ەلىمىزدىڭ جوعارى قارقىندىق تاس جول تورابى حالىق سانىنىڭ شامامەن %95 ىن شارپىدى (جاڭا ساندى مالىمەت، جاڭا ءتۇيىن)
2022.07.26 16:35 كەلۋ قاينارى : حالىق تورابى
«حالىق گازەتى»، 7 - ايدىڭ 25 - كۇنى، بەيجيڭ (ءتىلشى ليۋ جىچياڭ). 7 - ايدىڭ 25 - كۇنى وتكىزىلگەن قاتىناس – تاسىمال مينيسترلىگىنىڭ ارناۋلى اقپار جاريالاۋ ماجىلىسىنەن ۇعىسۋىمىزشا، قازىر مەملەكەتتىك جوعارى قارقىندىق تاس جولدى نەگىزگى تۇلعا ەتكەن جوعارى قارقىندىق تاس جول تورابى قالا رايونىنداعى حالىق سانى 200 مىڭنان اساتىن قالالار مەن ايماق دارەجەلى اكىمشىلىك ورتالىقتاردىڭ %98.8 ىن شارپىپ، بۇكىل ەلدەگى اۋدان دارەجەلى اكىمشىلىك رايونداردىڭ شامامەن %88 ىن جانە شامامەن %95 حالىق سانىن تۇتاستىرعان؛ ادەتتەگى مەملەكەت تاس جولى اۋدان دارەجەلى جانە ودان جوعارى اكىمشىلىك رايونداردى، جىل بويى اشىق ۇستالاتىن شەكارا وتكەلدەرىن نەگىزىنەن شارپىپ، ماڭىزدى اۋىل – قالاشىق، كاسىپ باقشا رايونى، قاتىناس – تاسىمال تورابى، سونداي – ساياحات كورىنىس رايونى سياقتىلاردى ءونىمدى جالعاستىرعان.
تانىستىرۋعا قاراعاندا، مەملەكەتتىك تاس جول تورابى مەملەكەتتىك جوعارى قارقىندىق تاس جول تورابى مەن ادەتتەگى مەملەكەت تاس جولى تورابىن قامتىپ، مەملەكەتتىڭ جالپىلىق ستەرەولىق قاتىناس تورابىنىڭ نەگىزى جانە نەگىزگى قاڭقاسىنىڭ ماڭىزدى قۇرامداس بولەگى سانالادى ەكەن. 2021 - جىلدىڭ سوڭىنا دەيىن مەملەكەتتىڭ جوعارى قارقىندىق تاس جولى 117 مىڭ كيلومەتر بولىپ، ادەتتەگى مەملەكەت تاس جولىنىڭ قاتىناۋ ارالىعى 257 مىڭ 700 كيلومەترگە جەتكەن. مەملەكەتتىك دامۋ جانە رەفورما كوميتەتى، قاتىناس – تاسىمال مينيسترلىگى تاياۋدا بىرلەسىپ باسىپ تاراتقان «مەملەكەتتىك تاس جول تورابى جوباسىندا» مىنالار ورتاعا قويىلعان: 2035 – جىلعا بارعاندا مەملەكەتتىك تاس جول تورابىنىڭ جالپى كولەمى 461 مىڭ كيلومەترگە جەتەدى، مۇنىڭ ىشىندە مەملەكەتتىڭ جوعارى قارقىندىق تاس جولى 162 مىڭ كيلومەتر، ادەتتەگى مەملەكەت تاس جولى شامامەن 299 مىڭ كيلومەتر بولادى.
ماجىلىستە اۋىل - قىستاق تاس جولىنىڭ ساپالى دامۋىنا قاتىستى جاعدايلار تانىستىرىلدى. اۋىل - قىستاق تاس جولىنىڭ جالپى ۇزىندىعى 2011 - جىلدىڭ سوڭىنداعى 3 ميلليون 564 مىڭ كيلومەتردەن 2021 - جىلدىڭ سوڭىنداعى 4 ميلليون 466 مىڭ كيلومەترگە جەتىپ، 10 جىلدا 900 مىڭ كيلومەتردەن استام ارتقان.
تاياۋ جىلداردان بەرى تاس جول قۇرىلىسىندا تەحنيكالىق جاڭالىق جاراتۋدىڭ تابىسى مول بولدى، سيفرلانعان كارتا، گەولوگيالىق الىستان اڭعارۋ، كومپيۋتەرلىك جوبالاۋ جانە ەلىكتەۋ، جەتىقاراقشى جۇيەسىن قولدانۋ سياقتىلاردى ۋاكىل ەتكەن تاس جولدى بارلاۋ، جوبالاۋ تەحنيكاسى ۇزدىكسىز العا باستى؛ جۇمساق توپىراق، سارى توپىراق، توڭ توپىراق، سونداي - اق قۇمدى شولدەگى تاس جول جوندەۋ تەحنيكاسى ۇزدىكسىز پىسىپ - جەتىلدى جانە كەمەلدەندى؛ اسقىن ۇلكەن اتتامالى كوپىر جانە تاۋلى رايونداعى اسقىن ۇزىن تۋنەل، تەڭىز استى تۋنەلى، ۇلكەن راديۋستى تۋنەل سياقتى ءوزارا قاتىستى تەحنيكالار مەن جابدىقتاردا ۇزدىكسىز تىڭ تابىستارعا قول جەتتى. كەلەسى قادامدا قاتىستى تاراۋلار جوبانىڭ نىسانالىق مىندەتتەرى بويىنشا، ءتۇيىندى نىسانداردىڭ تياناقتاندىرىلۋىن ىلگەرىلەتۋ، باسقا دا قاتىناس تاسىلدەرىمەن سايكەسۋىن، ۇشتاسۋىن كۇشەيتۋ، تاس جول قۇرىلىسىنىڭ جاسىل، زەردەلى بولۋ دەڭگەيىن جوعارىلاتۋ، تاس جول قۇرىلعى تورابىنىڭ اناعۇرلىم حاۋىپسىز، سەنىمدى بولۋىن ىلگەرىلەتۋ سياقتى جاقتاردان ىسكە كىرىسىپ، وسىزاماندانعان، ساپالى مەملەكەتتىك تاس جول تورابىن قۇرۋدى كۇش سالا ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
