بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ حۋبەيدىڭ ۋحانىندا قىزمەت تەكسەرگەندە مىنانى دارىپتەدى

عىلىم - تەحنيكانىڭ جان تامىرىن ءوز قولىمىزدا بەرىك ۇستاپ، ەلىمىز دامۋىنىڭ تاۋەلسىزدىگىن، دەربەستىگىن، حاۋىپسىزدىگىن ۇزدىكسىز جوعارىلاتۋىمىز كەرەك

2022.06.30 16:43     كەلۋ قاينارى : حالىق تورابى

6 - ايدىڭ 28 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حۋبەي ولكەسىنىڭ ۋحان قالاسىندا قىزمەت تەكسەردى. سۋرەتتە: 9 - ايدىڭ 28 - كۇنى تۇستەن كەيىن شي جينپيڭ ۋحان حۋاگۇڭ لازەر نۇرى ينجەنەرياسى شەكتى جاۋاپكەرلىك سەرىكتەستىگى سەح عيماراتىنىڭ الدىندا كاسىپورىن جۇمىسشى - قىزمەتكەرلەرىمەن ىقىلاسپەن اڭگىمەلەسۋدە. سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن

  ■ عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ − مەملەكەتتىڭ قۇدىرەتتەنۋىنىڭ نەگىزى، حاۋىپسىزدىگىنىڭ ارقاۋى. ءبىز، ءسوز جوق، جاڭا دامۋ تانىمىن تولىق، دۇرىس، جاپپاي دايەكتىلەندىرىپ، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، عىلىم - تەحنيكانىڭ جان تامىرىن ءوز قولىمىزدا بەرىك ۇستاپ، عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ جاعىندا اناعۇرلىم زور ىلگەرىلەۋشىلىككە قول جەتكىزىپ، ەلىمىز دامۋىنىڭ تاۋەلسىزدىگىن، دەربەستىگىن، حاۋىپسىزدىگىن ۇزدىكسىز جوعارىلاتىپ، ءتىپتى دە كوپ جاڭا تەحنيكا، جاڭا كاسىپتەردى جارىققا شىعارىپ، ەكونوميكالىق دامۋدىڭ جاڭا سالاسىن، جاڭا ارناسىن اشىپ، حالىقارالىق باسەكەدە جاڭا ابزالدىق قالىپتاستىرۋىمىز كەرەك

  ■ سوتسياليستىك وسىزاماندانعان مەملەكەتتى جاپپاي قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋدا جاڭالىق اشۋ − شەشۋشى فاكتور. پارتيا ورتالىق كوميتەتى عىلىم - تەحنيكادا جاڭالىق اشۋعا ايرىقشا ءمان بەرىپ، مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسى مەن جاڭالىق اشۋ ارقىلى دامۋعا دەم بەرۋ ستراتەگياسىن اتقاردى. ەگەر ءاربىر قالا، ءاربىر جوعارى - جاڭا تەحنيكالىق اشۋ رايونى، ءاربىر عىلىم - تەحنيكا كاسىپورنى، ءاربىر عىلمي زەرتتەۋ قىزمەتكەرى مەملەكەت بەلگىلەگەن دامۋ بەتالىسىن ارقاۋ ەتىپ، عىلىم - تەحنيكادا جاڭالىق اشۋدى تىڭعىلىقتى ىلگەرىلەتسە، وندا ءبىز بەلگىلەنگەن نىسانانى، ءسوز جوق، جۇزەگە اسىرا الامىز. ءبىز وسى ۇرپاق ادامدار، ءسوز جوق، وسى داڭقتى بورىشتى ارقالاۋىمىز كەرەك

  ■ قازىر ىندەت ءالى تۇراقتى ەمەس، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ قىسىمى ءالى دە اۋىر. تاباندى بولۋدىڭ ءوزى − جەڭىس. بەيعامدىققا سالىنۋ يدەياسىن، شايقاستان قاجۋ كوڭىل كۇيىن، بوساڭسۋ كوڭىل كۇيىن جەڭىپ، ىندەتتەن ساقتانۋ - تىزگىندەۋدىڭ ءتۇرلى قىزمەتتەرىن شىنايى، ەگجەي - تەگجەيلى يگەرۋ، سونىمەن بىرگە ەكونوميكانىڭ ورنىقتى، اقاۋسىز دامۋىن مۇمكىندىكتىڭ بارىنشا ىلگەرىلەتۋ كەرەك. ءار دارەجەلى پارتكومدار مەن ۇكىمەتتەر امالىن تاۋىپ حالىق بۇقاراسىنىڭ ءىس جۇزىندىك قيىنشىلىقتارىن شەشۋىنە كومەكتەسىپ، ەكونوميكا دامۋىنىڭ جانە حالىق بۇقاراسىنىڭ ءوندىرىسىنىڭ، تۇرمىسىنىڭ ىقپالعا از ۇشىراۋىنا كەپىلدىك ەتۋى كەرەك. ءبىز ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ، ەلىمىزدىڭ بيىلعى ەكونوميكالىق دامۋىندا ءبىرشاما جاقسى ورەگە قول جەتكىزۋگە سەنىمدىمىز

  «حالىق گازەتى»، 6 - ايدىڭ 29 - كۇنى، ۋحان. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 28 - كۇنى حۋبەي ولكەسىنىڭ ۋحان قالاسىندا قىزمەت تەكسەرگەندە مىنالاردى دارىپتەدى: عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ − مەملەكەتتىڭ قۇدىرەتتەنۋىنىڭ نەگىزى، حاۋىپسىزدىگىنىڭ ارقاۋى. ءبىز، ءسوز جوق، جاڭا دامۋ تانىمىن تولىق، دۇرىس، جاپپاي دايەكتىلەندىرىپ، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، عىلىم - تەحنيكانىڭ جان تامىرىن ءوز قولىمىزدا بەرىك ۇستاپ، عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ جاعىندا اناعۇرلىم زور ىلگەرىلەۋشىلىككە قول جەتكىزىپ، ەلىمىز دامۋىنىڭ تاۋەلسىزدىگىن، دەربەستىگىن، حاۋىپسىزدىگىن ۇزدىكسىز جوعارىلاتىپ، ءتىپتى دە كوپ جاڭا تەحنيكا، جاڭا كاسىپتەردى جارىققا شىعارىپ، ەكونوميكالىق دامۋدىڭ جاڭا سالاسىن، جاڭا ارناسىن اشىپ، حالىقارالىق باسەكەدە جاڭا ابزالدىق قالىپتاستىرۋىمىز كەرەك.

  6 - ايدىڭ 28 - كۇنى تۇستەن كەيىن شي جينپيڭ حۋبەي ولكەلىك پارتكومنىڭ شۋجيى ۋاڭ مىڭحۇيدىڭ، ولكە باستىعى ۋاڭ جۇڭليننىڭ سەرىك بولۋىندا ۋحانداعى كاسىپورىندارعا، الەۋمەتتىك اۋماقتارعا بارىپ تەكسەرۋ - زەرتتەۋ جۇرگىزدى.

  شي جينپيڭ الدىمەن ۋحان حۋاگۇڭ لازەر نۇرى ينجەنەرياسى شەكتى جاۋاپكەرلىك سەرىكتەستىگىنە بارىپ قىزمەت تەكسەردى. كاسىپورىننىڭ جالپىلىق زەرتتەۋ - اشۋ عيماراتىندا شي جينپيڭ حۋبەي ولكەسىنىڭ فوتوەلەكترون ينفورماتسيا كاسىبىنىڭ دامۋى جانە وزەكتى تەحنيكالاردان قامال الۋ جاعدايى جونىندەگى تانىستىرۋدى تىڭداپ، چيپ كاسىبىندەگى جاڭالىق اشۋ جەتىستىكتەرى كورمەسىن مۇقيات كوردى. شي جينپيڭ مىنالاردى اتاپ كورسەتتى: فوتو ەلەكترون ينفورماتسيا كاسىبى − كەڭ كولەمدە قولدانىلاتىن ستراتەگيالىق جوعارى تەحنيكالى كاسىپ، سونداي - اق ەلىمىزدىڭ قامال الۋدى الدىمەن جۇزەگە اسىرۋعا شارت - جاعدايى بار جوعارى تەحنيكالى كاسىپ. حۋبەيدىڭ ۋحان دۇڭحۋ جاڭا تەحنيكا اشۋ رايونى فوتو ەلەكترون ينفورماتسيا كاسىبى سالاسىندا ەرەكشە ابزالدىققا يە. تەحنيكالىق زەرتتەۋ - اشۋدان قامال الۋدى كۇشەيتىپ، دەربەس ءبىلىم مەنشىك ۇقىعىنا يە اناعۇرلىم كوپ وزەكتى تەحنيكالاردى يگەرىپ، جاڭالىق اشۋ تىزبەگىن ۇزدىكسىز كەڭەيتىپ، كاسىپ تىزبەگىن كەمەلدەندىرىپ، ەلىمىزدىڭ فوتو ەلەكترون ينفورماتسيا كاسىبىنىڭ جەدەل دامۋىن ىلگەرىلەتۋگە اناعۇرلىم زور ۇلەس قوسۋ كەرەك. ەلىمىزدىڭ كۇن سايىن دامىپ زورايۋىنا بايلانىستى، شەشۋشى، وزەكتى تەحنيكالاردان قامال الۋ كەزەك كۇتتىرمەيتىن ىسكە اينالدى، ءسوز جوق، ماسەلەنى باعدار ەتۋدەن جازباي، بۇكىل ەل بويىنشا جاڭاشا ءتۇزىلىس ابزالدىعىن ساۋلەلەندىرىپ، قايراتتانا العا ۇمتىلىپ، تەڭەلۋگە تالپىنىپ، عىلىم - تەحنيكادا دەربەس ءوزىن الۋەتتەندىرۋدى جەدەل جۇزەگە اسىرۋ كەرەك.

  شي جينپيڭ ىلگەرىندى - كەيىندى كاسىپورىننىڭ لازەر عىلىم - تەحنيكا سارايىنا، جارتىلاي وتكىزگىش تاقتالى لازەرلىك زەردەلى جابدىق ءوندىرۋ سەحىنا بارىپ، لازەر تەحنيكاسى كاسىبىنىڭ قولدانىسى كورمە بۇيىمدارىن كوردى. شي جينپيڭ مىنالاردى دارىپتەدى: جوعارى دەڭگەيلى جاساۋ − ەكونوميكانىڭ ساپالى دامۋىنىڭ ماڭىزدى تىرەگى. ەلىمىزدىڭ جاساۋ كاسىبىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتىپ، جاساۋ كاسىبىندە قۋاتتى ەل قۇرۋدا، ءسوز جوق، تەحنيكالىق زەرتتەۋ - اشۋدى كۇشەيتىپ، ەلىمىزدە وندىرىلگەن ونىمدەردىڭ شەتەلدە وندىرىلگەن ونىمدەردىڭ ورنىن باسۋ شاماسىن جوعارىلاتىپ، عىلىم - تەحنيكانىڭ جان تامىرىن ءوز قولىمىزدا ۇستاعاندا عانا، مەملەكەت شىن مانىندە قۇدىرەتتەنە الادى.

  سەح عيماراتىنىڭ الدىندا شي جينپيڭ كاسىپورىن جۇمىسشى - قىزمەتكەرلەرىمەن ىقىلاسپەن اڭگىمەلەستى. شي جينپيڭ مىنالاردى اتاپ كورسەتتى: ەلىمىز − دۇنيە جۇزىندەگى 2 - ۇلكەن ەكونوميكالىق تۇلعا، الايدا ءالى دە كوپتەگەن ولقىلىق بار، كەيبىر كاسىپتەردىڭ نەگىزى ءالى مىعىم ەمەس، ىشكەرىلەي دامۋدا، ءسوز جوق، جاڭالىق اشۋعا سۇيەنۋ كەرەك. سوتسياليستىك وسىزاماندانعان مەملەكەتتى جاپپاي قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋدا جاڭالىق اشۋ − شەشۋشى فاكتور. پارتيا ورتالىق كوميتەتى عىلىم - تەحنيكادا جاڭالىق اشۋعا ايرىقشا ءمان بەرىپ، مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسى مەن جاڭالىق اشۋ ارقىلى دامۋعا دەم بەرۋ ستراتەگياسىن اتقاردى. ەگەر ءاربىر قالا، ءاربىر جوعارى - جاڭا تەحنيكالىق اشۋ رايونى، ءاربىر عىلىم - تەحنيكا كاسىپورنى، ءاربىر عىلمي زەرتتەۋ قىزمەتكەرى مەملەكەت بەلگىلەگەن دامۋ بەتالىسىن ارقاۋ ەتىپ، عىلىم - تەحنيكادا جاڭالىق اشۋدى تىڭعىلىقتى ىلگەرىلەتسە، وندا ءبىز بەلگىلەنگەن نىسانانى، ءسوز جوق، جۇزەگە اسىرا الامىز. ءبىز وسى ۇرپاق ادامدار، ءسوز جوق، وسى داڭقتى بورىشتى ارقالاۋىمىز كەرەك. عىلىم - تەحنيكادا جاڭالىق اشۋدا بىرىنشىدەن، ۇسىنىلىمعا، ەكىنشىدەن، دارىندىلارعا سۇيەنۋ كەرەك. بۇل ارادا كوپتەگەن تاڭداۋلى دارىندىلار توپتالعانىن، كوپشىلىكتىڭ جاس تا جالىندى ەكەنىن كورىپ قاتتى قۋاندىم. پارتيا ورتالىق كوميتەتى عىلىم - تەحنيكا دارىندىلارىنىڭ جەتىلۋىنە ەرەكشە كوڭىل بولەدى، ءار دارەجەلى پارتكومدار مەن ۇكىمەتتەر عىلىم - تەحنيكادا جاڭالىق اشۋعا ءتيىمدى ءتۇزىلىس - مەحانيزمدەر مەن قىزمەت، تۇرمىس ورتاسىن مۇمكىندىكتىڭ بارىنشا جاراتىپ، عىلىم - تەحنيكا قىزمەتكەرلەرىنىڭ وتان مەن حالىققا ۇلەس قوسۋىنا مۇمكىندىك جاراتۋى كەرەك. كوپشىلىكتىڭ ۇزدىكسىز قۇلشىنىپ، اناعۇرلىم زور تابىستارعا قول جەتكىزۋىن ءۇمىت ەتەمىن.

  شي جينپيڭ وسىدان كەيىن دۇڭحۋ جوعارى، جاڭا تەحنيكا رايونى زوليڭ ءمالى باسقارماسى جى - يۋان الەۋمەتتىك اۋماعىندا قىزمەت تەكسەردى. بۇل الەۋمەتتىك اۋماق − مەملەكەت مەنشىگىندەگى كاسىپورىنداردىڭ لاشىق رايوندارىن وزگەرتۋ بارىسىندا قۇرىلعان شاعىن رايون، جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن وسى رايون 5 دارەجەلى كوتەرمەگە الۋ - قامتاماسىزداندىرۋ ءتۇزىمىن قاتاڭ تياناقتاندىرىپ، جۇمىس ورنىنا قايتىپ، جۇمىستى قالپىنا كەلتىرۋ مەن ساقتانۋ، تىزگىندەۋ، باسقارۋ ءوزارا ۇشتاستىرىلعان الەۋمەتتىك اۋماقتىڭ ورنىقتىلىقتى قامتاماسىزداندىرۋ جۇيەسىن قالىپتاستىرىپ، تۇرعىنداردىڭ تۇرمىسى مەن قىزمەتىنىڭ قالپىنا كەلۋىن تارتىپپەن ىلگەرىلەتتى. حۋبەي ولكەسىنىڭ ۇدايىلانعان ىندەتتەن ساقتانۋ - تىزگىندەۋ جانە ىندەتتەن كەيىنگى الەۋمەتتىك اۋماقتى باسقارۋ جاعدايى جونىندەگى تانىستىرۋدى تىڭداعاننان كەيىن شي جينپيڭ مىنالاردى دارىپتەدى: 2020 - جىلى ۋحاندى قورعاۋ شايقاسى جەڭىسكە جەتكەننەن بەرى وسى 2 جىلدا ۋحاندا تاعى دا كوپ رەت شوعىرلى ىندەت بايقالسا دا، تەز ارادا تىزگىندەلىپ، كولەمدى ءورشۋ جاعدايى بايقالمادى. ۋحان قالاسىنىڭ ىندەتتەن ساقتانۋ - تىزگىندەۋدى ۇدايىلاندىرۋ قىزمەتى جاقسى ىستەلدى، تاجىريبەلەرى قورىتىندىلاۋعا تاتيدى. اماليات پارتيا ورتالىق كوميتەتى بەلگىلەگەن ىندەتتەن ساقتانۋ - تىزگىندەۋ باعىت - ساياساتتارىنىڭ دۇرىس، ءونىمدى ەكەندىگىن دالەلدەدى، وندا، ءسوز جوق، بۇلجىماي تاباندى بولۋ كەرەك.

  شي جينپيڭ ەرىكتى قىزمەت وتەۋ قوناق زالىنا بارىپ، الەۋمەتتىك اۋماق قىزمەتكەرلەرىنەن، تومەنگە تۇسكەن پارتيالى كادرلاردان، ەرىكتىلەردەن نەگىزگى ساتىداعى ىندەتتەن بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اينالىم جاعدايىن ۇعىسىپ، ولاردى ساقتانۋ - تىزگىندەۋ ءبىرىنشى شەبىندەگى قورعاندى بەكەمدەپ، تۇرعىندارعا الاڭسىز، جاراسىمدى تۇرمىس ورتاسىن جاراتۋعا شابىتتاندىردى. شي جينپيڭ الەۋمەتتىك اۋماقتى ارالاي ءجۇرىپ، الەۋمەتتىك اۋماقتىڭ حالىققا قولايلى نۋكلەين قىشقىلىنان ۇلگى الىپ تەكسەرۋ سياقتى ىندەتتەن ساقتانۋ - تىزگىندەۋدەگى ۇدايىلانعان شارالارىن تۇراقتاندىردى. شي جينپيڭ مىنالاردى دارىپتەدى: ىندەتكە توتەپ بەرۋ كۇرەسىندە، مەيلى شۇعىل جاعدايعا توتەپ بەرۋدە بولسىن، الدە ۇنەمىلىك ساقتانۋ - تىزگىندەۋدە بولسىن، الەۋمەتتىك اۋماق توتەنشە ماڭىزدى رول اتقاردى. جالپى العاندا، ەرتە بايقاپ، تەز ءبىر جاقتى ەتۋگە، جۇدىرىقتاي جۇمىلعان حالىق بۇقاراسىنا، الەۋمەتتىك اۋماق سىندى ماڭىزدى نەگىزگە سۇيەنۋ كەرەك. الەۋمەتتىك اۋماقتىڭ ۇدايىلانعان ساقتانۋ - تىزگىندەۋ شارالارىن كەمەلدەندىرىپ، ىندەت بايقالعاننان كەيىن، ءسوز جوق، باتىل بولۋ، ءارى - ءسارى بولماي، عىلمي، قاتاڭ باسقارۋ - مەڭگەرۋ شارالارىن قولدانىپ، عىلمي ساقتانۋ - تىزگىندەۋ، دالمە - ءدال ساقتانۋ - تىزگىندەۋ دەڭگەيىن جوعارىلاتىپ، الەۋمەتتىك اۋماق سىندى قورعانىس شەبىن باتىل ساقتاۋ كەرەك.

  جى - يۋان الەۋمەتتىك اۋماعى قارتتانۋداعى كورنەكتى ماسەلەلەردى ارقاۋ ەتىپ، زەينەتكەرلىككە قىزمەت وتەۋ ۇلگىسىندە جاڭالىق اشىپ، وتباسىن نەگىز، الەۋمەتتىك اۋماقتى سۇيەنىش، قۇرىلىمدى تولىقتىرعىش ەتكەن، ەمدەۋ مەن كۇتىمدەۋ ءوزارا ۇشتاستىرىلعان زەينەتكەرلىككە قىزمەت وتەۋ ۇلگىسىن ورناتتى. الەۋمەتتىك اۋماقتاعى پارتيا مۇشەلەرىنىڭ بۇقاراعا قىزمەت وتەۋ ورتالىعىندا شي جينپيڭ الەۋمەتتىك اۋماق قىزمەتكەرلەرىنەن پارتيا قۇرىلىسى ارقىلى نەگىزگى ساتى الەۋمەتتىك اۋماعىن جونگە سالۋعا جەتەكشىلىك ەتۋ جانە حالىققا قولايلى قىزمەت وتەۋ سياقتى جاعدايلاردى ۇعىستى ءارى جۇمىس بىتىرگەلى كەلگەن قارتتارمەن ىقىلاسپەن اڭگىمەلەسىپ، ولاردىڭ وتباسى جاعدايىن ەگجەي - تەگجەيلى سۇراپ ءبىلدى. شي جينپيڭ مىنالاردى اتاپ كورسەتتى: الەۋمەتتىك اۋماق − ¬قالانى باسقارۋ جۇيەسىنىڭ نەگىزگى بىرلىگى. ەلىمىزدىڭ مەملەكەتتى باسقارۋ جۇيەسىنىڭ ءبىر ارتىقشىلىعى − قالا، اۋىل الەۋمەتتىك اۋماقتارىنىڭ نەگىزىن بەكەمدەۋ. الەۋمەتتىك اۋماق پارتيا ۇيىمى قۇرىلىسىن كۇشەيتىپ، پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن نىعايتىپ، پارتيا ۇيىمىنىڭ الەۋمەتتىك اۋماقتى جونگە سالۋداعى باسشىلىق رولىن، پارتيا مۇشەلەرىنىڭ اۆانگارد ۇلگىلىك رولىن اناعۇرلىم ويداعىداي ساۋلەلەندىرۋ كەرەك. اناعۇرلىم كوپ بايلىقتى الەۋمەتتىك اۋماقتارعا ورنالاستىرىپ، قىزمەت كۇشىن تولىقتاپ، ينفورماتسيالاندىرۋ قۇرىلىسىن كۇشەيتىپ، شۇعىل جاعدايعا توتەپ بەرۋ قۋاتى مەن باسقارۋ، قىزمەت وتەۋ دەڭگەيىن جوعارىلاتىپ، قالانى باسقارۋدىڭ نەگىزگى ساتى نەگىزىن بەكەمدەۋ كەرەك.

  الەۋمەتتىك اۋماقتىڭ شاعىن الاڭىندا كادر - جۇرتشىلىق قاۋمالاي كەلىپ، باس شۋجيمەن امانداستى. شي جينپيڭ كوپشىلىككە ىقىلاسپەن بىلاي دەدى: مەن ۋحان حالقىن ءبىر ءسات تە جادىمنان شىعارمادىم، اراعا 2 جىل سالىپ، ۋحان سىندى قاھارمان قالاعا تاعى دا قادام تاستاپ، كوپشىلىككە امانداسا كەلدىم. ىندەت تارالعاننان بەرى قالىڭ الەۋمەتتىك اۋماق قىزمەتكەرلەرى ىندەتتەن ساقتانۋ - تىزگىندەۋدىڭ ءبىرىنشى شەبىندە ۇزاق ۋاقىت تاباندى بولىپ، قىرۋار كىشى - گىرىم، كۇردەلى ناقتى قىزمەتتەردى ارقالاپ، الەۋمەتتىك اۋماق تۇرعىندارىنا شىن نيەتپەن، ەرەكشە توزىمدىلىكپەن قىزمەت وتەدى، ەڭبەكتەرى ەلەۋلى بولدى. بۇل ارادا مەن كوپشىلىكتەن ءارى بۇكىل ەلدەگى قالىڭ الەۋمەتتىك اۋماق قىزمەتكەرلەرىنەن شىنايى حال سۇرايمىن.

  شي جينپيڭ مىنالاردى دارىپتەدى: جاڭا تيپتى ايدارشا ۆيرۋس وكپە قابىنۋ ىندەتى − ۇلكەن سىناق. ءبىز حالىقتى بارىنەن جوعارى قويۋدا، ءومىردى بارىنەن جوعارى قويۋدا، سىرتتان كىرۋدەن ساقتانۋدا، ىشتە قايتا بەلەڭ بەرۋدەن ساقتانۋدا، اۋقىمدىق نولگە تۇسىرۋدە تاباندى بولىپ، ۋاقىتقا، جاعدايعا قاراي ساقتانۋ - تىزگىندەۋ شارالارىن ۇزدىكسىز رەتتەپ، حالىقتىڭ باس اماندىعى مەن دەنساۋلىعىن بارىنشا قورعادىق. ەلىمىز حالىق سانىنىڭ نەگىزدىك سانى زور، ەگەر «كوللەكتيۆ يممۋنيتەتتەندىرۋ»، «ەركىنە قويا بەرۋ» سياقتى ساقتانۋ - تىزگىندەۋ ساياساتتارى اتقارىلسا، ونىڭ زاردابىن مەجەلەۋ قيىن. ءبىز اتقارىپ وتىرعان اۋقىمدىق نولگە ءتۇسىرۋ ساياساتىن پارتيا ورتالىق كوميتەتى پارتيانىڭ سيپاتى مەن ماقساتىن، ەلىمىزدىڭ مەملەكەت جاعدايىن شىعار ءتۇيىن ەتىپ بەلگىلەگەن، ەكونوميكانىڭ دامۋىنا ۋاقىتشا ىقپال جاساساق تا، حالىق بۇقاراسىنىڭ باس اماندىعى مەن دەنساۋلىعىنا زيان جەتكىزۋىمىزگە بولمايدى، اسىرەسە، قارتتاردى، بالالاردى ويداعىداي قورعاۋ كەرەك. ەگەر جالپى ەسەپ جاسايتىن بولساق، ءبىزدىڭ ىندەتتەن ساقتانۋ شارالارىمىز ەڭ ۇنەمدى دە ءونىمدى شارا بولماق. بىزدە جۇڭگو كوممۋنيستىك پارتياسىنىڭ باسشىلىعى بار، الەۋمەتتىك اۋماق سىندى ماڭىزدى نەگىزگى ساتى نەگىزى بار، اۋقىمدىق نولگە ءتۇسىرۋ ساياساتىن اتقارۋعا قابىلەتىمىز دە، قۋاتىمىز دا جەتەدى، مۇنى ەڭ سوڭعى جەڭىسكە جەتكەنگە دەيىن جالعاستىرۋ كەرەك.

  شي جينپيڭ بىلاي دەپ اتاپ كورسەتتى: قازىر ىندەت ءالى تۇراقتى ەمەس، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ قىسىمى ءالى دە اۋىر. تاباندى بولۋدىڭ ءوزى − جەڭىس. بەيعامدىققا سالىنۋ يدەياسىن، شايقاستان قاجۋ كوڭىل كۇيىن، بوساڭسۋ كوڭىل كۇيىن جەڭىپ، ىندەتتەن ساقتانۋ - تىزگىندەۋدىڭ ءتۇرلى قىزمەتتەرىن شىنايى، ەگجەي - تەگجەيلى يگەرۋ، سونىمەن بىرگە ەكونوميكانىڭ ورنىقتى، اقاۋسىز دامۋىن مۇمكىندىكتىڭ بارىنشا ىلگەرىلەتۋ كەرەك. ءار دارەجەلى پارتكومدار مەن ۇكىمەتتەر امالىن تاۋىپ حالىق بۇقاراسىنىڭ ءىس جۇزىندىك قيىنشىلىقتارىن شەشۋىنە كومەكتەسىپ، ەكونوميكا دامۋىنىڭ جانە حالىق بۇقاراسىنىڭ ءوندىرىسىنىڭ، تۇرمىسىنىڭ ىقپالعا از ۇشىراۋىنا كەپىلدىك ەتۋى كەرەك. ءبىز ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ، ەلىمىزدىڭ بيىلعى ەكونوميكالىق دامۋىندا ءبىرشاما جاقسى ورەگە قول جەتكىزۋگە سەنىمدىمىز.

  ديڭ شۋەشياڭ مەن ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

  كەلۋ قاينارى: حالىق تورابى
6 - ايدىڭ 28 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حۋبەي ولكەسىنىڭ ۋحان قالاسىندا قىزمەت تەكسەردى. سۋرەتتە: 6 - ايدىڭ 28 - كۇنى تۇستەن كەيىن شي جينپيڭ دۇڭحۋ جوعارى، جاڭا تەحنيكا رايونى زوليڭ ءمالى باسقارماسى جى - يۋان الەۋمەتتىك اۋماعىنىڭ پارتيا مۇشەلەرى بۇقاراعا قىزمەت وتەۋ ورتالىعىندا الەۋمەتتىك اۋماق قىزمەتكەرلەرىنەن پارتيا قۇرىلىسى ارقىلى نەگىزگى ساتى الەۋمەتتىك اۋماعىن جونگە سالۋعا جەتەكشىلىك ەتۋ جانە حالىققا قولايلى قىزمەت وتەۋ سياقتى جاعدايلاردى ۇعىسۋدا ءارى جۇمىس بىتىرگەلى كەلگەن قارتتارمەن ىقىلاسپەن اڭگىمەلەسۋدە. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

ماتەريالدىق سۋرەت

ماتەريالدىق سۋرەت