شي جينپيڭ ا ق ش - تىڭ زۇڭتۇڭى بايدەنمەن تەلەفوندا سويلەستى
2022.07.29 16:37 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 28 - كۇنى، بەيجيڭ. مەملەكەت ءتوراعاسى شي جينپيڭ 7 - ايدىڭ 28 - كۇنى كەشتە ۋادە بويىنشا ا ق ش زۇڭتۇڭى بايدەنمەن تەلەفوندا سويلەستى. ەكى ەل باسشىلارى جۇڭگو - ا ق ش قاتىناسى، سونداي - اق ەكى جاق كوڭىل ءبولىپ وتىرعان ماسەلەلەر جونىندە بۇكپەسىز پىكىرلەستى جانە پىكىر اۋىستىردى.
شي جينپيڭ بىلاي دەپ اتاپ كورسەتتى: قازىر دۇنيە ءجۇزىنىڭ اۋمالى - توكپەلى جاعدايى مەن وزگەرىسى سىندى ەكى ءتۇرلى اۋقىم ۇزدىكسىز قۇبىلىپ، دامۋ مەن حاۋىپسىزدىك سىندى ەكى ۇلكەن قىزىل سيفر ۇزدىكسىز كورنەكتىلەندى. اۋمالى - توكپەلى دۇنيە ءجۇزى الدىندا حالىقارالىق قوعام مەن ءار ەل حالقى جۇڭگو مەن ا ق ش - تىڭ جەتەكشىلىك رولىن ساۋلەلەندىرىپ، دۇنيە ءجۇزىنىڭ بەيبىتشىلىگى مەن حاۋىپسىزدىگىن قورعاپ، دۇنيە ءجۇزىنىڭ دامۋىن، گۇلدەنۋىن جەبەۋدى ءۇمىت ەتەدى. بۇل − جۇڭگو مەن ا ق ش - تىڭ ءىرى ەلدىك مىندەتى.
شي جينپيڭ بىلاي دەپ دارىپتەدى: جۇڭگو - ا ق ش قاتىناسىنا ستراتەگيالىق باسەكە تۇرعىسىنان قاراپ جانە وعان انىقتاما بەرىپ، جۇڭگونى ەڭ نەگىزگى قارسىلاس جانە ەڭ اۋىر ۇزاق ۋاقىتتىق سايىس دەپ قاراۋ − جۇڭگو - ا ق ش قاتىناسى جونىندەگى قاتە تۇجىرىم جانە جۇڭگونىڭ دامۋى جونىندەگى قاتە تۇسىنىك، ول ەكى ەل حالقى مەن حالىقارالىق قوعامعا جاڭساقتىق تۋدىرادى. ەكى جاق ءار جىكتەگىلەردىڭ قاتىناسىن ساقتاپ، قازىرگى قاتىناس ارنالارىنان ويداعىداي پايدالانىپ، ەكى جاقتىڭ سەلبەستىگىن ىلگەرىلەتۋى كەرەك. قازىر دۇنيە ءجۇزىنىڭ ەكونوميكالىق جاعدايى سىن - سايىسقا تولى. جۇڭگو مەن ا ق ش ماكرولىق ەكونوميكا ساياساتىن سايكەستىرۋ، دۇنيە جۇزىلىك كاسىپ تىزبەگىنىڭ، قامداۋ تىزبەگىنىڭ ورنىقتىلىعىن قورعاۋ، دۇنيە ءجۇزىنىڭ ەنەرگيا جانە استىق حاۋىپسىزدىگىن قامتاماسىز ەتۋ سياقتى كەلەلى ماسەلەلەر جونىندە قاتىناستى ساقتاۋى كەرەك. زاڭدىلىققا قايشى كەلىپ قول ءۇزۋ، تىزبەكتى ءۇزۋ ا ق ش ەكونوميكاسىن سەرپىلتۋگە سەپتىگىن تيگىزبەيدى، دۇنيە ءجۇزى ەكونوميكاسىن ءتىپتى دە السىرەتەدى. ەكى جاق وڭىرلىك قولامتالى ماسەلەلەردى الاستاپ، قاقتىعىستى باسەڭدەتۋدى ىلگەرىلەتىپ، دۇنيە ءجۇزىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن تەزىرەك قۇتىلۋىنا دەم بەرىپ، ەكونوميكانىڭ توقىراۋى مەن قۇلدىراۋ قاتەرىنەن قۇتىلىپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى قورعاۋى كەرەك.
شي جينپيڭ جۇڭگونىڭ تايۋان ماسەلەسىندەگى پرينسيپتىك مايدانىن ءتۇيىندى تۇردە پايىمدادى. شي جينپيڭ مىنالاردى دارىپتەدى: تايۋان ماسەلەسىنىڭ تاريحى ايقىن، ەكى جاعالاۋدىڭ بىردەي ءبىر جۇڭگوعا ءتان بولۋ فاكتىسى جانە قازىرگى جاعدايى ايقىن. جۇڭگو مەن ا ق ش - تىڭ ءۇش بىرلەسكەن مازمۇنداماسى − ەكى جاقتىڭ ساياسي ۋادەسى، ءبىر جۇڭگو پرينسيبى − جۇڭگو - ا ق ش قاتىناسىنىڭ ساياسي نەگىزى. ءبىز «تايۋان تاۋەلسىزدىگى» بولشەكتەۋشىلىگىنە جانە سىرتقى كۇشتەردىڭ كيلىگۋىنە باتىل قارسى تۇرامىز، ءارقانداي فورماداعى «تايۋان تاۋەلسىزدىگى» كۇشتەرىنە استە كەڭىستىك قالدىرمايمىز. جۇڭگو ۇكىمەتى مەن جۇڭگو حالقىنىڭ تايۋان ماسەلەسىندەگى مايدانى دايەكتى، جۇڭگونىڭ مەملەكەت يەلىك ۇقىعى مەن تەرريتوريا تۇتاستىعىن باتىل قورعاۋ − ءبىر ميلليارد 400 ميلليوننان استام جۇڭگو حالقىنىڭ بەرىك ەركى. حالىقتىڭ تىلەگىنە قايشى كەلۋگە بولمايدى، وتپەن ويناعان ءوزى كۇيىپ جوعالادى. ا ق ش – تىڭ مۇنى انىق ءتۇسىنۋىن ءۇمىت ەتەمىن. ا ق ش جاق ءسوز - ارەكەتى بىردەي بولىپ، ءبىر جۇڭگو پرينسيبىنە بويسۇنىپ، جۇڭگو مەن ا ق ش - تىڭ ءۇش بىرلەسكەن مازمۇنداماسىن اتقارۋى كەرەك.
بايدەن مىنانى ءبىلدىردى: بۇگىنگى دۇنيە ءجۇزى شەشۋشى كەزەڭدە تۇر. ا ق ش پەن جۇڭگونىڭ سەلبەستىگى ەكى ەل حالىقتارىنا عانا ەمەس، ءار ەل حالىقتارىنا دا ءتيىمدى. ا ق ش جۇڭگومەن ىركىلىسسىز تىلدەسۋدى ساقتاپ، ءوزارا ءتۇسىنىسۋدى كۇشەيتىپ، قاتە تۇسىنۋدەن، قاتە تۇجىرىمداۋدان ساقتانىپ، مۇددە توعىسقان سالالاردا سەلبەستىك ورىستەتۋدى قاراستىرۋدى، سونىمەن بىرگە، الاۋىزدىقتاردى ۇيلەسىمدى مەڭگەرۋدى ءۇمىت ەتەدى. مەن مىنانى قايتالاي دارىپتەيمىن: ا ق ش - تىڭ ءبىر جۇڭگو ساياساتى وزگەرگەن جوق ءارى وزگەرمەيدى، ا ق ش جاق تايۋاننىڭ «تاۋەلسىزدىگىن» قولدامايدى.
ەكى ەلدىڭ مەملەكەت باسشىلارى ۋكراينا داعدارىسى جونىندە پىكىر الماستىردى، شي جينپيڭ جۇڭگونىڭ پرينسيپتىك مايدانىن قايتالاي دارىپتەدى.
ەكى ەل باسشىلارى بىلاي دەپ قارادى: بۇل رەتكى سويلەسۋ بۇكپەسىز، ىشكەرىلەي جۇرگىزىلدى، بايلانىستى ساقتاۋعا ماقۇل بولدىق، ەكى جاقتىڭ قىزمەت ۇيىرمەلەرىنە وسى ءۇشىن ۇزدىكسىز پىكىرلەسۋدى، سەلبەسۋدى تاپسىرامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
