ويپاتى، شىعىس شينجياڭ سياقتى جەرلەردىڭ ءىشىنارا وڭىرلەرىنىڭ ەڭ جوعارى تەمپەراتۋراسى 37 سەلتسي گرادۋستان اسادى، ءىشىنارا جەرلەردىڭ تەمپەراتۋراسى 40 سەلتسي گرادۋستان اسادى؛ تۇرپان قالاسىنىڭ ءىشىنارا وڭىرلەرىنىڭ تەمپەراتۋراسى 45 سەلتسي گرادۋستان اسادى. بۇكىل شينجياڭنىڭ باسقا رايوندارىندا كۇن اشىق نەمەسە بۇلتتى بولادى، جەل كۇشى زور بولمايدى.
ءۇرىمجى قالاسىندا بۇگىن كۇن اشىق بولىپ، سوڭىنان بۇلتتايدى، ەڭ جوعارى تەمپەراتۋرا 36 سەلتسي گرادۋس، ەڭ تومەن تەمپەراتۋراسى 24 سەلتسي گرادۋس بولادى، 3 بال جەل سوعادى.
مەجەمەن الداعى 24 ساعات ىشىندە، سولتۇستىك شينجياڭنىڭ سولتۇستىك بولەگى، تيانشاننىڭ سولتۇستىك بوكتەرى، وڭتۇستىك شينجياڭ، شىعىس شينجياڭنىڭ باسىم كوپ ساندى رايوندارىندا ءورت اپاتى حاۋپى بار اۋا رايى دارەجەسى جوعارى بولىپ، دارەجەسى 4 - دارەجەگە جەتەدى.
اۋا رايى تاراۋلارى مىنانى ەسكەرتتى: بۇگىن سولتۇستىك شينجياڭنىڭ باتىس بولەگى، تيانشان تاۋلى رايونى، وڭتۇستىك شينجياڭنىڭ باتىس بولەگىندەگى تاۋلى رايون، كۇنلۇن تاۋىنىڭ سولتۇستىك بەتكەيى، قۇمىل قالاسىنىڭ سولتۇستىك بولەگى سياقتى جەرلەردە مەزەتتىك كۇشتى جاۋىن - شاشىن، ناجاعايلى بوران، بۇرشاق سياقتى كۇشتى كونۆەكسيالىق اۋا رايىنىڭ مۇمكىندىگى ءبىرشاما زور، ءىشىنارا جەرلەردە جاۋىن - شاشىن مولشەرى مول، ءىشىنارا جەرلەردە ارالاس تاسقىن جانە لاي تاسقىنى، تاۋ كوشكىنى سياقتى گەولوگيالىق اپاتتاردان ساقتانۋدى كۇشەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
