96 ميلليون 712 مىڭ پارتيا مۇشەسى، 4 ميلليون 936 مىڭ نەگىزگى ساتى پارتيا ۇيىمى بار
جۇڭگو كوممۋنيستىك پارتياسىنىڭ پارتيا مۇشەلەرى قوسىنى ۇزدىكسىز دامىپ، زورايدى
نەگىزگى ساتى پارتيا ۇيىمدارىنىڭ ساياسي فۋنكتسياسى مەن ۇيىمداستىرۋ قۋاتى، ۇيىسۋ قۋاتى اناعۇرلىم كۇشەيدى
2022.06.30 16:47 كەلۋ قاينارى : حالىق تورابى
«حالىق گازەتى»، 6 - ايدىڭ 29 - كۇنى، بەيجيڭ. ورتالىق ۇيىمداستىرۋ ءبولىمىنىڭ پارتيا ىشىندەگى ەڭ جاڭا ساندى مالىمەتىندە كورسەتىلۋىنشە، 2021 - جىلدىڭ سوڭىنا دەيىن جۇڭگو كوممۋنيستىك پارتياسى مۇشەلەرىنىڭ جالپى سانى 96 ميلليون 712 مىڭ ادام بولىپ، الدىنداعى جىلداعىدان 3 ميلليون 434 مىڭ ادام كوبەيگەن. پارتيانىڭ نەگىزگى ساتى ۇيىمدارى 4 ميلليون 936 مىڭ بولىپ، الدىنداعى جىلداعىدان 117 مىڭ ارتقان. جۇڭگو كوممۋنيستىك پارتياسى قۇرىلعاننان بەرى نەگىزگى ساتى پارتيا ۇيىمدارى مەن پارتيا مۇشەلەرى قوسىنى قۇرىلىسىن باستان - اياق پارتيا قۇرىلىسىنىڭ نەگىزدىك قىزمەتى ەتىپ، جاڭا قاندى ۇزدىكسىز قابىلداپ، ۇزدىك قوسىن قۇرۋعا كۇش سالىپ، پارتيانىڭ جالىندى ومىرشەڭدىك كۇشى مەن قۇدىرەتتى جاۋىنگەرلىك قۋاتىن باستان - اياق ساقتاۋىنا مۇمكىندىك جاسادى.
پارتيا مۇشەلەرى قوسىنىنىڭ كولەمى ونان ارى ۇلعايدى. پارتيا مۇشەلەرىنىڭ جالپى سانى الدىنداعى جىلداعىدان %3.7 ارتىپ، پارتيانىڭ 18 - قۇرىلتايى اشىلعان كەزدەگىدەن %15.9 ارتقان. پارتيانىڭ 18 - قۇرىلتايىنان بەرى پارتياعا مۇشە قابىلداۋ جالپى مولشەرىن رەتتەۋ - مەڭگەرۋ شاراسى اتقارىلىپ، پارتيا مۇشەلەرىنىڭ سانى ورنىقتى ارتتى. 2021 - جىلى پارتيا قۇرىلعانىنىڭ 100 جىلدىعى سالتاناتپەن قۇتتىقتالىپ، عاسىرلىق ۇلكەن پارتيانىڭ جاستىق جالىنى تولىق ايگىلەندى، ءار كاسىپتەگى، ءار سالاداعى العاباسار ەلەمەنتتەر پارتياعا بەلسەنە ءوتىنىش بەردى، تۇتاس جىلدا جاڭادان قابىلدانعان پارتيا مۇشەلەرى 4 ميلليون 483 مىڭ بولىپ، الدىنداعى جىلداعىدان ءبىر ميلليون 956 مىڭ ادام كوبەيدى. مۇنىڭ ىشىندە ءوندىرىستىڭ، قىزمەتتىڭ ءبىرىنشى شەبىندەگىلەرى 2 ميلليون 311 مىڭ ادام بولىپ، %52.7 تى، جوعارى تەحنيكۋم جانە ودان جوعارى وقۋ ماعلۇماتىنداعىلار 2 ميلليون 115 مىڭ ادام بولىپ، %48.3 تى؛ 35 جاستان تومەنگىلەر 3 ميلليون 540 مىڭ بولىپ، %80.8 تى ۇستادى.
پارتيا مۇشەلەرى قوسىنىنىڭ قۇرىلىمى ۇزدىكسىز ساپالىلاندى. جوعارى تەحنيكۋم جانە ودان جوعارى ماعلۇماتقا يە پارتيا مۇشەلەرى 51 ميلليون 461 مىڭ بولىپ، %53.2 تى ۇستاپ، الدىنداعى جىلداعىدان 1.3 پايىز جوعارىلادى؛ ايەل پارتيا مۇشەلەرى 28 ميلليون 431 مىڭ بولىپ، %29.4 تى ۇستاپ، الدىنداعى جىلداعىدان 1.0 پايىز جوعارىلادى؛ از ۇلت پارتيا مۇشەلەرى 7 ميلليون 285 مىڭ بولىپ، %7.5 تى ۇستاپ، الدىنداعى جىلداعىدان 0.1 پايىز جوعارىلادى. 2012 - جىلدىڭ سوڭىمەن سالىستىرعاندا، جوعارى تەحنيكۋم جانە ودان جوعارى ماعلۇماتتاعىلار، ايەلدەر، از ۇلتتار پارتيا مۇشەلەرىنىڭ سالىستىرماسى جەكە - جەكە 13.2، 5.6، 0.7 پايىز جوعارىلادى. جۇمىسشىلار مەن شارۋالار ءالى دە پارتيا مۇشەلەرى قوسىنىنىڭ نەگىزگى تۇلعاسى بولىپ، جالپى ساننىڭ %33.6 ىن ۇستايدى.
پارتيا مۇشەلەرىن تاربيەلەۋ، باسقارۋ ۇزدىكسىز كۇشەيتىلدى. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى جەلى ەتىلىپ، پارتيا تاريحىن ۇيرەنۋ تاربيەسىن ورىستەتۋمەن ۇشتاستىرىلىپ، پارتيا مۇشەلەرىن تاربيەلەۋ قىزمەت جۇيەسى اقاۋسىزداندىرىلىپ، پارتيا ساباعىن ءوتۋ جانە ۇيرەنۋ ۇلگىسى قيمىلى ىشكەرىلەي ورىستەتىلىپ، پارتيا مۇشەلەرىن تاربيەلەۋ، باۋلۋ سەرپىنى ارتتىرىلدى، ءار دارەجەلى ورىندار ءبىر ميلليون 773 مىڭ كەزەك كۋرس اشتى، اۋدان دارەجەلىدەن جوعارى پارتكومدار نەگىزگى ساتى پارتيا ۇيىمدارىنىڭ شۋجيلەرىنەن 4 ميلليون 304 مىڭ ادامدى (رەت) شوعىرلى تۇردە كەزەكپەن تاربيەلەدى، تاربيەلەۋ ساپاسى ۇزدىكسىز جوعارىلادى. پارتيانىڭ ۇيىمدىق تۇرمىسى اناعۇرلىم قاتاڭ ارناعا ءتۇسىرىلىپ، 4 ميلليون 248 مىڭ پارتيا ياچەيكاسى ارناۋلى ۇيىمدىق تۇرمىس جيىنىن اشىپ، پارتيا مۇشەلەرىن دەموكراتيالىق باعالاۋ قىزمەتىن ورىستەتتى.
نەگىزگى ساتى پارتيا ۇيىمدارى ۇزدىكسىز نىعايدى، بەكەمدەلدى. بۇكىل ەل بويىنشا 278 مىڭ نەگىزگى ساتى پارتكومى، 316 مىڭ باس ياچەيكا، 4 ميلليون 342 مىڭ ياچەيكا قۇرىلىپ، ۇيىمدىق ورنالاسۋى اناعۇرلىم عىلمي ارناعا ءتۇسىرىلدى. تۇتاس جىلدا ءبىر ميلليون 782 مىڭ نەگىزگى ساتى پارتيا ۇيىمى كەزەك اۋىستىرىپ، اۋىل - قىستاق، الەۋمەتتىك اۋماق نەگىزگى ساتى پارتيا ۇيىمدارىنىڭ جەتەكشى قوسىنى اناعۇرلىم ساپالىلاندى. قىستاق، الەۋمەتتىك اۋماق پارتيا ۇيىمدارىنىڭ شۋجيلەرى اراسىندا جوعارى تەحنيكۋم جانە ودان جوعارى ماعلۇماتقا يە بولعاندار جەكە - جەكە %40.8 تى، %77.7 تى ۇستاپ، الدىنداعى جىلداعىدان 14.3 پايىز، 10.3 پايىز جوعارىلادى؛ 35 جاستاعىلار جانە ونان تومەنگىلەر جەكە - جەكە %12.5 تى، %18.2 تى ۇستاپ، الدىنداعى جىلداعىدان 4.5 پايىز، 5.0 پايىز جوعارىلادى. پارتيا ورتالىق كوميتەتىنىڭ نەگىزگى ساتىنى جاپپاي يگەرۋ ايقىن بەتالىسىنىڭ جەتەكشىلىگىندە، ءار سالاداعى نەگىزگى ساتى پارتيا ۇيىمدارى قۇرىلىسى ىشكەرىلەي ىلگەرىلەپ، نەگىزگى ساتى پارتيا ۇيىمدارى جاپپاي العا باسىپ، جاپپاي شىڭدالىپ، ساياسي يقۋاتى مەن ۇيىمدىق قۋاتى اناعۇرلىم كۇشەيىپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولى مەن كوممۋنيستەردىڭ اۆانگارد ۇلگىلىك رولى تولىق ايگىلەندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
