لي جانشۋ بانگلادەش حالىقتىق پارلامەنتىنىڭ باستىعى شودۋريمەن كەڭەس وتكىزدى
2022.07.20 15:27 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 19 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 7 - ايدىڭ 19 - كۇنى بەيجيڭدەگى حالىق سارايىندا بەينە ەكران تاسىلىمەن بانگلادەش حالىقتىق پارلامەنتىنىڭ باستىعى شودۋريمەن كەڭەس وتكىزدى.
لي جانشۋ بىلاي دەدى: جۇڭگو مەن بانگلادەش − ءداستۇرلى دوس كورشى ەلدەر. ءتوراعا شي جينپيڭ مەن بانگلادەش باسشىسىنىڭ ستراتەگيالىق جەتەكشىلىگىندە ەكى ەل قاتىناسى جەدەل دامۋدىڭ جاڭا كەزەڭىنە ءوتتى، ساياسي ءوزارا سەنىمدىلىك ۇزدىكسىز تەرەڭدەپ، ەكونوميكا - ساۋدا بارىس - كەلىسى ورنىقتى ىلگەرىلەپ، ىندەتكە قارسى اتتانۋ سەلبەستىگىنىڭ تابىسى مول بولىپ، ەكى ەل حالىقتارىنا شىن مانىندە ىرىس – قۇت الا كەلدى. جۇڭگو بانگلادەشپەن قول ۇستاسا قۇلشىنىپ، ەكى ەل باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرىپ، ەكى جاقتى قاتىناستىڭ اناعۇرلىم زور دامۋعا قول جەتكىزۋىن ىلگەرىلەتۋگە پەيىل.
لي جانشۋ بىلاي دەپ اتاپ كورسەتتى: جۇڭگو بانگلادەشپەن ستراتەگيالىق سەلبەستىك سەرىكتەستىك قاتىناسىن دامىتۋعا ايرىقشا ءمان بەرەدى. جۇڭگو بانگلادەشتىڭ تايۋان، شينجياڭعا ساياتىن ىستەر، شيزاڭعا ساياتىن ىستەر، ادامدىق ۇقىق سياقتى ماسەلەلەردە جۇڭگوعا قاستەرلى قولداۋ كورسەتكەنىن القايدى، بانگلادەشتىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن قاراستىرۋىن بۇرىنعىداي قولدايدى. ەكى جاقتىڭ ساياسي سەنىمدىلىكتى ۇزدىكسىز كۇشەيتىپ، ستراتەگيالىق تىلدەسۋدى ونان ارى جيىلەتىپ، ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىن باتىل قولداپ، ەكى جاقتى قاتىناستىڭ اقاۋسىز، ورنىقتى دامۋىن جەبەۋىن ءۇمىت ەتەمىن. جۇڭگو «ءبىر بەلدەۋ، ءبىر جولدى» بىرگە قۇرۋ جۇلگەسىندە ەكى ەلدىڭ دامۋ ستراتەگياسىن ۇشتاستىرۋدى كۇشەيتىپ، «التىن بانگلادەش» ارمانىن جۇزەگە اسىرۋعا دەم بەرىپ، نەگىزگى قۇرىلىس، ەكونوميكا - ساۋدا، تازا ەنەرگيا، جاسىل عىلىم - تەحنيكا سياقتى سالالارداعى سەلبەستىكتى ىلگەرىلەتىپ، وقۋ - اعارتۋ، مادەنيەت، جاستار، دەنەتاربيە سياقتى سالالارداعى اۋىس - كۇيىستى كۇشەيتىپ، جۇڭگو مەن بانگلادەشتىڭ دوستىعىن قولدايتىن حالىقتىق كۇشتەردى ۇزدىكسىز زورايتۋعا پەيىل. قازىر حاۋىپسىزدىك پەن دامۋ − ءار ەلدىڭ ورتاق كوڭىل ءبولىپ وتىرعان ماسەلەسى. ءتوراعا شي جينپيڭ العا قويعان دۇنيە جۇزىلىك حاۋىپسىزدىك باستاماسى مەن دۇنيە جۇزىلىك دامۋ باستاماسى − جۇڭگو جاقتىڭ دۇنيە جۇزىلىك سىن - سايىسقا توتەپ بەرۋ ءۇشىن قامداعان ماڭىزدى حالىقارالىق الەۋمەتتىك ءونىمى، بانگلادەشتىڭ بەلسەنە ات سالىسۋىن، دۇنيە ءجۇزىنىڭ بەيبىتشىلىگى مەن گۇلدەنۋىن بىرگە جەبەۋىن قارسى الامىز.
لي جانشۋ مىنانى ءبىلدىردى: ەكى ەلدىڭ زاڭ شىعارۋ قۇرىلىمدارى ۇزاق ۋاقىت دوستىق بارىس - كەلىستى ساقتادى، بۇل − جۇڭگو - بانگلادەش قاتىناسىنىڭ ماڭىزدى قۇرامداس بولىگى. جۇڭگو مەملەكەتتىك حالىق قۇرىلتايى بانگلادەش حالىقتىق پارلامەنتىمەن ءار دارەجەلى، ءار سالاداعى اۋىس - كۇيىستى تەرەڭدەتىپ، زاڭ شىعارۋ جانە باقىلاۋ قىزمەتىندەگى ءوزارا ۇيرەنۋدى، ءوزارا ۇلگى الۋدى كەڭەيتىپ، قاتىستى زاڭ - ەرەجەلەردى دەر كەزىندە شىعارىپ، وعان وزگەرىس ەنگىزىپ جانە ونى تياناقتاندىرۋدى ىلگەرىلەتىپ، ەكى جاقتىڭ ءار سالاداعى ناقتى سەلبەستىگىن زاڭمەن جونگە سالۋ جاعىنان قامتاماسىز ەتۋگە جانە ساياساتتىق جاقتان قولداۋعا پەيىل. ءار ەل پارلامەنتتەر وداعى، ازيا پارلامەنتتەر جينالىسى سياقتى كوپ جاقتى ورىندارداعى سەلبەستىكتى ۇزدىكسىز كۇشەيتىپ، ەكى ەلدىڭ جانە وركەندەپ كەلە جاتقان ەلدەردىڭ ورتاق مۇددەسىن قورعاۋ كەرەك.
شودۋري بىلاي دەدى: ءتوراعا شي جينپيڭنىڭ 2016 - جىلى بانگلادەشتە مەملەكەتتىك ساپاردا بولۋى ەكى ەل قاتىناسىنىڭ دامۋىنداعى بەلەسكە اينالدى. بانگلادەش جۇڭگونىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىن باتىل قولدايدى. بەيبىت قاتار تۇرۋدىڭ بەس پرينسيبى نەگىزىندە بانگلادەش پەن جۇڭگونىڭ ستراتەگيالىق سەلبەستىك سەرىكتەستىك قاتىناسى ۇزدىكسىز تىڭ دامۋعا قول جەتكىزدى. بانگلادەش حالىقتىق پارلامەنتى جۇڭگو مەملەكەتتىك حالىق قۇرىلتايىمەن بىرگە ەكى ەلدىڭ ءار سالاداعى سەلبەستىگىن جەبەۋ، ىنتىماقتاسا وتىرىپ ىندەتكە قارسى اتتانۋدى كۇشەيتۋ، گۋمانيتارلىق اۋىس - كۇيىستى كەڭەيتۋ، حالىقتار دوستىعىن كۇشەيتۋ جاقتارىنان ۇلەس قوسۋعا پەيىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
