شينجياڭدا حالىقارالىق ەسىرتكىگە تيىم سالۋ كۇنى بايلانىسىمەن ۇگىت جاساۋ قيمىلى وتكىزىلدى

2022.06.27 15:37   كەلۋ قاينارى : حالىق تورابى

　　سۋرەتتە: 6 – ايدىڭ 26 – كۇنى، ءۇرىمجى قالالىق قوعام حاۋىپسىزدىگى مەكەمەسى ەسىرتكىگە تيىم سالۋ بولىمشە اترەتىنىڭ حالىق ساقشىلارى قيمىل وتكىزىلگەن جەردە قالا تۇرعىندارىنا ەسىرتكىنىڭ تۇرلەرى، ەرەكشە بەلگىسى قاتارلى ساۋاتتاردى ۇگىتتەۋدە.

　　سول كۇنى حالىقارالىق ەسىرتكىگە تيىم سالۋ كۇنى. شينجياڭ ۇيعۇر اۆتونوميالى رايونى مەن ءۇرىمجى قالاسى «6 – ايدىڭ 26 – كۇنى» حالىقارالىق ەسىرتكىگە تيىم سالۋ كۇنى قيمىلىن شينجياڭ حالىقارالىق كورمە ورتالىعىندا وتكىزدى. قيمىل وتكىزىلگەن ورىندا ەسىرتكىگە تيىم سالۋعا قاتىستى ۇگىت فيلمدەرىن قويۋ، ەلىكتەمەلى ەسىرتكى بۇيىمدارىنىڭ ۇلگىسىن كورسەتۋ، حۇسنيحات تۋىندىلارىن كورسەتۋ قاتارلى فورمالار ارقىلى بارشا بۇقارانى ءوزىن قورعاۋ جانە ەسىرتكىگە تيىم سالىپ، ەسىرتكىدەن اۋلاق بولۋ تانىمىن كۇشەيتۋگە، ەسىرتكىگە قاتىستى قىلمىستىق ارەكەتتەرگە بىرگە سوققى بەرۋگە ۇندەدى.

　　كەلۋ قاينارى: حالىق تورابى