20 – قۇرىلتاي ۋاكىلدەرىنىڭ كەلبەتى | جين ۋىنليڭ: قىزمەت ورنىندا قۇلپىرعان الپەنشەك گۇلى

2022.10.14 15:57   كەلۋ قاينارى : حالىق تورابى

　　پارتيانىڭ 19 – قۇرىلتايىنان پارتيانىڭ 20 – قۇرىلتايىنا دەيىن، جين ۋىنليڭ جالعاستى ەكى كەزەك پارتيانىڭ مەملەكەتتىك قۇرىلتايىنىڭ ۋاكىلى بولىپ سايلاندى. جين ۋىنليڭ بيىل 51 جاستا، ۇلتى چاۋشيان، قازىر جۇڭگو مۇناي – حيميا سەرىكتەستىگى جيلين چاڭچۇن مۇناي بولىمشە سەرىكتەستىگى دۇڭفىڭ كوشەسى ماي قۇيۋ پۋنكتىنىڭ پارتيا ياچەيكا شۋجيى، ورىنباسار پۋنكت باستىعى.

　　جين ۋىنليڭ: «ادامنىڭ ەڭبەكقور بولعانى، ءوزى قىزۋ سۇيەتىن ىسپەن شۇعىلدانعانى ءجون، سوندا عانا ءار كۇندى ءماندى وتكىزگەندەي سەزىنۋگە بولادى»، — دەيدى. مۇناي سالاسىنا دەگەن شەكسىز ادالدىعى مەن ومىرلىك مۇراتقا دەگەن ريزاسىز ىزدەنىسىنىڭ ارقاسىندا، جين ۋىنليڭ ماي قۇيۋدان «بەيحابار ادامنان»، بىرتىندەپ ماي قۇيۋ پۋنكتىنىڭ ۇزدىك باستىعى بولىپ جەتىلدى. ول ماي قۇيۋ پۋنكتىندەگى ءاربىر قىزمەتكە جەتىك، ول كەلىپ – كەتكەن جولاۋشىلارمەن اڭگىمەلەسكەندى ۇناتادى، باسقالاردىڭ نازارىندا جاپالى، قيىن سەزىلەتىن ءىستى ول كوڭىلدى ءىس دەپ سەزىنەدى.

　　جين ۋىنليڭ: «كوپ ۇيرەنۋ، كوپ جاتتىعۋ، كوپ قورىتىندىلاۋ، قىزمەتتە ىرىقتىلىقپەن باستاماشىلىق رول اتقارۋ كەرەك»، — دەيدى. 2018 – جىلى 2 – ايدا، جين ۋىنليڭ يانبيان مۇناي بولىمشە سەرىكتەستىگىنىڭ ساپانى باسقارۋ قىزمەت ورنىنا جوتكەلەدى. بەيتانىس قىزمەت ورنىندا تاجىريبەنىڭ جەتەرسىزدىگىنە ءدوپ كەلگەن ساتتە، جين ۋىنليڭ باسشىلار مەن جانىنداعى قىزمەتتەستەرىنەن كىشپەيىلدىكپەن كەڭەس سۇراپ، ءبىر جاعىنان ۇيرەنىپ، ءبىر جاعىنان قورىتىندىلاپ، وزىنە اناعۇرلىم قاتاڭ تالاپ قويىپ، اپتا سايىن دەمالىس ۋاقىتىنان پايدالانىپ «ساباق تولىقتاۋعا» تاباندى بولىپ، قىزمەت قابىلەتىن جەدەل جوعارىلاتىپ، سان مەن ساپانى باسقارۋدىڭ مايتالمانىنا اينالدى. ءار جولى شۇعىل، كۇردەلى، حاۋىپتى، اۋىر مىندەتتەرگە جولىققاندا، جين ۋىنليڭ پارتيا ۋاكىلى سالاۋاتىن ايگىلەپ، اتويلاپ الدا ءجۇرىپ، قامال الىپ، باتىلدىقپەن قيىنشىلىقتى جەڭۋدەگى باستاماشى بولدى.

　　2022 – جىلى 1 – ايدا جين ۋىنليڭ يانبيان مۇناي بولىمشە سەرىكتەستىگىنەن چاڭچۇن مۇناي بولىمشە سەرىكتەستىگىنە اۋىسىپ بارىپ، پارتيا ياچەيكاسىنىڭ شۋجيى، ورىنباسار پۋنكت باستىعى مىندەتىن اتقارادى. ول پۋنكتتەگى قىزمەتكەرلەردى ىنتىماقتاستىرىپ، پارتيا ۇيىمىنىڭ ساياسي باسىمدىلىعىن ساۋلەلەندىرىپ، پارتيا قۇرىلىسىن تيجاراتپەن توعىستىرىپ، سەرىكتەستىكتىڭ ءتۇرلى ساۋدالاۋ ساياساتتارىن يكەمدى پايدالانىپ، پارتيا مۇشەلەرىن باستاپ، ماي قۇيۋ ناق مايدانى مەن الدىڭعى تەكشەلىك تەرەزەلەرگە بارىپ ىرىقتىلىقپەن ورىن تولىقتاپ، جۇيەلى قىزمەت وتەۋدە، كۇلىمسىرەپ قىزمەت وتەۋدە ۇلگى بولىپ جانە ونى ىلگەرىلەتىپ، پۋنكتتىڭ تيجارات مولشەرىن ۇزدىكسىز جوعارىلاتتى.

　　جين ۋىنليڭ: «مەن كوممۋنيسپىن، ءسوزسىز، پارتيانىڭ ءسوزىن تىڭداۋىم، پارتياعا ىلەسۋىم كەرەك، ءارقانداي ساتتە دە پارتياعا كىرۋ سەرتىن ۇمىتۋىما بولمايدى، نەلىكتەن ساپارعا اتتانعانىمدى ۇمىتۋىما بولمايدى»، — دەيدى.

　　پارتيا 19 – قۇرىلتايىنىڭ ۋاكىلى بولىپ سايلانعان 5 جىلدان بەرى، جين ۋىنليڭ پارتيا ۋاكىلىندىك قىزمەت جاۋاپكەرشىلىگىن مۇقيات اتقارىپ، پارتيانىڭ لۋشيانى مەن باعىت – ساياساتتارىن ويداعىداي ۇگىتتەۋشى، جانىنداعى قىزمەتكەرلەر مەن بۇقارانىڭ سىرلاسى بولا ءبىلدى، پارتيا ۋاكىلى سىندى داڭقتى بورىشتى امالياتتا ايگىلەدى. قازىرگى تاڭدا، پارتيا 20 – قۇرىلتايىنىڭ ۋاكىلى بولىپ سايلانعان سوڭ، جين ۋىنليڭ قىزمەتتەگى مول تابىستارىمەن تاعى دا ساپارعا اتتاندى.

　　الپەنشەك گۇلى — تاۋ قويناۋى مەن اتىز اراسىندا اشىلاتىن گۇل، ول كوكتەمنىڭ ەلشىسى، قۇت پەن باقىتتىڭ نىشانى. جين ۋىنليڭ قاراپايىم ارەكەتتەرى ارقىلى جانىنداعى ءاربىر ادامعا جىلۋلىق سيلاپ، كوكتەمدەگى ەڭ الدىمەن اشىلاتىن الپەنشەك گۇلىندەي قۇلپىردى. (فىڭ شيڭ)

　　كەلۋ قاينارى: حالىق تورابى