سۋرەتتە: «پاكتەندىرۋ . 2022 جازدىق كانيكۋلداعى ازامات جاسىنا تولماعان بالالارعا ساياتىن ينتەرنەتتىك ورتانى جونگە سالۋ» ارناۋلى ارەكەتىن باستاۋ سالتى (7 – ايدىڭ 18 – كۇنى تۇسىرىلگەن سۋرەت) شينحۋا اگەنتتىگىنىڭ ءتىلشىسى لي شين فوتوسى
شينحۋا اگەنتتىگىنىڭ ءتىلشىسى ۋاڭ سىبەي 7 – ايدىڭ 18 – كۇنى بەيجيڭنەن حابارلايدى. «پاكتەندىرۋ . 2022 جازدىق كانيكۋلدا ازامات جاسىنا تولماعاندارعا ساياتىن ينتەرنەتتىك ورتانى جونگە سالۋ» ارناۋلى ارەكەتىن باستاۋ سالتى 7 – ايدىڭ 18 – كۇنى بەيجيڭدە وتكىزىلدى. ءتىلشىنىڭ باستالۋ سالتىنان ۇعىسۋىنشا، ارناۋلى ارەكەت 2 اي ۋاقىت بويىنشا وتكىزىلەدى، ازامات جاسىنا تولماعاندار ءجيى پايدالاناتىن كەسكىن، تىكە تاراتىلىم، قوعامدىق قارىم – قاتىناس، ۇيرەنۋ تۇرىندەگى APP، ينتەرنەتتىك ويىن، ەلەكتروندى ساۋدا، بالالارعا ارنالعان زەردەلى قۇرىلعىلار قاتارلى تەكشەلەرگە نازاردى شوعىرلاندىرا وتىرىپ، حالىق بۇقاراسىنىڭ اڭىسى ءبىرشاما كۇشتى بولعان، ازامات جاسىنا تولماعاندارعا قاتىستى ماسەلەلەر مەن بىلىققان جاعدايلاردى شوعىرلى تۇردە شەشىم ەتەدى.
«پاكتەندىرۋ . 2022 جازدىق كانيكۋلدا ازامات جاسىنا تولماعاندارعا ساياتىن ينتەرنەتتىك ورتانى جونگە سالۋ» ارناۋلى ارەكەتىنىڭ باستالۋ سالتىن ورتالىق ينتەرنەت ينفورماتسياسى كەڭسەسى، مەملەكەتتىك كەڭەستىڭ ازامات جاسىنا تولماعانداردى قورعاۋ قىزمەتىنە جەتەكشىلىك ەتۋ گرۋپپاسىنىڭ كەڭسەسى، وقۋ – اعارتۋ مينيسترلىگى، كوممۋنيستىك جاستار وداعى ورتالىق كوميتەتى، مەملەكەتتىك ايەلدەر بىرلەستىگى بىرگە وتكىزگەن.
ءتىلشىنىڭ ۇعىسۋىنشا، بۇل رەتكى ارناۋلى ارەكەتتە ازامات جاسىنا تولماعانداردىڭ جەكەلىك قۇپيالىعىنا قول سۇعۋ ماسەلەسىن قاتاڭ باسقارۋ – تىزگىندەۋ، ازامات جاسىنا تولماعانداردى تىكە تاراتىلىمدا ساۋعا سيلاۋعا قاتىناسۋعا شىرعالاعانداردى قاتاڭ تەكسەرىپ ءبىرجاقتى ەتۋ، ازامات جاسىنا تولماعاندارعا ينتەرنەتتىك تىركەلگىنى مايعا بەرۋ، ساتىپ بەرۋ جاعىندا قىزمەت وتەۋ ينفورماتسيالارىن تەكسەرىپ ءبىرجاقتى ەتۋ قاتارلى 10 ءتۇرلى جاقتان ءتۇيىندى تۇردە جونگە سالۋ ورىستەتىلەدى.
مۇندا، ازامات جاسىنا تولماعانداردىڭ جەكەلىك قۇپيالىعىنا قول سۇعۋ ماسەلەسىن قاتاڭ باسقارۋ – تىزگىندەۋ جاعىندا، ازامات جاسىنا تولماعانداردىڭ جەكە باسىنا شابۋىلداۋ، قورلاۋ، بالاعاتتاۋ قاتارلى ينتەرنەتتىك جابىرلەۋ ارەكەتتەرىن تەكسەرىپ ءبىرجاقتى ەتىپ، ازامات جاسىنا تولماعانداردى جامان جولعا جەتەلەيتىن بادىك سوزدەر قاتارلى مازمۇنداردى تازالايدى. «ينتەرنەتتە تانىمالى بالالاردان» پايدالانىپ پايدا تابۋ جانە ازامات جاسىنا تولماعاندارعا دورەكى قىلىق، جىنىستىق يشارات بەرەتىن ارەكەت ىستەتۋ ارقىلى كورىلىمدى ارتتىرۋ سىندى ماسەلەلەردى قاتاڭ تەكسەرىپ ءبىرجاقتى ەتىپ، ازامات جاسىنا تولماعانداردى حاۋىپتى ارەكەت ىستەۋگە شىرعالاۋ قاتارلى ارەكەتتەردى جونگە سالادى. سونىمەن بىرگە، ينتەرنەتتىك تەكشەلەردى 16 جاسقا تولماعان بالالاردىڭ ينتەرنەتتىك جۇرگىزۋشى بولۋىنا قىزمەت وتەمەۋگە قۋزاپ، ازامات جاسىنا تولماعانداردى تىكە تاراتىلىمدا ساۋعا بەرۋگە شىرعالاۋ سىندى ماسەلەنى قاتاڭ تەكسەرىپ ءبىرجاقتى ەتەدى.
كەلۋ قاينارى: حالىق تورابى