اسىل تۇقىمدى قوشقار ءوسىرۋدىڭ ءتورت قادامى
انار بۇلت \ شينجياڭ گازەتىنىڭ ءتىلشىسى دۋ جيانحۇي
2022.07.29 16:42 كەلۋ قاينارى : شينجياڭ گازەتى
2021 - جىلدىڭ سوڭىندا يانجي حۇيزۋ اۆتونوميالى اۋدانى چيگىشيڭ قالاشىعى لاۋچىڭ قىستاعىنداعى فاڭرۇڭ جىڭدا ەگىن، مال شارۋاشىلىعى كاسىپتىك سەلبەستىك كووپەراتيۆى بايىنعولين موڭعۇل اۆتونوميالى وبلىسى جاعىنان اسىل تۇقىمدى مال ءوسىرۋ، ساۋدالاۋ رۇقسات كۋالىگىن الدى. قازىر وسى سەلبەستىك كووپەراتيۆى ءبىر توپ اسىل تۇقىمدى قوشقار جەتىلدىرىپ وتىر، الايدا اسىل تۇقىمدى قوشقار ولشەمگە تولا ما، جوق پا؟ ونى قالاي پارىقتاۋ، قالاي ساراپتاۋ كەرەك؟ بۇل جونىندە سەلبەستىك كووپەراتيۆىنىڭ جاۋاپتىسى ۋي رۇڭ ءارى - ءسارى كۇيدە قالادى. سيىر، قوي ءوسىرۋ تەحنيكاسىن ۇيرەتۋگە جاۋاپتى مامان گۇڭ چاڭحاي اسىل تۇقىمدى قوشقاردى قالاي جەتىلدىرۋ، قالاي پارىقتاۋ، قالاي ساراپتاۋ جونىندە ۇلگى كورسەتتى جانە سۇراۋعا جاۋاپ بەردى.
باقتاشى: تاڭداۋلى، تولىمدى، اسىل تۇقىمدى قوشقاردى قالاي جەتىلدىرۋ، قالاي باعۋ كەرەك؟
گۇڭ چاڭحاي: تولىمدى قوشقار جەتىلدىرۋدىڭ، باعۋدىڭ مىناداي 4 باسقىشى بار: ەڭ اۋەلى، اسىل تۇقىمدى قوشقاردى تاڭداپ ءوسىرۋ. مۇندا باسى ۇلكەن، دەنى ساۋ، ىندەتكە شالدىقپاعان، تازا تەكتى، اسىل تۇقىمدى قوشقاردى تاڭداۋ كەرەك، ەكىنشى، اسىل تۇقىمدى قوشقاردى باعۋ ءادىسى. قاجەتكە قاراي ولارعا جەتكىلىكتى بەلوك، مينەرالدىق زات جانە ۆيتامين تولىقتاۋ كەرەك؛ ءۇشىنشى، اسىل تۇقىمدى قوشقاردى باعىپ - باپتاۋ شاراسى. باسقا قويلاردىڭ تىنىشىن الۋ مۇمكىندىگىن ازايتۋ ءۇشىن اسىل تۇقىمدى قوشقارلاردى توپقا، قوراعا ءبولىپ، بولەك باعۋ كەرەك؛ ءتورتىنشى، اسىل تۇقىمدى قوشقارلاردى ۇيلەستىرىپ پايدالانۋ. اسىل تۇقىمدى قوشقار 8 ايلىق كەزىندە، ولاردى لايىقتى تۇردە ۇيرەتۋ كەرەك.
باقتاشى: اسىل تۇقىمدى قوشقاردىڭ ولشەمگە تولاتىن - تولمايتىندىعىن قالاي پارىقتايمىز؟
گۇڭ چاڭحاي: تولىمدى اسىل تۇقىمدى قوشقار تومەندەگىدەي 4 ءتۇرلى شارتتى ازىرلەۋى كەرەك، ءبىرىنشى، اسىل تۇقىمدى قوشقار ۇزاق ۋاقىت بويى ورتا، جوعارى دەڭگەيدە كۇيلى بولۋى كەرەك؛ ەكىنشى، سەرگەك، شىمىر، قايراتتى بولۋى كەرەك؛ ءۇشىنشى، سپەرمانىڭ ساپاسى جاقسى بولۋى كەرەك؛ ءتورتىنشى، تىم سەمىرىپ نەمەسە تىم ارىقتاپ كەتپەۋى كەرەك.
باقتاشى: اسىل تۇقىمدى قوشقاردى قالاي ساراپتايمىز؟
گۇڭ چاڭحاي: اسىل تۇقىمدى قوشقاردى ادەتتە 1 − 2 جاس كەزىندە ساراپتايدى، اسىل تۇقىمدى قوشقاردى ساراپتاۋ قوشقاردىڭ جاسىن ساراپتاۋدى، دەنە ءبىتىمىن ساراپتاۋدى قامتيدى. جاسىن ساراپتاۋ باسقا جاقتاعى ساراپتاۋدىڭ نەگىزى. قازىر جاسىن ساراپتاۋدىڭ ءبىرشاما سەنىمدى ءادىسى ءالى دە تىسىنە قاراپ ساراپتاۋ بولىپ تابىلادى. ءتىستىڭ ءوسىپ - جەتىلۋى، ءپىشىنى، تىسەۋى، قاجالۋى، بوساۋى زاڭدىلىقتارىنا نەگىزدەلە وتىرىپ، جاسىن ءبىرشاما دۇرىس ساراپتاۋعا بولادى؛ دەنە ءبىتىمىن ساراپتاۋداعى ماقسات اسىل تۇقىمدى قوشقاردىڭ تۇقىمدىق ەرەكشەلىگىن، تۇقىمدىققا پايدالانۋ قۇنىن جانە قوزىلاتۋ دەڭگەيىن تۇراقتاندىرۋ. دەنە ءبىتىمىن ساراپتاۋ كوبىنەسە دەنەسىن ولشەۋ ارقىلى جۇزەگە اسادى. مۇندا، باستىسى، دەنەسىنىڭ بيىكتىگى، دەنەسىنىڭ ۇزىندىعى، كوكىرەك ورامى، جىلىنشىك ورامى نەگىز ەتىلەدى.
كەيىپكەر ارحيۆى: گۇڭ چاڭحاي، تارىم داشۋەسىنەن وقۋ تاۋىسقان، بايىنعولين موڭعۇل اۆتونوميالى وبلىستىق مال شارۋاشىلىعى قىزمەت پۋنكتىنىڭ اۋىل شارۋاشىلىعىن جالپىلاستىرۋ زەرتتەۋشىسى، قىزمەتكە قاتىناسقان 30 نەشە جىلدان بەرى مال، قۇس ءوسىرۋ، كوبەيتۋ، اسىلداندىرۋ، مال شارۋاشىلىعى تەحنيكاسىن جالپىلاستىرۋ جانە مال شارۋاشىلىعى كاسىبى ارقىلى كەدەيلەردى سۇيەمەلدەۋ سياقتى قىزمەتتەرمەن اينالىسىپ كەلەدى، بايىنعولين وبلىسىنىڭ سيىر، قوي ءوسىرۋ، اسىلداندىرۋ مامانى. مەملەكەت جانە اۆتونوميالى رايوننىڭ عىلىم - تەحنيكا نىساندارىن كوپ رەت باسقارعان جانە وعان قاتىناسقان ءارى اۆتونوميالى رايوننىڭ عىلىم - تەحنيكا العاباسارلىعى ەكىنشى دارەجەلى سيلىعىنا يە بولعان.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
