لي كىچياڭ دۇنيە جۇزىلىك ەكونوميكا تالقى مىنبەسىنىڭ ءتوراعاسى شۆابپەن كەزدەستى
2022.07.20 15:26 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 19 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 7 - ايدىڭ 19 - كۇنى كەشتە حالىق سارايىندا دۇنيە جۇزىلىك ەكونوميكا تالقى مىنبەسىنىڭ ءتوراعاسى شۆابپەن بەينە ەكران ارقىلى كەزدەستى.
لي كىچياڭ مىنانى ءبىلدىردى: جۇڭگونىڭ دۇنيە جۇزىلىك ەكونوميكا تالقى مىنبەسىمەن سەلبەستىگى 40 نەشە جىلدى باسىپ ءوتىپ، جۇڭگونىڭ رەفورما جاساپ، ەسىك اشۋ اياق الىسىمەن قادامداس بولدى. قازىر دۇنيە ءجۇزىنىڭ دامۋى كوپتەگەن تۇراقسىز، ورنىقسىز فاكتورعا ءدوپ كەلىپ وتىر، الايدا دۇنيە ءجۇزىنىڭ بەيبىتشىلىگى مەن دامۋى، ءار ەل اراسىنداعى بارىس - كەلىس پەن اۋىس – كۇيىس − جۇرت تىلەگى، جالپى جاعدايدىڭ بەتالىسى. بۇراڭدىقتار مەن ساتسىزدىكتەر ادامزات وركەنيەتىنىڭ العا باسۋى مەن تاريحتىڭ العا باسۋ قادامىن بوگەي المايدى. حالىقارالىق قوعام سەنىمدى بەكەمدەپ، بەيبىتشىلىك پەن ورنىقتىلىقتى قورعاپ، تىلدەسۋدى، پىكىرلەسۋدى كۇشەيتىپ، سىن - سايىسقا تىزە قوسا توتەپ بەرۋدى قاجەت ەتەدى. جۇڭگو تالقى مىنبەسىنىڭ نازاردى باستان - اياق ەكونوميكانى دامىتۋعا شوعىرلاندىرىپ، جۇڭگومەن سەلبەستىكتى كۇشەيتكەنىن القايدى، ەكى جاقتىڭ سەلبەستىكتى تەرەڭدەتۋى دۇنيە جۇزىنە ەكونوميكانى دامىتۋدىڭ، حالىق تۇرمىسىن جاقسارتۋدىڭ بەلسەندى سيگنالىن تاراتۋعا ءتيىمدى.
لي كىچياڭ بىلاي دەپ اتاپ كورسەتتى: حالىقارالىق جاعداي قالاي قۇبىلسا دا، جۇڭگو سىرتقا ەسىك اشۋ سىندى نەگىزگى مەملەكەت ساياساتىنان اۋىتقىمايدى، ءارقايسى جاقپەن پىكىرلەسۋدى جانە تىلدەسۋدى كۇشەيتىپ، ءوزارا پايدا جەتكىزىپ، تەڭ يگىلىككە كەنەلەتىن سەلبەستىكتى ورىستەتۋگە شارت – جاعداي جاراتۋعا پەيىل.
شۆاب مىنانى ءبىلدىردى: دۇنيە جۇزىلىك ەكونوميكا تالقى مىنبەسى وتكەن 40 نەشە جىلدا جۇڭگومەن تاماشا سەرىكتەستىك قاتىناستى ساقتادى. بۇگىنگى دۇنيە ءجۇزى قات - قابات داعدارىسقا، سىن - سايىسقا ءدوپ كەلىپ وتىر، دۇنيە جۇزىلىك ەكونوميكا تالقى مىنبەسى جۇڭگومەن سەلبەستىكتى تەرەڭدەتىپ، دۇنيە جۇزىلىك تىلدەسۋدى ىلگەرىلەتىپ، ونەركاسىپ - ساۋدا سالاسىنىڭ رولىن تولىق ساۋلەلەندىرىپ، حالىقارالىق جانە وڭىرلىك اۋىس - كۇيىستى، سەلبەستىكتى كۇشەيتىپ، كليمات وزگەرىسىنە توتەپ بەرۋدە، كاسىپ تيبىن وزگەرتۋدى ىلگەرىلەتۋدە، قوعامدىق ادىلدىكتى جەبەۋدە بەلسەندى رول اتقارۋعا پەيىل.
شياۋ جيە، حى ليفىڭ جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
