مەملەكەتتىك قارتتار قىزمەتى كەڭسەسى 2022 — 2025 – جىلدارى ەلىمىز بويىنشا قارتتاردىڭ قورەكتەنۋىن جاقسارتۋ ارەكەتىن ۇيىمداستىرىپ ورىستەتەدى

2022.10.25 14:47   كەلۋ قاينارى : حالىق تورابى

　　سۋرەتتە: قارتتار 2022 – جىلى 6 – ايدىڭ 21 – كۇنى، فۋجوۋ قالاسى جين – ان رايونى يۋەفىڭ قالاشىعى گۇيشي الەۋمەتتىك اۋماعىنداعى قارتتار اسحاناسىنان تاماقتانۋدا. شينحۋا اگەنتتىگىنىڭ ءتىلشىسى جياڭ كىحۇڭ فوتوسى

　　قارتتاردىڭ قورەكتەنۋى مەن دەنساۋلىق جاعدايىن اناعۇرلىم جاقسارتۋ، ساۋ دەنەلى قارتتانۋدى ىلگەرىلەتۋ ءۇشىن، مەملەكەتتىك قارتتار قىزمەتى كوميتەتىنىڭ كەڭسەسى جۋىردا ۇقتىرۋ جاريالاپ، 2022 — 2025 – جىلدارى ەلىمىز بويىنشا قارتتاردىڭ قورەكتەنۋىن جاقسارتۋ ارەكەتىن ۇيىمداستىرىپ ورىستەتۋدى ماقۇلدادى.

　　ۇقتىرۋعا نەگىزدەلگەندە، قارتتاردىڭ قورەكتەنۋىن جاقسارتۋ ارەكەتى قارتتاردىڭ قورەكتەنۋى، دەنساۋلىعى جونىندەگى بىلىمدەردى ۇگىتتەۋ، قارتتاردىڭ قورەكتەنۋىنە قاتىستى شارالاردى ورتاعا قويۋ، قارتتاردىڭ قورەكتەنۋىنە، دەنساۋلىعىنا قاتىستى قىزمەت وتەۋ قۋاتىن جوعارىلاتۋ جانە قارتتاردىڭ قورەكتەنۋى مەن دەنساۋلىعىنا قاتىستى الەۋمەتتىك يگىلىك سيپاتىنداعى قيمىلداردى ۇيىمداستىرۋ قاتارلى 4 ءتۇرلى مازمۇندى قامتيدى.

　　ۇعىسۋعا قاراعاندا، قارتتاردىڭ قورەكتەنۋىن جاقسارتۋ ارەكەتىن مەملەكەتتىك قارتتار قىزمەتى كوميتەتىنىڭ كەڭسەسى ۇيىمداستىرادى جانە وعان باسشىلىق ەتەدى، جۇڭگو قورەكتىك سالاسىن باسقارۋ قوعامى ۇيىمداستىرىپ اتقارادى. جۇڭگو قورەكتىك سالاسىن باسقارۋ قوعامى جەر – جەردەگى قارتتاردىڭ قورەكتەنۋىن جاقسارتۋ ارەكەتىنە جەتەكشىلىك ەتۋ، قارتتاردىڭ قورەكتەنۋىنە قاتىستى عىلىمدى جالپىلاستىرۋ سيپاتىنداعى ۇگىت ماتەريالدارىن جوبالاۋ، قارتتاردىڭ قورەكتەنۋىنە، دەنساۋلىعىنا قاتىستى ونەرگە تاربيەلەۋ كۋرستارىن ۇيىمداستىرۋ، قارتتاردىڭ قورەكتەنۋىن جاقسارتۋعا قاتىستى الەۋمەتتىك يگىلىك سيپاتىنداعى قيمىلداردى ورىستەتۋ قاتارلىلارعا جاۋاپتى بولادى.

　　كەلۋ قاينارى: حالىق تورابى