وتاندىق رەاكتيۆتىك تارماق لەنيا جولاۋشىلار ۇشاعى ARJ21 تۇڭعىش رەت شەتەلدىك الارمانعا تاپسىرىلدى

2022.12.20 15:31   كەلۋ قاينارى : حالىق تورابى

　　سۋرەتتە: تۇڭعىش رەت شەتەلدىك الارمانعا تاپسىرىپ بەرىلگەن وتاندىق رەاكتيۆتىك تارماق لەنيا جولاۋشىلار ۇشاعى ARJ21 (سۋرەت 12 – ايدىڭ 18 – كۇنى تۇسىرىلگەن).

　　ءتىلشىنىڭ جۇڭگو ساۋدالىق ۇشاق جاساۋ سەرىكتەستىگىنەن ۇعىسۋىنشا، ەلىمىز ءوزى زەرتتەپ جاساعان، بۇكىلدەي دەربەس ءبىلىم مەنشىك ۇقىعىنا يە رەاكتيۆتىك تارماق لەنيا جولاۋشىلار ۇشاعى ARJ21 ۇشاعى 12 – ايدىڭ 18 – كۇنى تۇڭعىش شەتەلدىك الارمان — يندونەزيا ليڭيا اۆياتسيا (TransNusa) سەرىكتەستىگىنە رەسمي تاپسىرىپ بەرىلگەن، بۇل وتاندىق رەاكتيۆتىك جولاۋشىلار ۇشاعىنىڭ تۇڭعىش رەت شەتەل بازارىنا قادام تاستاعانىن كورسەتەدى.

　　وسى رەت ليڭيا اۆياتسيا سەرىكتەستىگىنە تاپسىرىپ بەرگەن ARJ21 ۇشاعى 95 ورىندىقتى بۇكىلدەي ەكونوم بولمەلى ۇشاق، جولاۋشىلار بولمەسىن اشەكەيلەۋ، جولاۋشىلار وتىراتىن ورىندىق جانە ۇشاقتىڭ سىرتقى جاعىن سىرلاۋ بۇكىلدەي الارماننىڭ تاپسىرىسى بويىنشا ىستەلدى. ۇشاق تۇلعاسىنىڭ سىرتقى جاعىنا ليڭيا اۆياتسيا سەرىكتەستىگىنىڭ LOGO رەڭى نەگىزىندە جوبالانعان ورنەك سالىندى، كوك ءتۇس كوك اسپانعا، سارى ءتۇس ادامزاتقا، جاسىل ءتۇس بايتاق جەرگە ۋاكىلدىك ەتەدى.

　　ARJ21 ۇشاعى قىسقا ارالىقتى، تۋربينالى تارماق لەنيا جولاۋشىلار ۇشاعى، ۇشۋ ارالىعى 2225 كيلومەتردەن 3700 كيلومەترگە دەيىنگى قاشىقتىقتا جەتەدى، باستىسى ورتالىق قالالار مەن ونىڭ توڭىرەگىندەگى قالالار اراسىنداعى تارالمالى تيپتەگى اۋە جولدارىنا پايدالانۋعا بولادى، جوعارى تەمپەراتۋراعا توزىمدىلىگى، قيىس جەلگە توزىمدىلىگى جانە تۇندە تاسىمالداۋ قۋاتى وتە تاماشا. بۇل ۇشاق تيپىنەن قازىرگە دەيىن جۇزگە جۋىق ۇشاق قولدانۋعا تاپسىرىلعان، 300 نەشە تارماق لەنيا اشىلعان، 100 نەشە قالاعا قاتىنايدى، حاۋىپسىز جەتكىزگەن جولاۋشى سانى 5 ميلليون 600 مىڭ ادام (رەت) بولعان. جۋىرداعى جىلداردان بەرى، جۇڭگو ساۋدالىق ۇشاق جاساۋ سەرىكتەستىگى «ءبىر بەلدەۋ، ءبىر جول» تۋرالى ورنالاستىرۋدى تىعىز توڭىرەكتەي وتىرىپ، شەتەل بازارىنداعى سەلبەستىك، ۇشۋعا ۇيلەسىمدىلىگىن كۋالاندىرۋ، الارمانداردى كۋرسقا قاتىناستىرۋ، ۇشاق ماتەريالىنا كەپىلدىك ەتۋ قاتارلى جاقتاردا نەگىز قالاۋ، جاڭالىق اشۋ سيپاتىنداعى ىزدەنىستەر جاسادى جانە امالياتتان وتكىزۋ ارەكەتتەرىن ورىستەتىپ، ARJ21 ۇشاعىن شەتەل بازارىنا شىعارۋ شارت – جاعدايىن ۇزدىكسىز كەمەلدەندىردى.

　　جۇڭگو ساۋدالىق ۇشاق جاساۋ سەرىكتەستىگى ليڭيا اۆياتسيا سەرىكتەستىگىنە ۇشاقتان پايدالانۋ ۋاقىتى اقىرلاسقانعا دەيىنگى مەرزىمدە قىزمەت وتەيدى ءارى ۇشاقتى پايدالانۋعا قولداۋ كورسەتەدى، ARJ21 ۇشاعىن حاۋىپسىز، ىركىلىسسىز ىسكە قوسۋعا كۇش سالا كەپىلدىك ەتەدى.

　　كەلۋ قاينارى: حالىق تورابى