”ازاتتىق ارميا قىزىما تاماشا ءومىر سيلادى“
□ انار بۇلت \ شينجياڭ گازەتىنىڭ ءتىلشىسى ياڭ شۋحان، ەرىكتى ءتىلشى جىڭ جيا - ي
2022.07.14 15:46 كەلۋ قاينارى : شينجياڭ گازەتى
5 - ايدىڭ 18 - كۇنى كەشتە، 12 جاستاعى شياۋدي (جاناما اتى) ناركوزدەن ويانىپ، كوزىن اقىرىن اشقاندا، مەيىرگە، قامقورلىققا تولى قوس جاناردى كوردى. ”بالام، بۇدان كەيىن جۇرە الاتىن بولدىڭ“! - دەدى قۇرلىق ارميا اسكەري مەديتسينا داشۋەسىنە قاراستى 2 - شيپاحاناسى ومىرتقا سىرتقى اۋرۋلار ءبولىمىنىڭ مەڭگەرۋشىسى حۋاڭ بو.
بۇل حاباردى ەستىگەن شياۋديدىڭ جۇزىنە كۇلكى ءۇيىرىلدى. ول اۋرۋ توسەگىنىڭ قاسىندا شەشەسىنىڭ اۋزىن باسىپ، باقىت جاسىن كولدەتىپ تۇرعاندىعىن كوردى. شياۋدي قاعىلىق اۋدانى شاقاپ اۋىلىنان كەلگەن، 12 جىلدان بەرى ومىرتقاسى جاقسى جەتىلمەگەندىكتەن، دەنەسى قالىپسىز بولىپ قالعان ول اۋرۋ ازابىن ابدەن تارتىپ كەلگەن ەدى. شەشەسى ونى تالاي شيپاحاناعا ەرتىپ اپارىپ، 2 رەت تۇزەتۋ وپەراتسياسىن جاساتسا دا ءونىمى تىم ماردىمسىز بولعان ەدى.
شياۋدي ۇيرەنۋدە شوگەل، قاجىرلى، كلاستىڭ ۇيرەنۋ القاسى، ناتيجەسى باستان - اياق اعالاپ الدا جۇرگەن وقۋشى ەدى. ءبىراق دەنەسىندەگى كەمىستىك ونى باسقالارعا ءتۇزۋ قاراۋعا باتىنا المايتىن، سويلەۋدەن دە جاسقاناتىن كۇيگە تۇسىرەدى.
موماقان بولعانىمەن، ءوزىن وزگەدەن قور سانايتىن قىزىن كورگەن شياۋديدىڭ شەشەسى ”قىزىم ۇلكەيگەندە قايتەر ەكەن؟“ دەپ مۇڭعا باتاتىن.
تاعدىر قاشاندا قۇلشىنا ورگە ۇمتىلاتىندارعا قامقورشى بولادى.
بيىل 4 - ايدا قۇرلىق ارميا اسكەري مەديتسينا داشۋەسىنىڭ ماماندار گرۋپپاسى قۇرلىق ارميا 950 - شيپاحاناسىنا كەلىپ، تەحنيكالىق جاقتان كومەكتەسۋ - سۇيەمەلدەۋ قيمىلىن ورىستەتەدى. شياۋديدىڭ جاعدايىن بىلگەن ماماندار گرۋپپاسى وعان باسا ءمان بەرەدى، شياۋديدى جالپى بەتتىك تەكسەرگەننەن كەيىن، حۋاڭ بو ىشتەي سەنىمگە يە بولادى، ول بالانىڭ شەشەسىنە: ”بىزگە سەنىڭىز، شياۋدي قالىپتى بالالارمەن ۇقساس بولىپ كەتە الادى“، - دەيدى.
شيپاگەردىڭ شىن كوڭىلدەن بەرگەن ”ۋادەسىن“ ەستىپ كوڭىلى كولدەي تولقىعان شياۋديدىڭ شەشەسى تالاي جىلدان بەرگى جۇرەگىندەگى اۋىر جۇكتەن ارىلعانداي بولدى.
حۋاڭ بونىڭ تانىستىرۋىنا قاراعاندا، ومىرتقانىڭ ءبىر جاعىنا قيسايۋى جۇرەك - وكپە قىزمەتىنە اۋىر ىقپال جاسايدى، ءتىپتى، جۇلىندى زاقىمداپ، سالداندىرادى ەكەن. ”وپەراتسيا وتە قيىن، بەلگىلى حاۋىپ - قاتەرى دە بار بولعانىمەن، شياۋدي ءۇشىن بار كۇشىمىزدى سالامىز“، - دەدى حۋاڭ بو.
شياۋديدىڭ قانى AB تيپتەگى قان ەدى، وپەراتسيا بارىسىندا وعان قان قاجەت ەكەندىگىن ەسكەرىپ، وپەراتسيا ۋاقىتىن تۇراقتاندىرۋدان بۇرىن، قۇرلىق ارميا 950 - شيپاحاناسى بۇكىل شيپاحانانىڭ ەمدەۋ قىزمەتكەرلەرىن وزدىگىنەن قان بەرۋگە جۇمىلدىرادى. حۋاڭ بو چۇڭچيڭنەن ارناۋلى ەمدەۋ اسپاپتارىن اكەلەدى. شيپاحانا بويىنشا وپەراتسيادان بۇرىنعى تالقى جيىنى بىرنەشە رەت اشىلدى، كوپشىلىك شياۋديدىڭ اۋرۋ جاعدايىن جانە ەمدەۋ جوباسىنىڭ جاي - جاپسارىن تالقىلاپ، وپەراتسيا جوباسىن ەگجەي - تەگجەيلى جاسادى.
وپەراتسيا ۋاقىتى اقىرىندا 5 - ايدىڭ 18 - كۇنى بولىپ بەلگىلەنەدى.
5 - ايدىڭ 18 - كۇنى ساعات 11دەن 30 مينۋت وتكەندە، شەشەسى مەن ەمدەۋ قىزمەتكەرلەرىنىڭ ىستىق ىقىلاسىندا شياۋدي وپەراتسيا بولمەسىنە باياۋ ەنگىزىلدى. ”وپەراتسيا ىستەلۋدە“ دەگەن كورسەتكىش شىراعى 8 ساعات جانىپ تۇردى. وسى ارالىقتا سەسترالار پۋنكتىندە تەلەفون ارت - ارتىنان سوعىلىپ، تۇرلىشە بولىمدەردەگى ەمدەۋ - كۇتىمدەۋ قىزمەتكەرلەرى تەلەفون سوعىپ، وپەراتسيانىڭ اياق الىسىن ۇعىستى. قان مولشەرىنىڭ دەر كەزىندە تولىقتانۋىنا كەپىلدىك ەتۋ ءۇشىن، كوپتەگەن AB قان تيبىندەگى ەمدەۋ قىزمەتكەرلەرى شيپاحانادان شىقپاي، كەز كەلگەن ۋاقىتتا قان بەرۋگە دايىن تۇردى.
ۋاقىت مينۋتتاپ، سەكۋندتاپ ءوتىپ جاتتى. كەشكى شاپاق ساۋلەسى اينەك تەرەزەدەن ءوتىپ جۇرتشىلىقتىڭ جۇزىنە تۇسكەن ساتتە، وپەراتسيا كورسەتكىش شىراعى ءسوندى. سارىلا كۇتكەن ەمدەۋ - كۇتىمدەۋ قىزمەتكەرلەرى مەن ونىڭ وتباسىنداعىلار دەرەۋ ەسىككە بەتتەپ قاۋمالاي تۇردى. ەسىك باياۋ اشىلدى، شياۋدي وپەراتسيا توسەگىندە جاتىر، ناركوز قايتپاعاندىقتان ول ءالى شىرت ۇيقىدا جاتقان ەدى. شيپاگەرلەر قالجىراعاندىق تانىتقانمەن، جۇزدەرىنەن قۋانىش لەبى ەسەدى. حۋاڭ بونىڭ ”وپەراتسيا وتە ءساتتى بولدى!“ دەگەن ءسوزىن ەستىگەن ساتتە، شەشەسى تەرەڭ تىنىستاپ، كوز جاسىن كولدەتە جونەلدى.
”قىزىمنىڭ وپەراتسياسى وتە ءساتتى بولدى...“ شياۋديدىڭ شەشەسى بۇل قۋانىشتى حاباردى ەڭ الدىمەن شيپاحانا سىرتىندا دەگبىرسىزدەنە كۇتىپ تۇرعان كۇيەۋىنە تەلەفون ارقىلى جەتكىزدى. بىرنەشە سەكۋند ۇنسىزدىكتەن كەيىن قارسى جاقتىڭ تەلەفونىنان: ”دەرەۋ حالىق ازاتتىق ارمياسىنىڭ شيپاگەرلەرىنە مەنىڭ العىسىمدى جەتكىز، ولار قىزىمىزعا تاماشا ءومىر سيلادى، ازاتتىق ارميا بۇكىل وتباسىمىزداعىلاردىڭ قامقورشىسى“ دەگەن قىستىعا شىققان داۋىس ەستىلدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
