140 جىل كوزگە شالىنباعان قۇس قايتا بايقالدى

2022.11.23 14:59   كەلۋ قاينارى : حالىق تورابى

　　پاپۋا - جاڭا گۆينەياداعى شاعىن يەن ارالدان 2015 - جىلى 7 - ايدىڭ 8 - كۇنى تۇسىرىلگەن سۋرەت. شينحۋا اگەنتتىگىنىڭ ءتىلشىسى جاڭ جيانسۇڭ فوتوسى

　　قارا جەلكەلى قىرعاۋىل — 140 جىل بويى كورىنبەي كەتكەن، وسىنىڭ الدىندا تۇقىمى قۇرىدى دەپ تۇجىرىم جاسالعان قۇس، بۇل قۇس جۋىردا پاپۋا - جاڭا گۆينەياداعى شاعىن ارالدان بايقالىپ، عالىمداردى شاتتاندىردى.

　　ا ق ش سىمدى تەلەۆيزيا اقپارات تورابىنىڭ 11 - ايدىڭ 19 - كۇنى حابارلاۋىنشا، بۇل قۇستىڭ باسى ءبىرشاما ۇلكەن بولادى، جەر بەتىندە قوناقتايدى، داۋىسى وتە عاجايىپ، الدىڭعى رەت عالىمدار بۇل قۇستى 1882 - جىلى بايقاعان.

　　قۇجاتتارداعى ەستەلىكتەرگە قاراعاندا، پاپۋا - جاڭا گۆينەياداعى فورۋگۋسەن ارالى — قارا جەلكەلى قىرعاۋىلدىڭ بىردەن - ءبىر تىرشىلىك ەتەتىن جەرى. زەرتتەرمەندەر 2019 - جىلى وسى اراعا بارىپ، بۇل قۇستىڭ دەرەگىن ىزدەستىرگەندە، قۇر الاقان قايتقان بولاتىن، بيىل 9 - ايدا تاعى ءبىر رەت سىناپ كورۋگە بارعان.

　　ولار ارالدا ءبىر ايداي ايالداپ، جەرگىلىكتى ورىنداعى اڭشىلاردان وسىنداي قۇستى كورگەن - كورمەگەنىن سۇراستىرعان ءارى وسى قۇس تىرشىلىك ەتۋى مۇمكىن دەگەن وڭىرلەرگە جيىنى 20 نەشە كامەرا ورناتقان. زەرتتەرمەندەر اتتانارعا ەكى كۇن عانا قالعان كەزدە، تىك بەتكەيلى، تەرەڭ سايلى وڭىرگە ورنالاستىرىلعان كامەرا قارا جەلكەلى قىرعاۋىلدىڭ جىنىس ورماندا كەتىپ بارا جاتقان كورىنىسىن تۇسىرگەن.

　　زەرتتەرمەندەر قارا جەلكەلى قىرعاۋىلدى قۇس ىشىندەگى «سىڭار ءمۇيىز» دەسەدى. ولاردىڭ ايتۋىنشا، قارا جەلكەلى قىرعاۋىلدىڭ قايتادان بايقالۋى «تۇقىمى قۇرىعان دەپ تانىلعان» اناعۇرلىم كوپ قۇستاردىڭ قايتادان بايقالۋى مۇمكىن دەگەن ءۇمىت ۇيالاتتى.

　　كەلۋ قاينارى: حالىق تورابى