بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

نەگىزگى ساتىنىڭ نەگىزىن كۇشەيتىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ جاعدايىن قالىپتاستىردى (تاپسىرىقتى امالياتتا ايگىلەگەن 10 جىل)

« حالىق گازەتىنىڭ » تىلشىلەرى حان ليچۇن، لي جو –ىر

2022.06.29 16:36     كەلۋ قاينارى : حالىق تورابى

  قوعام ورنىقتىلىعى مەن باياندى تىنىشتىق − شينجياڭ قىزمەتىنىڭ باس نىساناسى. شينجياڭدى ورنىقتىرۋدىڭ، شينجياڭنىڭ تىنىشتىعىن ساقتاۋدىڭ ماڭىزدى ءتۇيىنى نەگىزگى ساتىدا.

  2014 - جىلى ساۋىردە شينجياڭ قاشقار كونەشار اۋدانى توققۇزاق قالاشىعى اياقمەنگەن قىستاعىندا باس شۋجي شي جينپيڭ: «بىزدە قۇدىرەتتى نەگىزگى ساتى اكىمياتى بولۋ كەرە» دەپ اتاپ كورسەتتى. سول جىلى 5 - ايدا ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە باس شۋجي بىلاي دەپ دارىپتەدى: «نەگىزگى ساتى پارتيا ۇيىمدارىن بۇقاراعا قىزمەت وتەيتىن، ورنىقتىلىقتى قورعايتىن، بولشەكتەۋشىلىككە قارسى تۇراتىن بەرىك جاۋىنگەر قامال ەتىپ قۇرىپ شىعۋعا قۇلشىنىپ، پارتيا تۋىن ءاربىر نەگىزگى ساتى شەبىندە بيىك جەلبىرەتۋ كەرەك».

  نەگىزگى ساتى ۇيىمىن قۇرۋدى ءبىر تۇتاس جوسپارلاپ، كۇشەيتىپ، بۇقارا بار جەرلەردىڭ، پارتيا مۇشەلەرى بار جەرلەردىڭ بارىندە پارتيا ۇيىمى، پارتيا قىزمەتى بولۋدى جۇزەگە اسىردى؛ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى بويىنشا قىستاقتا تۇرۋ قىزمەتىن ۇزدىكسىز ورىستەتىپ، ءار جىلى 70 مىڭنان استام كادردان ۇيىمداسقان 10 مىڭنان استام قىزمەت اترەتىن نەگىزگى ساتىعا جىبەرىپ وتىردى ... وسى جىلداردا شينجياڭ نەگىزگى ساتىنى يگەرۋدى، نەگىز قالاۋدى شينجياڭدى ورنىقتىرۋدىڭ، تىنىشتاندىرۋدىڭ ۇزاق بولاشاقتىق جوسپارى جانە نەگىزدى بەكەمدەۋ شاراسى ەتتى، نەگىزگى ساتى ۇيىمدىق قۇرىلىسىنىڭ ۇسىنىلىم سەرپىنىنىڭ زور بولۋى، ماسەلەلەردىڭ كوپتەپ شەشىلۋى، ونىمدىلىكتىڭ كورنەكتى بولۋى بۇرىن – سوڭدى بولماعان دارەجەگە جەتتى.

  «قىستاقتا تۇراتىن قىزمەت گرۋپپاسى قىستاقتىڭ بۇقارانى ءوندىرىستى دامىتۋعا ۇيىمداستىرۋىنا، كىرىستى ارتتىرۋىنا كومەكتەسىپ، ءدىن جاراسىمدىلىعىن جەبەپ، ۇيىمدىق قۇرىلىستى كۇشەيتتى». اياقمەنگەن قىستاعى پارتيا ياچەيكاسىنىڭ شۋجيى مامەتتۇرسىن ابدىراحمان بىلاي دەدى: پارتيا ياچەيكاسىنىڭ ۇيىستىرۋ قۋاتى، جاۋىنگەرلىك قۋاتى كۇشەيدى، قىستاقتا پارتياعا جاڭادان 39 مۇشە قابىلداندى، كوبى قابىلەتتى جاستار، اۋىلداستار اناعۇرلىم تاتۋ - ءتاتتى ءوتىپ، تۇرمىستارى تاماشا، جايلى بولدى.

  «شينجياڭ ماسەلەسىندە ەڭ ۇزاققا سوزىلاتىنى − ۇلتتار ىنتىماعى ماسەلەسى». باس شۋجي شي جينپيڭ: «ۇلتتار ىنتىماعىن كوز قاراشىعىمىزدى قورعاعانداي قورعاپ، ءومىرىمىزدى قاستەرلەگەندەي قاستەرلەپ، اناردىڭ دانىندەي تىعىز ۇيىسۋىمىز كەرەك» دەپ دارىپتەگەن بولاتىن.

  «ءبىر ءۇيلى جان بولماسا دا، ءبىر ءۇيلى جانداي ەتەنە ءوتتى». 2016 - جىلى «ۇلتتار ىنتىماعىنىڭ بەرەكەلى شاڭىراعى»« قيمىلى ورىستەتىلگەننەن بەرى شينجياڭدا ىلگەرىندى - كەيىندى ءبىر ميلليون 200 مىڭنان استام كادر ءبىر ميلليون 600 مىڭنان استام ءار ۇلت بۇقاراسىمەن جۇپ قۇراپ، تۋىس بولدى.

  شينجياڭ ۇلتتار ىنتىماعىن ەڭ ۇلكەن بۇقارالىق قىزمەت ەتۋدە تاباندى بولىپ، ۇلتتار ىنتىماعىن جەبەۋدىڭ ءبىرقىدىرۋ جاندى امالياتىن ۇزدىكسىز ورىستەتىپ، ءار ۇلت حالقىنىڭ ارالاسۋىن، ىشتەسۋىن، توعىسۋىن اناعۇرلىم نىعايتتى. تيانشاننىڭ تۇستىگى مەن تەرىستىگىنەن انار گۇلىندەي ۇيىسۋ، ءبىر ءۇيلى جانداي جاراسىمدى ءوتۋ بەينەسىن كورۋگە بولادى.

  بۇل كەڭ تارالعان اڭگىمە ەدى: بىلتىر 11 - ايدا جياڭسۋلىق جۇك اۆتوموبيلى شوفەرى جاۋ شۇيلەي كورلادا زات تيەگەن كەزدە سول جاق كوزى كەزدەيسوق جارالانادى. تانىسقانىنا نەبارى 11 كۇن عانا بولعان جاڭا دوستارى − كورلا قالاسىنىڭ تۇرعىنى مانسۇر پاتتار مەن مامەت نۇردۇن ءوز قاراجاتتارىمەن كولىك جۇرگىزىپ 4 مىڭ 700 كيلومەتر جول باسىپ، ونىڭ اۆتوكولىگىن شۇيجوۋداعى اۋىلىنا جەتكىزىپ قويادى.

  بىرگە قۇرۋ، بىرگە جونگە سالۋ، بىرگە يگىلىكتەنۋ − پارتيانىڭ ماڭىزدى جونگە سالۋ ۇستانىمى.

  2015 - جىلى ورتالىقتىڭ شينجياڭ قىزمەتى جونىندەگى 3 - رەتكى اڭگىمە ماجىلىسىندە باس شۋجي شي جينپيڭ بىلاي دەپ دارىپتەدى: پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، بۇقارا ات سالىساتىن، زاڭمەن جونگە سالۋ ارقىلى قامتاماسىز ەتىلەتىن قوعامدىق جونگە سالۋ ءتۇزىلىسىن جاپپاي قالىپتاستىرىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ جاعدايىن قالىپتاستىرۋ كەرەك.

  «ءبىز ورنىقتىلىقتى قورعاۋداعى ‹بەرىكتىكتەن› جانە بۇقاراعا قىزمەت وتەۋدەگى ‹جۇمساقتىقتان› جازباي، بارشا وتباسىنىڭ اماندىعىن قورعاۋ جاۋاپكەرلىگىن ادالدىقپەن اتقارامىز». قاشقار قالالىق قوعام حاۋىپسىزدىگى مەكەمەسى ءنازىرباق ساقشى بولىمشەسىنىڭ باستىعى تاۋ يۇڭشىڭ بىلاي دەپ تانىستىردى: وسى جىلداردا ءنازىرباق ساقشى بولىمشەسى بىرگە قۇرۋ، بىرگە جونگە سالۋ، بىرگە يگىلىكتەنۋدىڭ «ورتاق تورىن» قۇردى، كۇندەلىكتى الەۋمەتتىك اۋماق ساقشى ىستەرى الەۋمەتتىك اۋماق قىزمەتىمەن بارىنشا توعىستى؛ سوققى بەرۋ، ساقتانۋ، باسقارۋ - مەڭگەرۋ مەحانيزمىندە جاڭالىق جاراتىلىپ، ەرىكتى قىزمەت وتەيتىن 5 ساقشى اترەتى قۇرىلىپ، قاراستى رايوندا دەلو تۋىلۋ مولشەرى قاۋىرت ازايدى، قىلمىستىق ىستەر مۇلدەم تۋىلمادى.

  بىرگە قۇرۋدا، بىرگە جونگە سالۋدا، بىرگە يگىلىكتەنۋدە تاباندى بولىپ، «جان - جاقتى جونگە سالۋ ورتالىعى + بولەككە ءبولىپ باسقارۋ + ينفورماتسيالاندىرۋ» سىندى نەگىزگى ساتى قوعامدىق جونگە سالۋ جۇيەسىن كەمەلدەندىرىپ، قالا وڭىرىندەگى قوعامدىق جونگە سالۋدى وسىزامانداندىرۋدى تۇيىندە سىناق ەتۋدى ىشكەرىلەي ىلگەرىلەتتى ... جاڭا ۇستانىم، جاڭا ءادىس نەگىزگى ساتىنىڭ تىنىشتىق نەگىزىن بەكەمدەپ، شينجياڭنىڭ قوعامدىق جالپى جاعدايىنىڭ ۇزدىكسىز ورنىقتى بولۋىن، جاقسارۋىن ىلگەرىلەتتى. كورىكتى شينجياڭ بۇل كۇندە جاراسىمدى، ورنىقتى بولعاندىقتان ءتىپتى دە كوركەم بولا تۇسۋدە.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

ماتەريالدىق سۋرەت

ماتەريالدىق سۋرەت