ساق بولايىق! ۋحاننان تاعى تورتەۋى انىقتالدى!
2022.07.15 15:23 كەلۋ قاينارى : حالىق تورابى
جۇڭگو اقپارات تورابىنىڭ 7 – ايدىڭ 15 – كۇنى ۋحاننان بەرگەن حابارى. ۋحان قالاسى حۇڭشان رايوندىق اۋرۋدىڭ الدىن الۋ – تىزگىندەۋ ورتالىعىنىڭ 7 – ايدىڭ 14 – كۇنى كەشتە جاريالاعان حابارلاندىرۋىنا قاراعاندا، جۋىردا، ولكەلىك، قالالىق دەنساۋلىق ساقتاۋ – سالاماتتىق تاراۋلارىنىڭ تالابىنا ساي، اتالعان رايون جاز مەزگىلىندەگى ىشەك جولى جۇقپالى اۋرۋلارىنا كۇندەلىكتى باقىلاۋ جۇرگىزۋ قىزمەتىن جاپپاي ورىستەتكەن. 7 – ايدىڭ 13 – كۇنى، بايشاجوۋ بازارىنداعى سۋ ونىمدەرىنە تەكسەرۋ جۇرگىزگەندە، 4 تاسباقادان الىنعان ۇلگىدە حولەرا دوعاشا باكتەرياسى بولىمدى بولعان (O139 توپ). حۇڭشان رايونى شۇعىل جاعدايعا توتەپ بەرۋ شارالارىن دەرەۋ ىسكە قوسىپ، ەپيدەميولوگيالىق تەكسەرۋ، اداقتاپ باسقارۋ – تەجەۋگە الۋ، قورشاعان ورتادان ۇلگى الۋ، جالپى بەتتىك ديزەنفەكسيالاۋ قاتارلى ءبىرجاقتى ەتۋ قىزمەتتەرىن ورىستەتكەن.
ۇقتىرۋعا قاراعاندا، قازىر بۇل ىسكە قاتىستى دۇكەننىڭ جۇمىسى 3 كۇن توقتاتىلعان، قاتىستى ونىمدەر زالالسىز ءبىرجاقتى ەتىلگەن، بۇل ونىمدەرمەن جۋىسقانداردان ۇلگى الىپ تەكسەرۋ ناتيجەسى تۇگەلدەي بولىمسىز بولعان. ادامداردىڭ دەنساۋلىعىن باقىلاۋ جانە قورشاعان ورتانى تەكسەرۋ ناتيجەسىندە ەشقانداي وزگەشە جاعداي بايقالماعان، بازار الاڭى جاپپاي ديزەنفەكسيالانعان، سىرت جەرلەرگە ساياتىن وسى توپتاعى ونىمدەرگە بايلانىستى ونىمدەر جىبەرىلگەن جەرلەرمەن حابارلاسۋ ارقىلى وكشەلەي ءبىرجاقتى ەتۋ شاراسى قولدانىلعان. وسى رەت انىقتالعان حولەرا دوعاشا باكتەرياسى ادامعا جۇقپاعان. ولكەلىك اۋرۋدى تىزگىندەۋ ورتالىعىنىڭ تاجىريبەحاناسىنىڭ تەكسەرۋىنە قاراعاندا، جۋىردا ۋحان داشۋەسىنىڭ جاتاعىنان بايقالعان ناۋقاسپەن بايلانىسى جوق ەكەن.
حابارلاندىرۋدا مىناداي ەسكەرتۋ جاسالعان: حولەرا — حولەرا دوعاشا باكتەرياسىنان تۋىندايتىن ىشەك جولىندىق شۇعىل جۇقپالى اۋرۋ، ساقتانۋعا جانە ەمدەۋگە بولادى. جۋىرداعى جىلداردان بەرى، ەلىمىزدە ءار جىلى حولەرا اۋرۋىنا شالدىققاندار جايلى بىرەن – ساران مالىمەت بەرىلەدى، بارلىعى دا كەڭ تارالماعان. حولەرا دوعاشا باكتەرياسى ىستىققا، قۇرعاققا، كۇن نۇرىنا جانە جاي ديزەنفەكسيالىق دارىلەرگە سەزىمتال كەلەدى، قۇرعاق جەردە 2 ساعاتتا نەمەسە ℃55 تەمپەراتۋرادا 10 مينۋتتا جويىلادى، قايناعان سۋدا دەرەۋ ولەدى. جاز مەزگىلى ىشەك جولى اۋرۋلارى ءجيى تۋىلاتىن مەزگىل، حۇڭشان رايونى قازىر وتانشىلدىق دەنساۋلىق ساقتاۋ ءجۇز كۇندىك ارەكەتىنىڭ دارەجەسىن جوعارىلاتۋ قيمىلىن ورىستەتۋدە، كوپشىلىكتىڭ ازىقتانۋعا، تازالىققا ءمان بەرۋىن ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
