بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ ىلەدە جاڭا تيپتى ەسىرتكىنى ساۋدالاۋعا قاتىستى دەلو ءبىتىرىلدى

ءۇش ايىپكەر تۇگەلدەي 15 جىلدىق مەرزىمدى قاماق جازاسىنا ۇكىم ەتىلدى ءارى ولاردىڭ بارلىق مال – مۇلىكتەرى ءمۇسادىرالاندى

2022.07.14 15:59     كەلۋ قاينارى : حالىق تورابى

  حالىق سوتى گازەتىنىڭ ءتىلشىسى ۋاڭ شۋلين حابارلايدى. جۋىردا، شينجياڭ ۇيعۇر اۆتونوميالى رايوندىق جوعارى دارەجەلى حالىق سوتى ىلە قازاق اۆتونوميالى وبلىستىق بولىمشە سوتى ءبىر رەتكى ەسىرتكى ساۋدالاۋ دەلوسىن ءبىتىرىپ، ءبىرىنشى سوتتاعى ۇكىمدى ساقتادى: ەسىرتكى ساۋدالاۋ قىلمىسى بويىنشا ايىپكەر ا X لي قاتارلى ءۇش ادامدى 15 جىلدىق مەرزىمدى قاماق جازاسىنا ۇكىم ەتتى ءارى ولاردىڭ جەكەلىك مال – مۇلكىن تۇگەلدەي ءمۇسادىرالادى.

  2021 – جىلى 8 – ايدىڭ 11 – كۇنى، شينجياڭ تەكەس اۋدانىنداعى ەسىرتكى تۇتىنۋشى سۋ X ايىپكەر ا X ليمەن تەلەفون ارقىلى سويلەسىپ، «شاش» پەن «گۇل» (جاڭا تيپتى ەسىرتكىنىڭ اتى) ساتىپ الۋ ويى بارىن ايتادى. وسىدان سوڭ، ا X لي ايىپكەر ا X ىرمەن حابارلاسادى. ا X ىر 300 گرام «شاشتى» الىپ، ا X ليدىڭ وتباسىنا بارىپ، ا X ليدىڭ ۇيىنە ساقتاپ قويعان 400 گرامداي ەسىرتكى زاتىمەن قوسىپ مانەرلەۋ ارقىلى ەسىرتكى جاسايدى. سول كۇنى تۇستەن كەيىن، ا X لي سۋ X كە زاتتى دايىنداپ بولعانىن ايتادى. سۋ X اۆتوموبيلمەن بەلگىلى شاعىن اۋماققا بارىپ، ا X مەن بەتپە – بەت ساۋدالاسادى. سۋ X زاتتى العان سوڭ، تاعى دا كوپ مولشەردە ەسىرتكى الۋ ويى بار ەكەنىن ايتادى ءارى سول جەردە 1000 يۋاندى الدىن الا تاپسىرىپ، ساتىپ العان ەسىرتكىنى ۋاقىتشا ا X ليدىڭ ۇيىندە ساقتاپ قويادى. ا X لي تەلەفوندا تاعى ءبىر ايىپكەر گۋ X نامەن حابارلاسىپ، تەكەس اۋدانىندا «شاش» پەن «گۇلدى» ساتىپ الاتىن ادام بار ەكەنىن ايتىپ، وعان زات قاينارىن ىزدەۋدى تاپسىرادى.

  وسىدان سوڭ، ا X لي سۋ X تەن اقشا تولەۋدى تالاپ ەتەدى. سۋ X ۋيچات ارقىلى ا X ليگە 4000 يۋان جوتكەپ بەرەدى، ا X لي 4000 يۋاندى ۋيچات ارقىلى گۋ X ناعا جوتكەپ بەرەدى. كەلەسى كۇنى تۇستەن كەيىن، گۋ X نا «شاش» پەن «گۇلدى» الىپ ا X ليدىڭ ۇيىنە بارادى، ا X لي سۋ X كە تەلەفون بەرىپ، ونى ۇيىنە كەلىپ زاتتى الۋعا شاقىرادى. ولار زاتتى تاپسىرىپ بەرىپ، ساۋدالاسىپ جاتقاندا ساقشى ولاردى قولعا ءتۇسىرىپ، سول جەردە «شاش» پەن «گۇلدەن» 4 قورابىن قولعا تۇسىرەدى. بۇل دەلودا ايىپكەر ا X لي مەن ايىپكەر ا X ىر ەكەۋى بىرگە ءبىر رەت ەسىرتكى ساۋدالاعان، ەسىرتكىنىڭ سالماعى 389.66 گرام؛ ا X لي مەن ايىپكەر گۋ X نا ەكەۋى بىرگە ءبىر رەت ەسىرتكى ساۋدالاعان، ەسىرتكىنىڭ سالماعى 577.42 گرام، ا X لي ەكى رەتتە جيىنى 967.08 گرام ەسىرتكى ساۋدالاعان.

  تەكەس اۋداندىق حالىق سوتى تەرگەۋ جۇرگىزگەن سوڭ بىلاي دەپ قاراعان: ا X لي قاتارلى ءۇش ادامنىڭ مەملەكەت زاڭىن كاپەرىنە الماي، زاڭسىز تۇردە پايداعا كەنەلۋ ماقساتىمەن، ەسىرتكى ەكەنىن بىلە تۇرا باسقالارعا ونى ساۋدالاعان ارەكەتى ەسىرتكى ساۋدالاۋ قىلمىسىن قالىپتاستىرعان. تەرگەۋ بارىسىندا انىقتاعان فاكتتەرگە ساي، ايىپكەر ا X لي قاتارلى ءۇش ادامدى 15 جىلدىق مەرزىمدى قاماق جازاسىنا ۇكىم ەتۋ ءارى ولاردىڭ بارلىق مال – مۇلكىن ءمۇسادىرالاۋ كەرەك.

  ۇكىم جاريالانعان سوڭ، ءۇش ايىپكەر جوعارىلاپ ارىزدانعان. ىلە وبلىستىق بولىمشە سوت مەكەمەسى ەكىنشى رەت سوت اشىپ، ءبىرىنشى سوتتىڭ ۇكىمىن وزگەرتپەي ساقتاعان.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

سۋرەتتە: قىزىل ءتۇستى قۋعىنداۋ بۇيرىعى شىعارىلعان، شەتەلدە قاشىپ جۇرگەن قىزمەتتىك قىلمىس كۇماندىسى لۋ گۋاڭيۋان ەلگە قايتىپ ورالىپ، ءوزىن ءوزى مالىمدەدى.