توپتىق سۋرەتكە ءتۇستى! «عارىشتا كەزدەسۋدى» تۇڭعىش رەت ىسكە اسىردى

2022.11.30 11:07   كەلۋ قاينارى : حالىق تورابى

　　جۇڭگو عارىشكەرلى عارىش ينجەنەرياسى كەڭسەسىنەن الىنعان حابارعا قاراعاندا، عارىشكەرلى الەم كەمەسى مەن عارىش بەكەتىنىڭ قۇراما تۇلعاسى دەربەس، تەز ارادا ءتۇيىلىسۋدى ورىنداعان سوڭ، شىنجوۋ 15 – ءنومىرلى الەم كەمەسىندەگى عارىشكەرلەر الەم كەمەسىنىڭ قايتۋ بولمەسىنەن وربيتالىق بولمەگە كىردى. ءتۇرلى دايىندىقتاردى ورىنداعان سوڭ، بەيجيڭ ۋاقىتى بويىنشا 2022 – جىلى 11 – ايدىڭ 30 – كۇنى ساعات 7 دەن 33 مينۋت وتكەندە، وسى ءساتتى اسىعا كۇتكەن شىنجوۋ 14 – ءنومىرلى الەم كەمەسىندەگى عارىشكەرلەر «بولمە ەسىگىن» ءساتتى اشىپ، الىستان كەلگەن تۋىستارىن قىزۋ قارسى الىپ، «تيانگۇڭعا» باستاپ كىردى. وسىدان سوڭ، «جەڭىسپەن جۇزدەسكەن» ەكى توپتاعى عارىشكەرلەر جۇڭگولىقتاردىڭ ءوزىنىڭ «عارىشتاعى مەكەنىندە» تاريحتىڭ بەتىنە جازىلۋعا تۇرارلىقتاي عارىشتاعى ەستەلىك سۋرەتكە ءتۇستى.

　　الدا، ەكى توپتاعى عارىشكەرلەر عارىش بەكەتىندە تۇڭعىش رەت وربيتادا اۋىسۋدى ورىندايدى. وسى مەزگىلدە، التى عارىشكەر عارىش بەكەتىندە شامامەن بەس كۇندەي بىرگە قىزمەت ىستەيدى، بەلگىلەنگەن ءتۇرلى مىندەتتەردى جانە مىندەت اۋىستىرۋ قىزمەتىن ورىندايدى.

　　كەلۋ قاينارى: حالىق تورابى