بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭنىڭ اراسان اۋدانىنان 8 ميلليون جىلدىڭ الدىنداعى ءۇش تۇياقتى قۇلان ءۇيىرىنىڭ تاسقا اينالعان قالدىعى بايقالدى

2022.07.27 16:42     كەلۋ قاينارى : حالىق تورابى


  جۋىردا جۇڭگو عىلىم اكادەمياسى ەجەلگى ومىرتقالى جانۋارلار مەن ەجەلگى ادامزاتتى زەرتتەۋ بولىمشەسىنىڭ ماماندارى شينجياڭ اراسان اۋدانىنىڭ اۋدان قالاشىعىنىڭ شىعىس سولتۇستىگىندەگى كولدەنەڭ مال فەرماسىنداعى بەتكەيدە زەرتتەۋ جۇرگىزىپ جاتقان كەزدە، ءسۇت قورەكتى جانۋارلاردىڭ تاسقا اينالعان قالدىعىن بايقاعان.

  جۇڭگو عىلىم اكادەمياسى ەجەلگى ومىرتقالى جانۋارلاردى زەرتتەۋ بولىمشەسى ءسۇت قورەكتىلەردى زەرتتەۋ كەڭسەسىنىڭ مەڭگەرۋشىسى، زەرتتەرمەنى ۋاڭ شىچيدىڭ تانىستىرۋىنشا، وسى رەت بايقالعان تاسقا اينالعان قابات شوعىرلى ورنالاسقان، تاسقا اينالعان قالدىقتار ءبىرشاما ءجيى، ءىشىنارا تاسقا اينالعان قالدىقتار ءبىر – بىرىمەن بايلانىستى بولعان. تاسقا اينالعان قالدىقتارعا العاشقى قادامدا تالداۋ جاساۋ، پارىقتاۋ ارقىلى ولاردىڭ ءۇش تۇياقتى قۇلان، بوكەن، ەجەلگى سىڭار ءمۇيىز، ءتورت قىرلى ءتىستى ءپىل قاتارلى ءۇش تۇياقتى قۇلان حايۋاناتتار شوعىرىندا ۇنەمى كەزدەسەتىن حايۋاناتتار ەكەنىن، قازىرگە دەيىن شامامەن 8 ميلليون جىل بولعانىن تۇراقتاندىرعان.

  مامانداردىڭ شوگىندى ورتاسىنا العاشقى قادامدا جاساعان جورامالىنا نەگىزدەلگەندە، بۇل ءوڭىر تاۋ ەتەگىندەگى كەڭ جازىق جەر بولىپ، جاۋىن – شاشىن ماۋسىمدىق ەرەكشەلىككە يە، قۋاڭ ماۋسىمدا وقشاۋ سۋ قاينارىن قالىپتاستىرادى، سۋ قاينارى تارتىلسا بولعانى، حايۋاناتتار شوعىرى سۋ قاينارىندا توپ - توبىمەن قىرىلادى، قىسقا مەزرىم ىشىندە اشىق جاتقان سوڭ، جاڭبىرلى ماۋسىمدا تۇنبالار دەرەۋ كومىپ كەتەتىندىكتەن، وسى تەكتەس كومىلمە زاتتار قالىپتاسادى. وسىنداي تاسقا اينالعان قالدىقتار مەن كومىلمەلەردىڭ كەمەلدىلىگى جوعارى بولاتىندىقتان، ءبىرشاما جوعارى عىلىمي زەرتتەۋ قۇنىنا يە، بولاشاقتا جوسپارلى تۇردە اشۋعا، زەرتتەۋگە تاتيدى. وسى رەت اراسان اۋدانىنان ءۇش تۇياقتى حايۋاناتتار شوعىرىنىڭ قايتالاي بايقالۋى ءۇش تۇياقتى حايۋاناتتار شوعىرىنىڭ ازيا – ەۆروپا قۇرلىعىنىڭ شىعىس جانە باتىس ەكى شەتىندەگى تارالۋى مەن قونىس اۋدارۋىن، سونداي – اق، سول مەزگىلدەگى ەجەلگى ەكولوگيالىق ورتانىڭ وزگەرىسىن زەرتتەۋدە ماڭىزدى ءمان الادى. (باس ستانسيا ءتىلشىسى تيان تۇڭ، جاڭ مين)

  كەلۋ قاينارى: حالىق تورابى


جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار