ءداستۇرلى شارۋاشىلىقتى جاڭالاپ، دارەجەسىن جوعارىلاتىپ، جاڭادان گۇلدەنگەن شارۋاشىلىقتاردىڭ دامۋىن جەدەلدەتتى (ورنىقتىلىقتى ماڭداي الدى ورىنعا قويىپ، ورنىقتىلىق بارىسىندا ىلگەرىلەۋ)
«حالىق گازەتىنىڭ» تىلشىلەرى ۋاڭ جىڭ، حان شين
2022.07.27 16:49 كەلۋ قاينارى : حالىق تورابى
باس شۋجي شي جينپيڭ بىلاي دەپ اتاپ كورسەتكەن بولاتىن: دامۋدىڭ كەزەڭدىك جاڭا ەرەكشەلىكتەرىن، جاڭا تالاپتارىن ىشكەرىلەي يگەرىپ، تۇلعالىق ەكونوميكانى ناقتىلاندىرۋدى، كۇشەيتۋدى، ساپالىلاندىرۋدى نەگىزگى قامال الۋ بەتالىسى ەتۋدە تاباندى بولىپ، ءبىر جاعىنان، ءداستۇرلى كاسىپتەردىڭ تيبىنىڭ وزگەرىپ، دارەجەسىنىڭ جوعارىلاۋىن يگەرىپ، ەندى ءبىر جاعىنان، ستراتەگيالىق جاڭا وركەندەگەن كاسىپتەردىڭ دامۋىن، زورايۋىن يگەرىپ، جاساۋ كاسىبىنىڭ جەدەل تۇردە سيفرلانا، جەلىلەنە، زەردەلىلەنە دامۋىن ىلگەرىلەتىپ، كاسىپ سالاسى تىزبەگىنىڭ، قامداۋ تىزبەگىنىڭ تۇراقتىلىعى مەن وسىزاماندانۋ دەڭگەيىن جوعارىلاتۋ كەرەك.
5 - ايدان بەرى چۇڭچيڭ قالاسى بانان رايونى چاڭ - ان اۆتوموبيل توبى ليڭحۇي جاڭا ەنەرگيالى اۆتوموبيل زاۆودى وندىرىسكە تولىق قوسىلدى. جاڭا اۆتوموبيلدەردىڭ تاپسىرىسى زور مولشەردە ارتىپ، زاۆود «جۇمىسشى – قىزمەتكەرلەر كەزەكپەن ىستەپ، جابدىق دەمالماۋ» كۇيىمەن ءوندىرىستى قاۋىرت جۇرگىزىپ، كۇندىك ءونىم مولشەرىن 600 دەن اسىردى. بيىل 1 - ايدان 6 - ايعا دەيىن چاڭ - ان اۆتوموبيل توبىنىڭ جاڭا ەنەرگيالى اۆتوموبيلدەرىنىڭ جالپى ءونىم مولشەرى 52 مىڭ 800 دەن اسىپ، سايكەس مەزگىلدەگىدەن %80.3 ارتتى.
ءبىر كۇندىك تاپسىرىس سوماسى 100 ميلليون يۋانعا تايادى! 6 - ايدىڭ 20 - كۇنى شۇيگۇڭ قازۋ ماشيناسى توبىنىڭ زەردەلى جاساۋ بازاسىندا 200 قازۋ ماشيناسى «ءبىر بەلدەۋ، ءبىر جول» بويىنداعى ەلدەر مەن رايوندارعا توپ - توبىمەن تاپسىرىلدى. تاياۋ جىلداردان بەرى شۇيگۇڭ توبى جوعارى دەڭگەيلى جابدىق بازارىنا بار كۇشپەن قادام تاستاپ، جاڭا بۋىن 38 توننا، 60 توننا ءىرى تيپتەگى قازۋ ماشيناسىنىڭ جوعارى سەنىمدىلىگىنە، جوعارى ونىمدىلىگىنە جانە ماي شىعىنى تومەن بولۋىنا سۇيەنىپ، بازار يەلەنۋ شاماسىن تەز جوعارىلاتتى.
بيىل جىل باسىنان بەرى جەر - جەر، تاراۋلار ءداستۇرلى كاسىپتەردى جاڭالاۋدى، دارەجەسىن جوعارىلاتۋدى جانە جاڭادان گۇلدەنگەن كاسىپتەردى جەدەل دامىتۋدى بار كۇشپەن ىلگەرىلەتىپ، جاساۋ كاسىبىنىڭ باسەكەلىك قۋاتىن بار كۇشپەن جوعارىلاتتى. ساناققا قاراعاندا، ىندەتتىڭ سوققىسىنا ۇشىراعانىمەن، جوعارى تەحنيكالى جاساۋ كاسىبى ءالى دە ءبىرشاما كۇشتى سەرپىمدىلىكتى ايگىلەپ، ارتۋ قارقىنى جالپى ونەركاسىپتىكىنەن تەز بولعان. بيىل 1 - ايدان 6 - ايعا دەيىن كولەمدەنگەن جوعارى تەحنيكالى جاساۋ كاسىبىنىڭ ارتقان قۇنى سايكەس مەزگىلدەگىدەن %9.6 ارتقان، جوعارى تەحنيكالى شارۋاشىلىققا قوسىلعان قارجى سايكەس مەزگىلدەگىدەن %20.2 ارتقان. الدىڭعى جارتى جىلدا جاڭا ەنەرگيالى اۆتوموبيل، كۇن ەنەرگيالى باتەريا سياقتى جاسىل، زەردەلى ونىمدەردىڭ ءونىم مولشەرى سايكەس مەزگىلدەگىدەن كورنەكتى ارتقان.
كاسىپ تىزبەگىنىڭ، قامداۋ تىزبەگىنىڭ دەربەس مەڭگەرىلۋىندە تىڭ ىلگەرىلەۋشىلىككە قول جەتتى
باس شۋجي شي جينپيڭ بىلاي دەپ اتاپ كورسەتكەن بولاتىن: كاسىپ تىزبەگى، قامداۋ تىزبەگى شەشۋشى ساتتە تىزبەكتەن قۇتىلا المايدى، بۇل − ءىرى ەل ەكونوميكاسىندا، ءسوز جوق، ازىرلەۋگە ءتيىستى ماڭىزدى ەرەكشەلىك. ارتىقشىلىقتى اسىرىپ، ولقىلىقتاردى تولىقتاپ، مەملەكەتتىڭ حاۋىپسىزدىگىنە قاتىستى سالالار مەن بۋىنداردا دەربەس مەڭگەرىلەتىن، حاۋىپسىز، سەنىمدى ىشكى وندىرىسپەن قامداۋ جۇيەسىن ورناتۋ كەرەك.
جياڭسۋدىڭ نانتۇڭ قالاسىنداعى تەڭىز بويى جەل ەنەرگياسى الاڭىندا تەڭىز بەتىندەگى جەلدەتكىشتەر شىر اينالۋدا. الىپ پاراقتى تىرەپ تۇرعانى ديامەترى 6 مەتر، ۇزىنى 77 مەتر كەلەتىن بولات باعانالار، ال بولات باعانالاردى 43.5 مەتر تەرەڭدىكتەگى تەڭىز استىنا بەكىتىپ وتىرعانى وتكەن جىلدىڭ سوڭىندا جۇڭشين اۋىر ونەركاسىپ توبى دەربەس زەرتتەپ جاساعان ەرەكشە ءىرى تۇرپاتتى سۇيىقتىق قىسىمدى باعانا بالعاسى ەدى.
«سۇيىقتىق قىسىمىمەن باعانا قاعۋ بالعاسى − تەڭىزدەگى جەل ەلەكتر نەگىزدىك قۇرىلىسىنىڭ شەشۋشى جابدىعى، بۇرىن ۇزاق ۋاقىت يمپورت ەتۋگە يەك سۇيەدىك. جاڭا ونىمدەردىڭ ءساتتى زەرتتەلۋى ەلىمىزدىڭ تەڭىز ونەركاسىپ جابدىقتارى سالاسىنداعى شەشۋشى تەحنيكالاردا تىڭ تابىستارعا قول جەتكىزۋگە دەم بەردى» دەدى جۇڭشين اۋىر ونەركاسىپ توبىنىڭ قاتىستى جاۋاپتىسى.
جىجياڭ ولكەسى نيڭبو قالاسى حۋانسايشيڭ عىلىم - تەحنيكا سەرىكتەستىگىنىڭ شاڭ - توزاڭسىز سەحىنا كىرسەڭىز، 10 ميلليون ميكرومەتر دارەجەسىندە ساڭلاۋ قالدىرىلعان نازىك مەتال قالقا تاقتاسى بۇكىلدەي اۆتوماتتى ءوندىرىس جەلىسىنەن شىعىپ جاتقانىن كورەسىز.
«قالىڭدىعىا شاش ديامەترىنىڭ 4/1 ىندەي عانا جوعارى دالدىكتەگى مەتال قالقا تاقتاسى ەكراننىڭ انىقتىق دارەجەسى مەن كەسكىندەۋ ساپاسىن بەلگىلەيدى». حۋانسايشيڭ عىلىم - تەحنيكا سەرىكتەستىگىنىڭ باس ديرەكتورى شۇي زۇڭ - ي بىلاي دەدى: جاڭا ءونىم ەل ىشىندەگى كوپتەگەن تاقتا زاۆودىنىڭ سىناعىنان ءوتتى، شەتەلدىڭ تەحنيكالىق مونوپولياسىن تالقانداپ، جارتىلاي وتكىزگىشتى ەكران كاسىبىنىڭ شەشۋشى تەحنيكالىق قيىن ماسەلەسىن شەشۋدەن ۇمىتتەنىپ وتىرمىز.
ەل ىشىندەگى تۇڭعىش اسقىن ۇزاق ساپار جوعارى قارقىندىق تەمىر جولىندا ارناۋلى پايدالانىلاتىن جوعارى قارقىندى 5 بىلىكتى مانەرلەۋ ورتالىعى وندىرىسكە ءساتتى قوسىلدى، دۇنيە جۇزىندەگى تۇڭعىش شىڭداۋ ءبىر تۇلعالانعان D3 باسپا سيفرلى مەڭگەرگىش ستانوگى ءساتتى زەرتتەلىپ جاسالدى، وزىق ساقتاۋ قۋاتى ماتەريالى سياقتى 100 دەن استام ماتەريالدىڭ ءونىم مولشەرى دۇنيە ءجۇزى بويىنشا الدىڭعى ورىندى يەلەدى... پارتيانىڭ 18 - قۇرىلتايىنان بەرى ەلىمىز ماڭىزدى جابدىقتار، ماڭىزدى نەگىزدىك بولشەكتەر، جاڭا ماتەريالدار سياقتى شەشۋشى سالالارداعى كاسىپ تىزبەگىنەن قامال الۋدا ۇزدىكسىز تىڭ ىلگەرىلەۋشىلىككە قول جەتكىزىپ، ءتىپتى دە كوپ كاسىپورىن كاسىپ سالاسىندا ارتىقشىلىق قالىپتاستىرىپ، «وزگەشە ونەرگە» جاتىلدى.
«2019 – جىلى دۇنيە جۇزىندە تۇڭعىش رەت جارىققا شىققان مودۋلسىز قوزعاۋشى كۇش باتەريا وراۋ تەحنيكاسى قازىر بىرتىندەپ 3.0 نۇسقاسىنداعى «سىڭار ءمۇيىز» باتەرياسىنا اينالدى، جۇيە ەنەرگياسىنىڭ تىعىزدىعى 250 كيلوۆات – ساعاتتان اسادى، ەلەكتر مولشەرى شەتەلدەردەگى كاسىپتەستەر يگەرىپ وتىرعان 4 مىڭ 680 ۇلكەن سيليندىر باتەريا جۇيەسىنەن %13 جوعارى. نيڭدى شىداي جاڭا ەنەرگيا عىلىم - تەحنيكا شەكتى جارنا سەرىكتەستىگىنىڭ باس عالىمى ۋ كاي بىلاي دەپ تانىستىردى: سەرىكتەستىگىمىز كەلەسى بۋىن قۇرىلىمىندا جاڭالىق اشۋ تەحنيكاسىن ورنالاستىرىپ، ەلەكتر وزەگىن اۆتوموبيل تۇلعاسى، اۆتوموبيلدىڭ استى، ەلەكترمەن قوزعاۋ، جىلۋ باسقارۋ جانە ءتۇرلى جوعارى، تومەن قىسىمدى تىزگىندەۋ مودۋلى سياقتىلارمەن شوعىرلى ءبىر تۇلعالاندىرىپ، كولەمدىك پايدالانىلۋ مولشەرىن ونان ارى جوعارىلاتىپ، 100 كيلومەتر جول باسۋداعى ەلەكتر قۇراۋىن 12 كيلوۆات - ساعاتتان تومەنگە تۇسىرەتىن بولادى.
پىشاق جۇزىندەي باتەريا، شاقشا باتەرياسى، جارتىلاي قاتتى باتەريا... جۋىقتاعى جىلداردان بەرى ەلىمىزدىڭ قوزعاۋشى كۇش باتەرياسى كاسىبىندە ءۇرتىس جاڭالىق جاراتىلدى، وزىق ءۇش نەگىزدى باتەريا، فوسفور قىشقىل تەمىر ليتي باتەرياسىنىڭ جەكە تۇلعاسىنىڭ ەنەرگيا تىعىزدىعى جەكە - جەكە 280 كيلوۆات - ساعاتقا، 170 كيلوۆات - ساعاتقا جەتتى، تىرەكتى كاسىپورىنداردىڭ باتەريا جۇيەسىنىڭ اينالىم عۇمىرى 5 مىڭ رەتتەن استى، قوزعاۋشى كۇش باتەرياسى تەحنيكاسى دۇنيە ءجۇزى بويىنشا الدىڭعى قاتاردا تۇردى، ءونىم مولشەرى ءۇرتىس 8 جىل دۇنيە ءجۇزى بويىنشا 1 - ورىندى يەلەدى. بيىل الدىڭعى جارتى جىلدا ەلىمىزدىڭ قوزعاۋشى كۇش باتەرياسىنىڭ ءونىم مولشەرى 206.4 گەگاۆات - ساعاتقا جەتىپ، سايكەس مەزگىلدەگىدەن %176.4 ارتتى.
كاسىپ قۇرىلىمىن ساپالاندىرىپ، دارەجەسىن جوعارىلاتۋ تىڭ ساتىعا كوتەرىلدى
باس شۋجي شي جينپيڭ بىلاي دەپ اتاپ كورسەتكەن بولاتىن: ەكونوميكانىڭ ساپالى دامۋىن ىلگەرىلەتۋدە ماڭىزدى ءتۇيىندى كاسىپ قۇرىلىمىنىڭ تيبىن وزگەرتىپ، دارەجەسىن جوعارىلاتۋعا اۋدارىپ، ناقتى ەكونوميكانى شىنايى كۇشەيتۋ، ساپالىلاندىرۋ كەرەك.
− جاساۋ كاسىبىنە قارجى قوسۋ ارا سالماعى مەن قۇرىلىمى ۇزدىكسىز ساپالىلاندى.
پارتيانىڭ 18 - قۇرىلتايىنان بەرگى ەلىمىزدىڭ جاساۋ كاسىبى دامۋىنىڭ قيسىق سىزىعىنا كوز جىبەرسەك، ورنىقتى ورلەپ بارا جاتقان قيسىق سىزىق جۇرت نازارىن ەرەكشە اۋدارادى: جوعارى تەحنيكالى جاساۋ كاسىبىنىڭ كولەم قالىپتاستىرعاننان جوعارى ونەركاسىپتىڭ ارتقان قۇنىنداعى سالىستىرماسى 2012 - جىلعى %9.4 تەن 2021 - جىلى %15.1 كە جوعارىلادى. جاساۋ كاسىبىنە قوسىلعان قارجى ۇزدىكسىز ساپالىلاندى، بيىل الدىڭعى جارتى جىلدا جوعارى تەحنيكالى جاساۋ كاسىبىنە قوسىلعان قارجى بىلتىرعى سول تۇستاعىدان %23.8 ارتتى.
ءداستۇرلى كاسىپتەردىڭ قاجەتتەن اسىپ قالعان ءوندىرىس قۋاتىن ازايتۋ سالىستىرماسى جوعارىلادى.
«سۇلدەرى قالعان كاسىپورىنداردى» مۇمكىندىكتىڭ بارىنشا قاتاردان قالدىرۋ، مەشەۋ ءوندىرىس قۋاتىن مۇمكىندىكتىڭ بارىنشا شەگىندىرۋ كەرەك. پارتيانىڭ 18 – قۇرىلتايىنان بەرى ەلىمىزدىڭ بولات – تەمىر كاسىبى دۇنيە ءجۇزى بولات – تەمىر كاسىبىنىڭ دامۋ تاريحىنداعى ەڭ زور كولەمدەگى ءوندىرىس قۋاتىن جاڭالاۋ جوسپارىن اتقاردى، «13 – بەسجىلدىق» جوبا بويىنشا جالپى 170 ميلليون توننادان استام بولات – تەمىر ءوندىرىس قۋاتى ازايتىلىپ، 140 ميلليون توننادان استام بولات – تەمىر كاسىبى كۇشىنەن قالدىرىلىپ، ءوندىرىس قۋاتىنىڭ پايدالانىلۋ شاماسى ۇيلەسىمدى دەڭگەيگە كوتەرىلىپ، بولات – تەمىر كاسىبىنىڭ ءۇرتىس ساپالى دامۋعا قادام تاستاۋى جەبەلدى. ساندى مالىمەتتە كورسەتىلۋىنشە، بىلتىر تۇتاس جىلدا ءتۇيىندى ءىرى، ورتا تيپتەگى بولات – تەمىر كاسىپورىندارىنىڭ تيجارات كىرىسى 6 تريلليون 930 ميلليارد يۋانعا جەتىپ، سايكەس مەزگىلدەگىدەن %32.7 ارتقان، جالپى پايدا سوماسى 352 ميلليارد 400 ميلليون يۋانعا جەتىپ، سايكەس مەزگىلدەگىدەن %59.7 ارتقان.
− جاڭادان گۇلدەنگەن كاسىپتەردىڭ ارتۋ جاعدايى قۋانارلىق بولدى.
چۇڭچيڭنىڭ بيشان رايونىنداعى فۋدي باتەريا زاۆودىنا كىرسەڭىز، ءوندىرىس سەحتارىنا، جۇمىس تارتىپتەرىنە، جەلىگە تارالعان جوعارى دالدىكتەگى سەنسورلار، جۇزدەگەن ونەركاسىپ قۇلتەمىرى سۇرىپتالعان، اۆتوماتتاندىرىلعان، ينفورماتسيالانعان جاساۋدى باسقارۋ جۇيەسىمەن بىرگە پىشاق جۇزىندەي باتەريا وندىرۋدە دۇنيە جۇزىلىك دەڭگەيدەگى زاۆودتى قۇرعانىن كورەسىز.
«بىلتىردان بەرى بييادي پىشاق جۇزىندەي باتەريا، ەرەكشە ارالاسپا قوزعاعىش سياقتى تەحنيكالارعا سۇيەنىپ، تەحنيكا، ءونىم جانە بازاردىڭ قاۋىرت ورلەۋىن قارسى الدى، تۇتاس جىلدا 600 مىڭنان استام جاڭا ەنەرگيالى اۆتوموبيل ساتىلىپ، بىلتىرعى سول تۇستاعىدان %220 ارتتى». بييادي شەكتى جارنا سەرىكتەستىگىنىڭ باس القاسى، قوسىمشا باس جوراسى ۋاڭ چۋانفۋ بىلاي دەپ تانىستىردى: بيىل 5 - ايدا بييادي جاڭا ەنەرگيالى اۆتوكولىگىنەن 114 مىڭ 900 داناسى ساتىلىپ، سايكەس مەزگىلدەگىدەن %348.1 ارتتى، بۇل بيياديدىڭ 3 - ايدان بەرگى 3 - رەتكى جەكە ايداعى ساتىلىم مولشەرىنىڭ 100 مىڭنان اسۋى بولىپ تابىلادى.
بيىل الدىڭعى جارتى جىلدا ەلىمىزدىڭ جاڭا ەنەرگيالى اۆتوموبيلدەرى جوعارى ارتۋ كۇيىن جالعاستىرىپ، ءوندىرۋ، ساتۋ مولشەرى سايكەس مەزگىلدەگىدەن 1.2 ەسە ارتىپ، 6 - ايدا بازاردىڭ ءسىڭۋ مولشەرى %23.8 كە جەتتى. قۇلتەمىر، فوتوۆولتتىق باتەريا سياقتى جاڭادان گۇلدەنگەن كاسىپتەر دە تەز قارقىنمەن ارتتى. ساناققا قاراعاندا، 2021 - جىلى ەلىمىزدىڭ ونەركاسىپ قۇلتەمىرىنىڭ، قىزمەت وتەيتىن قۇلتەمىرىنىڭ ءونىم مولشەرى سايكەس مەزگىلدەگىدەن جەكە - جەكە %44.9 جانە %48.9 ارتقان؛ بيىل 2 - توقساندا جالاڭ كريستالدى كرەمني، كوپ كريستالدى كرەمني، فوتوۆولتتىق باتەريا سياقتى ونىمدەردىڭ ءونىم مولشەرى جەكە - جەكە %61.3، %50.6، %30.4 ارتقان، ليتي يونى باتەرياسى، ەلەكتروندىق بولشەكتەر، ينتەگرالدى تىزبەك سياقتى شاعىن كاسىپتەردىڭ ارتقان قۇنىنىڭ ارتۋ قارقىنى %20 تەن جوعارى بولعان.
كاسىپ سالاسىندا سيفرلاندىرىپ، تيپتە بۇرىلىس جاساۋدا تىڭ تابىستارعا قول جەتكىزىلدى
باس شۋجي شي جينپيڭ بىلاي دەپ اتاپ كورسەتكەن بولاتىن: سيفرلى تەحنيكا مەن ناقتى ەكونوميكانىڭ ىشكەرىلەي توعىسۋىن جەبەپ، ءداستۇرلى كاسىپتەردىڭ تيبىن وزگەرتىپ، دارەجەسىن جوعارىلاتىپ، جاڭا كاسىپ سالاسىن، جاڭا كاسىپ فورماسىن، جاڭا ۇلگىنى جارىققا شىعارىپ، ەلىمىزدىڭ سيفرلى ەكونوميكاسىن ۇزدىكسىز كۇشەيتۋ، ساپالىلاندىرۋ، زورايتۋ كەرەك.
انشان بولات - تەمىر توبى انشان بولات - تەمىر شەكتى جارنا سەرىكتەستىگىنىڭ ىستىق شىڭاۋ بولات زاۆودىنىڭ 1780 ىستىق تىزبەكتى ءوندىرىس جەلىسىندە 100 مەتر ۇزىندىقتاعى جەتكىزۋ رەليسى 400 دانا موتور ارقىلى قوزعالادى، ەگەر بەلگىلى ءبىر موتوردا كىنارات تۋىلىپ، رەليس توقتاپ قالسا، تاپتالىپ بولعان بولات تاسپانىڭ بەتىندە زور كولەمدە بەلگى پايدا بولادى. انشان بولات - تەمىر توبىنىڭ «G5 + ونەركاسىپ ينتەرنەتى» سىندى 3 ۇلكەن كاسىپتىك كورىنىسىنىڭ ءبىرى بولعان ىستىق شىڭاۋ ءوندىرىس جەلىسى G5 موتورىنىڭ جالپى اينالىمىن باسقارىپ، قيىن ماسەلەلەردى وڭاي شەشەتىن بولدى.
«نەشە جۇزدەگەن سەزدىرگىش توك اعىنى، تەربەلىس، تەمپەراتۋرا سياقتى اينالىستاعى كۇي پارامەترلەرىن دەر كەزىندە جيناپ الادى، سونداي - اق G5 تورابى ارقىلى ‹نازىك بولات بۇلت› تەكشەسىنە جەتكىزىپ، دەر كەزىندە باقىلاپ، كىناراتتى انىقتاپ، ەلەكتر اپپاراتىن عىلمي مەجەلەپ قورعايدى». سيفرلى انشان بولات - تەمىر توبى قۇرىلىسىنىڭ قاتىستى جاۋاپتىسى بىلاي دەپ تانىستىردى: قازىر ءوندىرىس جەلىسىندە موتوردى شۇعىل توقتاتۋ، كىناراتتاردى جوندەۋ رەت سانى %20 تومەندەدى، جۇمىس ونىمدىلىگى %5 جوعارىلادى، ءار جىلى 100 مىڭ يۋان جوندەۋ قاراجاتى ۇنەمدەلدى، ءار جىلعى ءونىم قۇنىنىڭ ارتۋ كىرىسى 87 ميلليون 500 مىڭ يۋان بولدى.
كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدىڭ ماڭىزدى ءتاسىلى رەتىندە، تاياۋ جىلداردان بەرى ەلىمىزدىڭ جاساۋ كاسىبىنىڭ سيفرلانۋى، تيبىن وزگەرتۋى جاپپاي تەزدەدى. ونەركاسىپ جانە ينفورماتسيالاندىرۋ مينيسترلىگىنىڭ ساناعىنا قاراعاندا، بيىل 6 - ايدىڭ سوڭىنا دەيىن ەلىمىزدىڭ كولەمدەنگەن ونەركاسىپ كاسىپورىندارىنىڭ شەشۋشى جۇمىس ءتارتىبىنىڭ سيفرلاندىرىلۋ شاماسى، سيفرلاندىرىلعان زەرتتەۋ - اشۋ، جوبالاۋ قۇرالدارىنىڭ جالپىلاسۋ شاماسى جەكە - جەكە %55.7 كە جانە %75.1 كە جەتىپ، 2012 - جىلداعىدان جەكە - جەكە 31.1 جانە 26.3 پايىز جوعارىلاعان.
كاسىپ سالاسىندا سيفرلاندىرىپ، تيپتە بۇرىلىس جاساۋدىڭ استارىندا سيفرلى كاسىپ سالالاندىرۋدىڭ ۇزدىكسىز ىلگەرىلەتىلۋى جاتىر.
جىجياڭ حىڭ - ي توبى شەكتى سەرىكتەستىگىنىڭ جاڭا ماتەريال سەحىنا كىرسەڭىز، بايدۋ زەردەلى بۇلت جۇيەسىمەن بىرلەسىپ جاسالعان جاساندى زەردە ساپا تەكسەرۋ جابدىعى جەكە ۇرشىقتى تەكسەرۋ ۋاقىتىن 2.5 سەكۋندقا قىسقارتقان، تەكسەرۋ ونىمدىلىگى ادام كۇشىمەن ساپا تەكسەرۋمەن سالىستىرعاندا %70 جوعارىلاعان. 2021 - جىلى بايدۋ زەردەلى بۇلت جۇيەسى شىعارعان ونەركاسىپ ينتەرنەت ماركاسى «بايدۋ زەردەلى بۇلتى» «جاساندى زەردە + ونەركاسىپ تورابىن» ەرەكشەلىك ەتىپ، ەلەكترون، اۆتوموبيل، جابدىق جاساۋ، بولات - تەمىر، حيميا ونەركاسىبى، سۋ ىستەرى سياقتى 22 كاسىپ سالاسىنداعى 300 دەن استام ۇلگى كاسىپورنىن بۇلتتىق جۇيە مەن اقىل - پاراسات ءبىر تۇلعالانعان سيفرلاندىرىپ شەشۋ جوباسىمەن قامداعان ءارى بۇكىل ەلدەگى 16 وڭىردە ىشكەرىلەي تياناقتانعان.
ونەركاسىپ جانە ينفورماتسيالاندىرۋ مينيسترلىگىنىڭ ساناعىنا قاراعاندا، بيىل 3 - ايدىڭ سوڭىنا دەيىن كاسىپ اتتاعان 15 ونەركاسىپ ينتەرنەت تەكشەسىندە باقىلاۋعا بولاتىن ونەركاسىپ جابدىقتارىنىڭ جالعانۋ مولشەرى 30 ميلليون 720 مىڭ داناعا (توپ) جەتىپ، ونەركاسىپ APP ى سانى 225 مىڭنان اسقان. بيىل الدىڭعى جارتى جىلدا بۇكىل ەل بويىنشا سالىنىپ جاتقان «G5 + ونەركاسىپ ينتەرنەت» نىسانى 3 مىڭ 100 دەن اسقان.
كاسىپ سالاسىندا سيفرلاندىرىپ، تيپتە بۇرىلىس جاساۋدىڭ استارىندا سيفرلى نەگىزدىك قۇرىلعى قۇرىلىسىنىڭ ارشىندى قاداممەن العا باسۋى جاتىر.
سىچۋان ولكەسى چىڭدۋ قالاسى جوعارى، جاڭا تەحنيكا رايونى زەردەلى توراپ بىرلەسپە اۆتوموبيلىن سىناۋ جولىندا، ءبىر كىلەڭ ەلەكترلى قالا جولاۋشىلار اۆتوبۋزى اۆتوماتتى جۇرگىزۋ سىناعىن جاساۋدا. بولاشاقتاعى زەردەلى قالالار مەن جاساندى زەردەنىڭ جاڭالىق اشا قولدانىلۋىنىڭ جوعارى قارقىنمەن دامۋىنا تىرەك بولۋ ءۇشىن، جالپى 10 ميلليارد 900 ميلليون يۋان قارجى قوسىلعان چىڭدۋ جاساندى زەردە ەسەپتەۋ ورتالىعى 5 - ايدىڭ 10 - كۇنى رەسمي ىسكە قوسىلدى، سول كۇنى 12 كاسىپورىن كەلىسىم جاساسىپ، ىرگە تەۋىپ، ەسەپتەۋ قۋاتىنىڭ پايدالانىلۋ شاماسى %90 تەن استى.
«حۋاۋەي ينفورماتسيا، حابارلاسۋ تەحنيكاسىن بايلانىستىرۋ جانە ەسەپتەۋ تەحنيكاسى، سيفرلى ەنەرگيا جاعىندا ءۇرتىس جاڭالىق اشۋ ارقىلى ‹شىعىس پەن باتىستىڭ ساندى مالىمەتىن ۇشتاستىرۋعا› ات سالىسقان قاريدارلاردى باسەكەلىك قۋاتقا يە ونىمدەرمەن جانە شەشۋ جوباسىمەن قامدادى» دەدى حۋا ۋەي باقىلاۋشىلار القاسىنىڭ ءتوراعاسى گو پيڭ. ۇعىسۋعا قاراعاندا، قازىر 20 نەشە قالا جوباسى مەن جاساندى زەردە ەسەپتەۋ ورتالىعى قۇرىلىپ، عىلمي زەرتتەۋ، جاڭالىق اشۋ جانە كاسىپ سالاسىنىڭ دامۋىنا دەم بەرىلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
