ۇلتتار ىنتىماعىنىڭ گۇلدەرىن قورعايمىن

□ انار بۇلت \ شينجياڭ گازەتىنىڭ ءتىلشىسى لياڭ ليحۋا

2022.10.14 16:23   كەلۋ قاينارى : شينجياڭ گازەتى

　　ماريامگۇل (ورتادا) وقۋشىلارعا جەتەكشىلىك ەتۋدە (2020 - جىلى 5 - ايدا تۇسىرىلگەن).

　　□ سۋرەتتى ءوزى بەرگەن

　　”مۇعالىم، ءسىز پارتيا 20 - قۇرىلتايىنا ۋاكىل بولىپ سايلانىپسىز، ءبىز ءسىزدى ماقتانىش ەتەمىز“!

　　10 - ايدىڭ 2 - كۇنى، وقۋشىسىنان كەلتەحات تاپسىرىپ العاندا، تيانجين كاسىپتىك تەحنيكالىق شىفان داشۋەسى كاسىپتىك وقۋ - اعارتۋ شۋەيۋانى پارتيا كوميتەتىنىڭ ورىنباسار شۋجيى ماريامگۇل وبۇلقاسىم جادىراي كۇلدى.

　　بۇل كەلتەحات شينجياڭنان كەلگەن ەدى، وعان كەلتەحات جولداپ وتىرعان 2021 - جىلى وقۋ تاۋىسقان سىچۋاندىق وقۋشىسى ۋىن ۋىن بولاتىن. ماريامگۇلدىڭ ىقپالىمەن، بىلتىر جازدا ۋىن ۋىن گۋما اۋدانىنا بارىپ قىزمەت ىستەۋدى تاڭدادى.

　　”مۇعالىم ۇنەمى بىزگە شينجياڭنىڭ مادەنيەتىن، كورىنىسىن، ءدامدى تاعامدارىن ايتىپ بەرىپ، مەكتەپتەس اعا - اپەكەلەرىمىزدىڭ شەكارا وڭىرگە تامىر تارتقان حيكايالارىن اڭگىمەلەپ، ءبىزدى ءوز ارمانىمىزدى، تالپىنىسىمىزدى پارتيا مەن مەملەكەتتىڭ ىستەرىمەن توعىستىرۋعا تاربيەلەيتىن“. ۋىن ۋىن: مەكتەپ بىتىرگەننەن كەيىن شينجياڭعا بارىپ قىزمەت ىستەۋ ويى كوڭىلىمدە تۋىنداي باستادى، - دەدى.

　　تيانجين كاسىپتىك تەحنيكالىق شىفان داشۋەسىندە قىزمەت ىستەگەنىنە 3 جىل عانا بولسا دا، ماريامگۇلدىڭ وقۋشىلار قىزمەتى جونىندەگى باستان كەشكەندەرى مول ەدى.

　　2008 - جىلى، ماريامگۇل جۇڭنان ۇلتتار داشۋەسىنە قابىلداندى، مەكتەپ بىتىرگەننەن كەيىن، مەكتەپتە قالىپ تاربيەشى بولدى؛ 2015 - جىلى، ول شينجياڭ داشۋەگە قايتىپ وقىتۋشى بولۋدى تاڭداپ، مەكەنىنىڭ قۇرىلىسىنا كۇش قوستى. 2019 - جىلى، ول تيانجين كاسىپتىك تەحنيكالىق شىفان داشۋەسىنە بارىپ قىزمەت ىستەپ، شينجياڭنىڭ سىرتىنداعى از ۇلت جوعارى مەكتەپ وقۋشىلارىنا جاقىننان جان اشىر بولىپ جەتەكشىلىك قىزمەت وتەدى.

　　”مۇنىڭ قۇپياسى وقۋشىلاردىڭ ەرەكشەلىگىنە قاراي تاربيە جۇرگىزىپ، ولارمەن ەتەنە ارالاسىپ كەتۋ“. وقۋشىلار قىزمەتىن قايتكەندە ويداعىداي ىستەۋگە بولاتىندىعى تۋرالى اڭگىمەلەسكەندە، ماريامگۇل ماقتانىشپەن: شىن ىقىلاسقا بولەۋ ارقىلى شىن ىقىلاسقا بولەنەمىن، - دەدى. اڭگىمەلەسىپ وتىرعاندا، ءوزى ەڭ ريزا بولاتىن ءبىر ءىستى ايتتى.

　　ەندى عانا تيانجينگە بارىپ قىزمەت ىستەگەندە، وقۋشىلارمەن ارالىعىن جاقىنداستىرۋ ءۇشىن، ماريامگۇل ءبىر قىز وقۋشىنىڭ ۋيچاتىن قوسىپ الادى، قىز وقۋشى ودان ءوزىنىڭ دوستىق شەڭبەرىن دالدالاپ تاستايدى.

　　بۇل وقۋشىنىڭ جاعدايىن قايتكەندە تۇسىنە الامىن دەپ ويلاعان ماريامگۇل ونى دوۋيىننان ىزدەپ تاۋىپ، ونىمەن سويلەسە باستايدى، بىرتە - بىرتە تانىستىقتارى قويۋلاپ، دوستارعا اينالادى.

　　”ول دوۋيىنعا ارىقتاتاتىن تاعامداردى شىعارىپ قويىپتى، مەن وعان باعا ءسوزىن قالدىرىپ، ارىقتاتۋ تاعامدارىن سىناپ كورىپ ونىمدىلىگىن جازىپ ەدىم، ارامىز جاقىنداسىپ شىعا كەلدى“، - دەيدى ماريامگۇل.

　　وقۋشىنىڭ سەنىمىنە يە بولۋ ءۇشىن، تەك دوستاسۋعا عانا سۇيەنۋ جەتكىلىكتى بولمايدى. مەكتەپتىڭ از ۇلتتاردى باسقارۋ، قىزمەت وتەۋ قىزمەت كەڭسەسىندەگى وقىتۋشى رەتىندە، ماريامگۇل قاي - قاشان دا وقۋشىلاردىڭ كيىم - كەشەك، جاتار ورنىنا دەيىن باس قاتىرىپ، ولاردى الاڭنان ارىلتىپ، قيىنشىلىقتارىن شەشىپ، ولاردىڭ ”سىرلاس اپەكەسىنە“ اينالدى.

　　وقۋشى ادىلجان ابىلەت باسكەتبول، دەنە شىنىقتىرۋ سياقتى دەنە تاربيە ارەكەتتەرىن قاتتى جاقسى كورەتىن، الايدا ۇيرەنۋ ناتيجەسى جاقسى بولماي، كوپتەگەن ساباقتاردىڭ ەمتيحانىنان وتە الماي قالعان بولاتىن. ماريامگۇل ونىمەن بىرگە باسكەتبول ويناپ، ونى ىزدەپ بارىپ سىرلاسىپ، ۇزبەي جىگەرلەندىرىپ وتىردى. بۇگىنگى كۇندە، ول ەمتيحاننان وتە الماي قالعان ساباقتارىن اقىرىن - اقىرىن تولىقتاپ الدى.

　　وقۋشى تاجىگۇل تۇرسۇن مەملەكەتتە ءبىر تۇتاس قولدانىلاتىن تىلدە جاتىق سويلەي المايتىندىقتان، قىزمەت تابۋى ءساتسىز بولادى. ماريامگۇل بىلگەننەن كەيىن، ءار كۇنى ونىمەن بىرگە ءبىر ساعات جاتتىعادى. 2021 - جىلى 7 - ايدا، تاجىگۇل باتىس بولىك جوسپارى ەرىكتىسىنە اينالىپ، شينجياڭعا كەلەدى.

　　ماريامگۇل تاعى ءوزى باس بولىپ وقۋشى ەرىكتىلەردىڭ قىزمەت وتەۋ اترەتىن قۇرادى، كوپتەگەن از ۇلت وقۋشىلارى بۇعان بەلسەنە قاتىناسادى. قۇلشىنۋ ارقىلى كەيبىر از ۇلت وقۋشىلارى پارتياعا كىرۋ ءوتىنىشىن تاپسىرسا، كەيبىرەۋى تىزىمدەلىپ باتىس بولىك جوسپارى ەرىكتىسىنە اينالادى، مەكتەپتىڭ از ۇلت وقۋشىلارىنىڭ وقۋ سيلىق اقشاسىن الۋ سالىستىرماسى، جۇمىسقا ورنالاسۋ مولشەرى جىل سايىن جوعارىلايدى.

　　تيانجين كاسىپتىك تەحنيكالىق شىفان داشۋەسى كاسىپتىك وقۋ - اعارتۋ شۋەيۋانى وداق كوميتەتىنىڭ شۋجيى جاڭ يانشيا: ماريامگۇل ۇنەمى وقۋشىلارىنا ءوزىنىڭ ءوسىپ - جەتىلۋ بارىسىن اڭگىمەلەپ بەرىپ، از ۇلت وقۋشىلارىن وزىنە سەنىمىن كۇشەيتىپ، قۇلشىنا ۇيرەنۋگە، مەكەنگە ۇلەس قوسۋدى مۇرات تۇتۋعا جەتەلەيدى، - دەدى.

　　ماريامگۇلدىڭ جەتەكشىلىگىندە ءار ۇلت وقۋشىلارى ارالاسۋدى، ىشتەسۋدى، توعىسۋدى ۇزدىكسىز كۇشەيتىپ، ءبىر - بىرىمەن ءتىپتى دە بىتە قايناسىپ، جۇڭحۋا ۇلتى ورتاق تۇلعا تانىمىن بەرىك ورناتۋدى جۇرەكتەرىنىڭ تەرەڭ تۇكپىرىنە ۇيالاتتى.

　　پارتيا 20 - قۇرىلتايىنىڭ ۋاكىلى بولىپ سايلانعان سوڭ، ماريامگۇل يىعىنداعى جاۋاپكەرشىلىكتىڭ ءتىپتى دە اۋىرلاعانىن سەزىنىپ: ”مەن پارتيا قۇرىلتايىنىڭ ۋاكىلىندىك رولىمدى تولىق ساۋلەلەندىرىپ، وقۋشىلاردىڭ ويداعىداي جول باستاۋشىسى بولىپ، ۇلتتار ىنتىماعىنىڭ گۇلدەرىن ويداعىداي قورعايمىن“، - دەدى.