بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ حالىق ىستەرى مينيسترلىگىندە، ادام كۇشى بايلىعى جانە قوعامدىق قامتاماسىزداندىرۋ مينيسترلىگىندە قىزمەت تەكسەرگەندە ءارى اڭگىمە ءماجىلىسىن باسقارىپ اشقاندا مىنانى دارىپتەدى

دامۋ ارقىلى جۇمىستانۋدى جەبەپ، جۇمىستانۋ ارقىلى حالىق تۇرمىسىن قامتاماسىزداندىرىپ، ەكونوميكا مەن قوعامنىڭ باياندى، اقاۋسىز دامۋىن ىلگەرىلەتۋ كەرەك

2022.06.29 16:32     كەلۋ قاينارى : حالىق تورابى

  شينحۋا اگەنتتىگى، 6 - ايدىڭ 28 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 6 - ايدىڭ 27 - كۇنى حالىق ىستەرى مينيسترلىگىنە، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنە بارىپ قىزمەت تەكسەردى ءارى اڭگىمە ءماجىلىسىن باسقارىپ اشتى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، اناعۇرلىم كۇشتى جاۋاپكەرلىكپەن ەكونوميكانىڭ قالپىنا كەلۋىن، دامۋىن ىلگەرىلەتىپ، بازار تۇلعالارىنا كەپىلدىك ەتىپ، جۇمىستاندىرۋدىڭ نەگىزگى جاعدايىن ورنىقتىرىپ، حالىق تۇرمىسىن شىنايى قامتاماسىز ەتۋ كەرەك.

  لي كىچياڭ جۇمىستاندىرۋدى ورنىقتىرۋعا ەرەكشە كوڭىل ءبولدى. ول ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ جۇڭگو جۇمىستاندىرۋ بويىنشا تاربيەلەۋ تەحنيكالىق جەتەكشىلىك ەتۋ ورتالىعىنا كەلدى، جاۋاپتى ادام «كاسىپورىن قۇرۋ ويى»، «ءوز كاسىپورنىن قۇرۋ» سياقتى تاربيەلەۋ، جەتەكشىلىك ەتۋ ارقىلى قور قۇرىپ، قارىز اقشا كەپىلدىگىن بەرىپ، جاڭالىق اشۋشى كوپتەگەن كاسىپورىندى جەتىلدىرىپ، قىرۋار ادامدى جۇمىستاندىرۋعا جەتەكشىلىك ەتۋ جاعدايىن تانىستىردى. لي كىچياڭ بىلاي دەدى: جاي ادامداردىڭ وزىندە دە اقىل – پاراسات بار، ءتىپتى دە كوپ ادامدى باتىلدىقپەن قامال الىپ، باتىلدىقپەن كاسىپورىن قۇرۋعا شابىتتاندىرىپ، الەۋمەتتىڭ يگىلىك، جاڭالىق جاراتۋىن ىشكەرىلەي ىلگەرىلەتۋ كەرەك، مەملەكەت حالىقتىق كاسىپورىنداردى، جەكەشە ونەركاسىپشىلەر مەن ساۋداگەرلەردى قامتىعان ءتۇرلى مەنشىكتەگى بازار تۇلعالارىن قۇرۋدى جانە دامىتۋدى بىردەي كورەدى. لي كىچياڭ كاسىپتىك تاربيەلەۋ جاعىندا ورىستەتىلگەن تەحنيكالىق جەتەكشىلىكتى ەگجەي – تەگجەيلى ۇعىستى. ول بىلاي دەدى: كاسىپتىك كۋرستان وتكىزۋدە بازاردىڭ قاجەتىنە سايكەسىپ، ەلىمىزدىڭ ادام كۇشى بايلىعىنىڭ مول ابزالدىعىن اناعۇرلىم ويداعىداي ساۋلەلەندىرۋ كەرەك.

  لي كىچياڭ جۇمىستاندىرۋ جاعدايى مەن قىزمەت مالىمەتىن تىڭدادى. ول بىلاي دەدى: حالىق تۇرمىسى ەڭبەككە سۇيەنەدى، قاجىرلىلىق بولعاندا جۇمىستانۋعا، ەڭبەككە سۇيەنىپ بايلىق جاراتۋعا بولادى. جۇمىستانۋدىڭ ورنىقتى بولۋى − ەكونوميكالىق اينالىمنىڭ ۇيلەسىمدى ارالىقتا بولۋىنىڭ ماڭىزدى بەلگىسى. ىندەت سياقتى مەجەدەگىدەن ارتىق فاكتورلاردىڭ ىقپالىنان، ەلىمىز ەكونوميكاسىندا جاڭا قۇلدىراۋ قىسىمى جارىققا شىقتى، قازىر ەكونوميكانى ورنىقتىرۋدىڭ ءبىرقىدىرۋ ساياساتتىق شاراسى جەدەل تياناقتانىپ، ءونىم بەرۋدە، ەكونوميكا جالپى تۇلعالىق جاقتان قالپىنا كەلۋدە، الايدا قالپىنا كەلۋ نەگىزى ءالى دە بەرىك ەمەس، جۇمىستاندىرۋدى ورنىقتىرۋ مىندەتى ءالى دە اۋىر. دامۋ − ەلىمىزدەگى بارلىق ماسەلەنى شەشۋدىڭ نەگىزى جانە تەتىگى. ەكونوميكانى ورنىقتىرۋ ءىرى ساياساتتىق شارالارىندا، ەڭ ماڭىزدىسى، بازار تۇلعالارى ارقىلى جۇمىستانۋدى ورنىقتىرۋعا كۇش سالۋ كەرەك. كوكەي تەستىلىك سەزىمدى ونان ارى كۇشەيتىپ، ءتۇرلى ساياساتتاردى ۇزدىكسىز تياناقتاندىرىپ، ەكونوميكالىق اينالىمنىڭ تەز ارادا قالىپتى ارناعا ءتۇسۋىن ىلگەرىلەتىپ، دامۋ ارقىلى جۇمىستانۋدى جەبەپ، جۇمىستانۋ ارقىلى حالىق تۇرمىسىنا كەپىلدىك ەتىپ، جۇمىسسىزدىق مولشەرىن تەز ارادا تومەندەتۋ، تىزگىندەۋ كەرەك. رەفورما ءادىسى ارقىلى بازارلانعان، قوعامدانعان جۇمىستانۋ ارناسىن كەڭەيتىپ، جۇمىس ورنىن مولايتىپ، باياندى بولۋدى جۇزەگە اسىرۋ كەرەك. جوعارى مەكتەپ بىتىرگەن وقۋشىلاردىڭ جۇمىستانۋىن جەبەۋ قىزمەتىن شىنايى، ەگجەي - تەگجەيلى يگەرىپ، شارۋا جۇمىسكەرلەرگە جىلۋ ورنىنا جۇمىس بەرۋ كولەمىن كەڭەيتۋ كەرەك.

  لي كىچياڭ حالىق ىستەرى مينيسترلىگىنىڭ قوعامدىق قۇتقارۋ – كومەك بەرۋ تارماق مەكەمەسىنە كەلىپ، تومەن كىرىستى حالىق سانىن باقىلاپ – ولشەۋ ينفورماتسياسىن كوزدەن كەشىرىپ، قۇتقارۋ – كومەك بەرۋ ساياساتىنىڭ اتقارىلۋ جاعدايىن ۇعىستى. ول بىلاي دەدى: قوعامدىق قۇتقارۋ − حالىق تۇرمىسىنىڭ ەڭ تومەنگى تۇرمىسىن قامتاماسىز ەتكەندىك، مۇندا ادىلدىكتى جەبەۋگە، حاۋىپسىزدىكتى ساقتاۋعا، سونداي - اق قاقتىعىستى باسەڭدەتۋگە بولادى، ءبىر مەزەت قيىنشىلىققا تاپ بولعانداردىڭ قيىن وتكەلدەن وتكەننەن كەيىن قايتالاي جۇمىستانۋىنا، قايتا يگىلىك جاراتۋىنا مۇمكىندىك جاراتۋعا بولادى. قۇتقارۋ - كومەكتەسۋ، قوعامدىق قامتاماسىزداندىرۋ ساياساتىن جۇمىستاندىرۋ ساياساتىمەن ۇشتاستىرىپ، قۋاتى بارلاردى جۇمىستانۋعا، قوس قولىنا سۇيەنىپ اناعۇرلىم جاقسى تۇرمىسقا قول جەتكىزۋگە شابىتتاندىرىپ، قوعامنىڭ اناعۇرلىم ومىرشەڭدىك كۇشكە يە بولۋىنا مۇمكىندىك جاساۋ كەرەك.

  اڭگىمە ماجىلىسىندە حالىق ىستەرى مينيسترلىگى مالىمەت بەردى. لي كىچياڭ بىلاي دەدى: دامۋداعى ءتۇبىرلى ماقسات − حالىقتى جاقسى تۇرمىسقا كەنەلتۋ، قيىنشىلىق بولعان سايىن حالىق تۇرمىسىنىڭ ءار سالاداعى قىزمەتتەرىن ويداعىداي ىستەۋ كەرەك. ىندەت، اپات سياقتىلاردىڭ ىقپالىنان قازىر قيىنشىلىعى بار بۇقارا كوبەيدى. اۋقىمدىق باقىلاۋدى كۇشەيتىپ، جۇمىسسىزداردى جانە ەڭ تومەنگى تۇرمىسىن قامتاماسىزداندىرۋعا ءتيىستى وبيەكتىلەردى، ۋاقىتتىق قيىنشىلىعى بارلاردى دەر كەزىندە بايقاپ، قامتاماسىزداندىرۋ جانە قۇتقارۋ جاعىندا كەڭەيتۋگە ءتيىستى كولەمدى كەڭەيتىپ، قامتاماسىزداندىرۋعا تيىستىلەرىن مۇمكىندىگىنشە قامتاماسىزداندىرىپ، تومەنگى شەكتەن تۇسىرمەي، ءمورالدىڭ ەڭ تومەنگى شەگىنە سوقتىعۋ ىستەرىنىڭ تۋىلۋىنان ساقتانۋ كەرەك. كولەمدى قايتا كەدەيلەنۋ ءجايتىنىڭ تۋىلماۋىنا كەپىلدىك ەتۋ كەرەك. زەينەتاقىنىڭ ۋاعىندا، تولىعىمەن تاراتىلۋىنا كەپىلدىك ەتىپ، مىندەتتى وقۋ - اعارتۋ، نەگىزدىك ەمدەۋ، نەگىزگى تۇرعىن ءۇي سياقتى حالىق تۇرمىسى قىزمەتىن ويداعىداي ىستەۋ كەرەك. وسى جىلداردا بۇكىل ەل بويىنشا قازىنالىق شىعىستىڭ %70 تەن استامى حالىق تۇرمىسىنا جۇمسالدى، ءار دارەجەلى ۇكىمەتتەر ۇنەمشىل بولۋدان جازباي، نەگىزگى حالىق تۇرمىسىن قامتاماسىزداندىرۋ جاۋاپكەرلىگىن ارقالاۋى كەرەك. جەر - جەر، تاراۋلار شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، ناقتى ىستەر تىندىرىپ، العا باسىپ، ەكونوميكانىڭ، قوعامنىڭ باياندى، اقاۋسىز دامۋىن ىلگەرىلەتۋى كەرەك.

  ۋاڭ يۇڭ قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

ماتەريالدىق سۋرەت

ماتەريالدىق سۋرەت