مىناداي قاسىقتى الىپ – ساتۋ زاڭعا قايشى
2022.07.18 18:03 كەلۋ قاينارى : حالىق تورابى
جۋىردا گۋاڭشي جۋاڭزۋ اۆتونوميالى رايونى چۇڭزو قالاسى پينشياڭ قالاسى يوۋيگۋان كەدەنى ۇلۋ قابىرشاعى فورماسىنداعى قاسىقتاردى، ۇلۋ قابىرشاعى فورماسىنداعى قولونەر بۇيىمدارىن تەكسەرىپ قولعا تۇسىرگەن.
ساراپتاۋعا قاراعاندا، بۇل قولونەر بۇيىمدارىنىڭ بارلىعى مەملەكەتتىك 2 – دارەجەلى قورعالاتىن حايۋانات — جارقىراۋىق ۇلۋ مەن تۇقىمى قۇرۋعا اينالعان حايۋانات — تريداتسينانىڭ قابىرشاعىن مانەرلەۋ ارقىلى جاسالعان ەكەن، يوۋيگۋان كەدەنىنىڭ تانىستىرۋىنشا، بۇل توپتاعى قاسىقتار مەن قولونەر بۇيىمدارى يمپورت ەتۋگە ءوتىنىش بەرگەن اعاش قولونەر بۇيىمداردىڭ اراسىنا جاسىرىلعان. كەدەندەگى تەكسەرۋشى قىزمەتكەرلەر ساندىقتى اشىپ تەكسەرگەن كەزدە قولعا تۇسىرگەن. قازىر بۇل زاتتاردى اتكەزشىلىكتى تيۋ تاراۋلارىنىڭ جالعاستى ءبىرجاقتى ەتۋىنە وتكىزىپ بەرگەن.
ساراپتاۋعا قاراعاندا، بۇل توپتاعى زاتتاردىڭ اراسىنان تابىلعان ۇلۋ ءپىشىندى قولونەر بۇيىمدارى جارقىراۋىق ۇلۋدىڭ قابىرشاعىن مانەرلەۋ ارقىلى جاسالعان، ۇلۋ ءپىشىندى قاسىق پەن قاسىقتىڭ باسقى ءبولىمىن تريداتسينانىڭ قابىرشاعىن مانەرلەۋ ارقىلى جاساعان، قاسىقتىڭ سابىن جارقىراۋىق ۇلۋدىڭ قابىرشاعىن مانەرلەۋ ارقىلى جاساعان.
جارقىراۋىق ۇلۋ — مەملەكەتتىك 2 – دارەجەلى قورعالاتىن حايۋانات. تريداتسينا «تۇقىمى قۇرۋعا اينالعان جابايى حايۋاناتتار مەن وسىمدىكتەرگە قاتىستى حالىقارالىق ساۋدا شارتىندا» انىق جازىلعان قورعالاتىن تۇرگە جاتادى.
كەدەن مەكەمەسى مىناداي ەسكەرتۋ جاسادى:
«جابايى حايۋاناتتاردى قورعاۋ زاڭى» مەن «تۇقىمى قۇرۋعا اينالعان جابايى حايۋاناتتاردى، وسىمدىكتەردى يمپورت – ەكسپورت ەتۋدى باسقارۋ ەرەجەسىندەگى» بەلگىلەمەلەرگە ساي، مەملەكەتتىڭ تۇقىمى قۇرۋعا اينالعان تۇرلەردى باسقارۋ تاراۋلارى يمپورت – ەكسپورت ەتۋ رۇقساتناماسىن بەرمەگەن جاعدايدا، تۇقىمى قۇرۋعا اينالعان حايۋاناتتار مەن وسىمدىكتەردى ساۋدالاۋعا، الىپ جۇرۋگە، پوچتا ارقىلى جولداۋعا جانە ولاردان جاسالعان بۇيىمداردى شەكارادان ەنگىزۋگە نەمەسە شىعارۋعا تيىم سالىنادى.
تۇقىمى قۇرۋعا اينالعان جابايى حايۋاناتتار مەن وسىمدىكتەردى جانە ولاردان جاسالعان ونىمدەردى زاڭسىز تۇردە يمپورت - ەكسپورت ەتكەندەردى نەمەسە باسقا تاسىلدەرمەن اتكەزشىلىك ەتكەندەردى كەدەن مەكەمەسى قاتىستى زاڭ – تۇزىمدەرگە ساي جازالايدى، قاتەلىگى اۋىر بولىپ، قىلمىس قالىپتاستىرعان بولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved