بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ىلەدە «باۋتۋان چۇينۋان» جالعامالى ساتۋ ۇيىمىنىڭ 7 ادامىنا ۇكىم شىعارىلدى

2022.07.29 16:22     كەلۋ قاينارى : حالىق تورابى

  حالىق سوتى گازەتىنىڭ ءتىلشىسى ۋاڭ شۋلين، ەرىكتى تىلشىلەرى جاڭ تيڭ، لاي يۇيمەي، ما لي حابارلايدى. جۋىردا شينجياڭ ۇيعۇر اۆتونوميالى رايوندىق جوعارى دارەجەلى حالىق سوتى ىلە قازاق اۆتونوميالى وبلىستىق بولىمشە سوتى جالعامالى ساتۋ قيمىلىن ۇيىمداستىرۋ جانە وعان باسشىلىق ەتۋگە قاتىستى ءبىر دەلوعا سوڭعى رەت سوت اشىپ، باستاپقى تەرگەۋدە شاپشال اۋداندىق حالىق سوتى شىعارعان ۇكىمدى وزگەرتپەي، 7 ايىپكەردى جەكە – جەكە ءبىر جىلدان 11 جىلعا دەيىنگى ارالىقتاعى مەرزىمدى قاماق جازاسىنا ۇكىم ەتتى ءارى قىلمىستىق ىستەر بويىنشا اقشالاي ايىپ سالدى.

  2020 – جىلى 1 – ايدا، ايىپكەر حۋاڭ X ءۇشىنشى جاق سەرىكتەستىكتى تاۋىپ، «باۋتۋان چۇينۋان» دەگەن App دەتالىن جاساتقان. بۇل App دەتالى زاڭعا قايشى تۇردە پايدا تابۋدى ماقسات ەتىپ، ءوزارا كومەكتەسۋ دەگەندى جەلەۋ ەتكەن، 200 يۋان تاپسىرۋ ارقىلى مۇشە بولىپ تىركەلۋگە بولادى، مۇشە بولعاندار ارى قاراي ءوزىنىڭ قول استىنا مۇشە تارتۋىنا بولادى، تانىستىرعان ادامى ءۇش ادامعا تولعان كەزدە ءبىر دارەجە جوعارىلاپ، وعان 200 يۋان قايتارىلادى؛ وسىلايشا ەسەپتەۋ ارقىلى بەلگىلى دارەجەگە جەتكەن سايىن قارىمجى قايتارۋ فورماسىندا سيلىق بەرىپ وتىرادى.

  2020 – جىلى 1 – ايدان 8 – ايعا دەيىن، حۋاڭ X ۋيچات توبىن قۇرۋ ارقىلى ايىپكەر ۋ X تى مۇشەلىككە قابىلداعان، ۋ X «باۋتۋان چۇينۋان» App دەتالىندا «ءۇرىمجى ۇلكەن رايونى» مەن «ءۇمىت ينجەنەرياسى ۇلكەن رايونى» بويىنشا جەكە – جەكە جەتىنشى جانە سەگىزىنشى ساتىعا جەتكەن، وزىنەن تومەن دارەجەدەگى مۇشەلەرىنىڭ جالپى سانى 201768 ادامعا (رەت) جەتكەن؛ ۋ X وسىدان سوڭ تاعى ما X، حا X، مي X، زو X قاتارلىلاردى مۇشەلىككە تارتقان، دارەجەسى جوعارىلاعان سوڭ، ولار «ءۇرىمجى ۇلكەن رايونى» بويىنشا ءتورتىنشى دارەجەدەن ەڭ جوعارى دارەجەگە دەيىن ورىنعا يە بولعان، وزدەرىنەن تومەن دارەجەدەگى مۇشەلەردىڭ جالپى سانى 57590 ادامعا جەتكەن. 2021 – جىلى 5 – ايعا دەيىن، «باۋتۋان چۇينۋان» App دەتالىنا تىركەلگەن مۇشەلەردىڭ سانى 317628 ادام بولىپ، دەلوعا قاتىستى سوما 6 ميلليون 350 مىڭ يۋاننان اسقان.

  سوت مەكەمەسى بىلاي دەپ قارادى: اتالعان جالعامالى ساتۋ ۇيىمى «مۇشە قابىلداۋ» فورماسى ارقىلى دارەجەگە قاراي قارىمجىعا يە بولۋدى باستى فورما ەتكەن، دەلوعا قاتىستى ادام سانى كوپ، قوعامدىق ىقپالى ناشار بولعان. بۇل دەلوداعى حۋاڭ X ءۇشىنشى جاق سەرىكتەستىكتى تاۋىپ، «باۋتۋان چۇينۋان» App دەتالىن جاساتقان ءارى ۋ X، ما X، حا X، مي X، تۋ X، زو X قاتارلىلاردى بەلسەندىلىكپەن وزىنە تارتۋ ارقىلى باسقالارعا ۇگىت جۇرگىزگەن، قاتىناسۋشىلار مۇشە اقىسىن تاپسىرسا بولعانى مۇشە بولۋ تولىمدىلىعىنا يە بولادى دەگەندى تالاپ ەتكەن ءارى بەلگىلى ءتارتىپ بويىنشا دارەجەگە ءبولىپ، «مۇشە تانىستىرۋدى» ۇلەس ءبولۋدىڭ نەگىزى ەتىپ، كوپ ادامدى قاتىناسۋعا شىرعالاعان، ولاردىڭ ارەكەتى تۇگەلدەي جالعامالى ساتۋدى ۇيىمداستىرۋ جانە وعان باسشىلىق ەتۋ قىلمىسىن قالىپتاستىرعان.

  شاپشال اۋداندىق سوت زاڭ بويىنشا ايىپكەر حۋاڭ X قاتارلى 7 ادامدى ءبىر جىلدان 11 جىلعا دەيىنگى مەرزىمدى قاماق جازاسىن ۇكىم ەتكەن ءارى قىلمىستىق ىستەر بويىنشا 20 مىڭ يۋاننان 200 مىڭ يۋانعا دەيىن اقشالاي ايىپ سالعان، زاڭسىز قولعا كەلتىرگەن تابىستارىن ءمۇسادىرالاعان.

  ءبىرىنشى سوت ۇكىمى جاريالانعان سوڭ، 3 ايىپكەر جوعارىلاپ ارىزدانعان. ىلە وبلىستىق بولىمشە سوت ەكىنشى رەت سوت اشىپ، العاشقى سوت ۇكىمىن وزگەرتپەي ساقتاعان.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار