سىچۋان ولكەسى يبين قالالىق ساقشى جاعى الەم چەمپيوناتى مەزگىلىندە فۋتبولعا قاتىستى شەكارا اتتاعان قۇمار ويناۋ دەلوسىن انىقتادى

دەلو سوماسى 140 ميلليون يۋاننان استى

2022.12.14 15:07   كەلۋ قاينارى : حالىق تورابى

　　سۋرەتتە: ساقشى جاق قىلمىس كۇماندىلارىن تۇتقىنداۋدا. سىچۋان ولكەسى يبين قالالىق قوعام حاۋىپسىزدىگى مەكەمەسى بەرگەن

　　جۇڭگو اقپارات تورابىنىڭ ءتىلشىسى ان يۋان 12 – ايدىڭ 13 – كۇنى چىڭدۋدان حابارلايدى. ءتىلشىنىڭ 12 – ايدىڭ 13 – كۇنى سىچۋان ولكەلىك قوعام حاۋىپسىزدىگى مەڭگەرمەسىنەن ۇعىسۋىنشا، سىچۋان ولكەسى يبين قالالىق قوعام حاۋىپسىزدىگى مەكەمەسى شۇيجوۋ رايوندىق بولىمشە مەكەمەسى جۋىردا شەكارا سىرتىنداعى قۇمار ويناۋ تورابى ارقىلى ينتەرنەتتە فۋتبولعا قاتىستى قۇمار ويناۋعا ادام ۇيىمداستىراتىن توپتان ەكەۋىن ءساتتى تالقانداعان. قىلمىس كۇماندىلارىنان 22 ادامدى قولعا تۇسىرگەن، دەلوعا قاتىستى سوما 140 ميلليون يۋاننان اسقان.

　　ۇعىسۋعا قاراعاندا، سىچۋان ولكەسى يبين قالالىق قوعام حاۋىپسىزدىگى مەكەمەسى شۇيجوۋ رايوندىق بولىمشەسى جۋىردا بۇقارانىڭ مالىمدەۋىن تاپسىرىپ العان، مالىمدەۋشى ادام بىرەۋلەردىڭ شەكارا سىرتىنداعى قۇمار ويناۋ تورابى ارقىلى ينتەرنەتتە قۇمار ويناۋعا ادامداردى ۇيىمداستىرعانىن ايتقان. يبين قالالىق قوعام حاۋىپسىزدىگى مەكەمەسىنىڭ جەتەكشىلىك ەتۋىندە، شۇيجوۋ رايوندىق قوعام حاۋىپسىزدىگى مەكەمەسى الىمدى ساقشى كۇشىنەن ارناۋلى دەلو گرۋپپاسىن قۇرىپ، ءجىپ ۇشتارىنا ىشكەرىلەي تەكسەرۋ جۇرگىزىپ، ەكى توپتاعىلاردىڭ قىلمىس فاكتتەرى مەن توپتىڭ ۇيىمدىق وزەكتى ادامدارى، قۇرىلىمى، ۋاكىلدىك قىزمەتكەرلەرى قاتارلى نەگىزدىك ينفورماتسيالارىن جانە ونىڭ باستى قيمىل ورنىن ىشكەرىلەي مەڭگەرگەن.

　　2022 – جىلى 12 – ايدىڭ 10 – كۇنى كەشتە، ارناۋلى دەلو ءبىتىرۋ گرۋۋپپاسى يبين، چىڭدۋ قاتارلى جەرلەردە شوعىرلى تۇردە تور جيۋ ارەكەتىن ۇيىمداستىرىپ، كاتار الەم چەمپيوناتى باستالعاننان بەرگى يبين قالاسىنداعى تۇڭعىش رەتكى فۋتبولعا قاتىستى قۇمار ويناۋ دەلوسىن ءساتتى انىقتاپ، قىلمىس كۇماندىلارىنان 22 ادامدى تۇتقىندادى، دەلوعا قاتىستى سوما 140 ميلليون يۋاننان استى، ناق مايداندا ءبىر ميلليون 150 مىڭ يۋاننان استام ناق اقشا مەن قولفون، كومپيۋتەر، بانكە كارتۋچكاسى، ەسەپ داپتەرى قاتارلى دەلوعا قاتىستى زاتتاردى ۇستاپ قالعان.

　　تەكسەرۋگە قاراعاندا، كاتار الەم چەمپيوناتى باستالعاننان قازىرگە دەيىن، اتالعان قۇمار ويناۋ توبى شەكارا سىرتىنداعى قۇمار ويناۋ تورابى، قولفون APP قولدانباسى ارقىلى QQ، ۋيچات قاتارلى الەۋمەتتىك جەلىلەردەن پايدالانىپ، فۋتبولعا قاتىستى قۇمار ويناۋ تەكشەلەرىن ۇگىتتەپ، قولفون، ۋيچات قاتارلى تاسىلدەردەن پايدالانىپ، باسقالاردى (العاشقى قادامداعى تەكسەرۋگە قاراعاندا، قۇمارشىلاردىڭ سانى 700 ادامنان اسقان) شەكارا اتتاپ قۇمار تىگۋ ارقىلى فۋتبولعا قاتىستى قۇمار ويناۋ سىندى زاڭعا قايشى قىلمىستىق ارەكەتتەرگە قاتىناسۋعا ۇيىمداستىرىپ، وسىدان زاڭعا قايشى پايداعا قول جەتكىزگەن.

　　قازىر دەلوعا قاتىستى ادامداردىڭ بارلىعىنا زاڭ بويىنشا قىلمىستىق ىستەرگە ساي ءماجبۇرلى شارالار قولدانىلدى. دەلو قازىر ىشكەرىلەي ىستەلۋدە.

　　كەلۋ قاينارى: حالىق تورابى