ەكى ادام وتىرۋعا بولاتىن زەردەلى، بولشەكتەۋگە بولاتىن، ۇشاتىن اۆتوموبيل ينجەنەرياسى بويىنشا ۇلگى اۆتوموبيلدى زەرتتەپ جاساۋ ءساتتى بولدى

2022.11.21 15:52   كەلۋ قاينارى : حالىق تورابى

　　سۋرەتتە: بەيجيڭ تەحنولوگيالىق داشۋەسىنىڭ ەكى ادام وتىرۋعا بولاتىن، زەردەلى، بولشەكتەۋگە بولاتىن، ۇشاتىن اۆتوموبيل ينجەنەرياسىنداعى ۇلگى اۆتوموبيل.

　　ءتىلشىنىڭ چۇڭچيڭ قالالىق عىلىم - تەحنيكا مەكەمەسىنەن ۇعىسۋىنشا، جۇڭگو ينجەنەريا اكادەمياسىنىڭ اكادەميگى شياڭ چاڭلىنىڭ ۇجىمى زەرتتەگەن ەكى ادام وتىرۋعا بولاتىن، زەردەلى، بولشەكتەۋگە بولاتىن، ۇشاتىن اۆتوموبيلدى بەيجيڭ تەحنولوگيالىق داشۋەسى، بەيجيڭ تەحنولوگيالىق داشۋەسى چۇڭچيڭ جاڭالىق اشۋ ورتالىعى، كۋحەي عىلىم - تەحنيكا (بەيجيڭ) شەكتى سەرىكتەستىگى قاتارلىلار چۇڭچيڭ قالاسىمەن بىرلەسە وتىرىپ جاريالاعان.

　　ۇشاتىن اۆتوموبيلگە دەربەس زەرتتەپ جاساعان ۆەرتيكال ۇشىپ - قونۋ اسپابى، زەردەلى مەڭگەرۋ بولمەسى جانە اۆتوماتتى جۇرگىزۋ وتىرعىسى سىندى ءۇش دارا بولىكتى بولشەكتەمەلى فورما قولدانىلعان، ادام، زات تاسىمالداۋعا بولاتىن كەڭىستىكتىك تاسىمال جۇيەسىنە قاراي قادام تاستاعان.

　　مۇندا، دەربەس زەرتتەپ جاساعان ۆەرتيكال ۇشىپ - قونۋ اسپابى ەڭ كوپ بولعاندا 650 كيلوگرام سالماقتاعى زاتتى الىپ ۇشا الادى، التى اۋا جولىندىق جانە اشىق فورماداعى سەگىز بىلىكتى 16 اينالما قالاقشالى ەكى ءتۇرلى فورمادا جاسالادى، ءوز سالماعىنان سىرت 280 كيلوگرام زات تيەۋگە بولادى؛ زەردەلى مەڭگەرۋ بولمەسىنە اسا جەڭىلدەندىرىلگەن فورماداعى وتىرۋ بولمەسى مەن بەزەندىرۋ جوباسى قولدانىلعان، ءوز سالماعى 80 كيلوگرام، ەكى ورىندىق ورنالاستىرىلعان؛ اۆتوماتتى جۇرگىزۋ وتىرعىسى ەڭ كوپ بولعاندا 500 كيلوگرام زاتتى كوتەرە الادى، جوباداعى ەڭ تەز قارقىنى ساعاتىنا 80 كيلومەتر.

　　تانىستىرۋعا قاراعاندا، بۇل ۇشاتىن اۆتوموبيل جەرگە جاقىن ۇشۋ اسپابى مەن جەر بەتىندە جۇرەتىن وتىرعىنىڭ ءوزدى - ءوزىنىڭ ارتىقشىلىقتارىن، پاراساتتى قاتىناس باسىمدىلىعىن، ەنەرگيا ونىمدىلىگى ەڭ جاقسى بولۋ ەرەكشەلىگىن تولىق ساۋلەلەندىرىپ، ادامدى، زاتتى اۋە ارقىلى تاسىمالداۋدا جىكسىز ۇشتاستىرۋدى ىسكە اسىرۋعا بولادى، اناعۇرلىم يكەمدى ەرەكشەلىككە يە. قۇرلىق پەن اۋە اراسىن سايكەستىرە وتىرىپ، دالمە - ءدال سەزۋ ارقىلى ورنىن بەلگىلەۋ، زەردەلى تۇردە شەشىم قابىلداۋ جانە پلانداۋ، ۇشتاستىرۋعا اۆتوماتتى جەتەكشىلىك ەتۋ قاتارلى تەحنيكالاردان پايدالانىپ، بولىك قۇرامالارىن قايتادان قالىپتاستىرىپ، قۇرلىق پەن اۋە اراسىنداعى ۇشۋ نەمەسە ءجۇرۋ سىندى ۇقساماعان فورمانى اۋىستىرا الادى.

　　كەلۋ قاينارى: حالىق تورابى